تاعى ءبىر رەتكى تىلشىلەر مەرەكەسى كەلدى، شينجياڭ اقپارات سالاسىندا ىركەس - تىركەس قۋانىشتى حابار تارادى
7 تۋىندى جۇڭگو اقپارات سيلىعىنا، 563 تۋىندى شينجياڭ اقپارات سيلىعىنا يە بولدى
21 - رەتكى جۇڭگو تىلشىلەر مەرەكەسى كەلۋ بايلانىسىمەن، شينجياڭ اقپارات سالاسىندا ىركەس - تىركەس قۋانىشتى حابار تارادى. جاقىندا 30 - كەزەكتى جۇڭگو اقپارات سيلىعى سارالانىپ جاريالاندى، شينجياڭنان 7 تۋىندى جەكە - جەكە 2 - دارەجەلى 2 سيلىققا، 3 - دارەجەلى 5 سيلىققا يە بولدى. 563 تۋىندى شينجياڭ اقپارات سيلىعىنا يە بولدى، ءبىرىنشى شەپتەگى 10 ۇزدىك اقپارات قىزمەتكەرى اۆتونوميالى رايوندىق 10 ۇزدىك اقپارات قىزمەتكەرى اتاعىن ەنشىلەدى.
شينجياڭ گازەتى مەكەمەسىنەن (شينجياڭ گازەتشىلىك مەديا توبى) 3 تۋىندى جەكە - جەكە جۇڭگو اقپارات سيلىعىنىڭ 2 - دارەجەلى سيلىعىنا، 3 - دارەجەلى سيلىعىنا يە بولدى. شينجياڭ گازەتىنىڭ ”ءبىر تال انار ءدانى قىزىل توپىراققا تامىر تارتتى“ اتتى ادەبي حابارى وسى كەزەكتى جۇڭگو اقپارات سيلىعىنىڭ 2 - دارەجەلى سيلىعىنا يە بولدى. نانچاڭدا ساۋدامەن شۇعىلداناتىن شينجياڭدىق ۇيعۇر جاس ابدوللا عوجااشىم جەرگىلىكتى بۇقارامەن جۇرەك تابىستىرىپ، كوڭىل توعىستىرىپ، ءىس جۇزىندىك ارەكەتىمەن ۇلتتار ىنتىماعىن امالياتتا ايگىلەپ، جياڭشي ولكەسى جاعىنان ”ۇلتتار ىنتىماعى، العاباسارلىعى ۇلگىسى“ بولىپ باعالانادى. شينجياڭ گازەتى حاباردى بىلگەننەن كەيىن، تىلشىلىك شاعىن اترەتىن تۇندەلەتىپ نانچاڭعا تىلشىلىك جاساۋعا جىبەرەدى ءارى حابارلاۋ تاسىلىنە جاڭالىق ەنگىزىپ، شينجياڭ، جياڭشي ەكى جەردەگى ولكە دارەجەلى پارتيا گازەتتەرى ارقىلى ولكە اتتاپ سەلبەسىپ، جالپىلىق اقپارات قۇرالدارى بىرگە ارەكەتتەنىپ، ۇلتتار ىنتىماعىنداعى تيپتىك تۇلعالاردى بىرلەسىپ حابارلاپ، ۇلتتار ىنتىماعىنىڭ داۋىرلىك نەگىزگى اۋەنىن جاندى تۇردە ساۋلەلەندىرىپ، جۇڭحۋا ۇلتىنىڭ بەرەكەلى شاڭىراعىنىڭ ۇلگىسىن سومدادى. بۇل تۋىندىنىڭ اۆتورلارىنىڭ ءبىرى لي چۇنشيا بىلاي دەدى: جاقسى اقپاراتتىق تۋىندى دەگەنىمىز قايناعان ءومىردى حاباردىڭ نەگىزگى تاقىرىبى ەتىپ، قاراپايىم بۇقارانى حاباردىڭ باس كەيىپكەرى ەتىپ، ”نەگىزگى ساتىنى ارالاۋ، ستيلدە بۇرىلىس جاساۋ، جازۋ ستيلىن جاقسارتۋ“ قيمىلىن تەرەڭدەتۋ بارىسىندا حالىق ءۇشىن حابار جازىپ، ءداۋىردى جىرلاۋ بولىپ تابىلادى.
2019 - جىلعى شينجياڭ اقپارات سيلىعىن باعالاۋ ناتيجەسى بىرنەشە كۇننىڭ الدىندا جاريالاندى، جالپى 563 (نۇسقا) اقپاراتتىق تۋىندى سيلىققا يە بولدى، ونىڭ ىشىندە 3 (نۇسقا) تۋىندى ەرەكشە سيلىق الدى، 92 (نۇسقا) تۋىندى 1 - دارەجەلى سيلىق، 148 (نۇسقا) تۋىندى 2 - دارەجەلى سيلىق، 329 (نۇسقا) تۋىندى 3 - دارەجەلى سيلىق الدى. شينجياڭ گازەتىنىڭ «ءان - كۇيىنە بار ۇلتتىڭ يۇيتيان سازى قوسقان ءۇن − جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىنا ارناۋ»، «ماڭگى پارتيامەن جانە حالىقپەن بىرگە بولامىز − شينجياڭ گازەتى شىعا باستاعاندىعىنىڭ 70 جىلدىعىن ەسكە الۋ» اتتى تۋىندىسى ەرەكشە سيلىققا يە بولدى.
بۇكىل رايونداعى ءار دارەجەلى، ءار ءتۇرلى اقپارات قۇرالدارىنىڭ كورسەتۋى، جەر - جەردىڭ، ورىنداردىڭ جولداۋى ارقىلى اۆتونوميالى رايوندىق اقپارات قىزمەتكەرلەرى قوعامىنىڭ اقپارات سالاسىنداعى مامان - وقىمىستىلاردى ۇيىمداستىرىپ باعالاۋىمەن، 2019 - جىلعى اۆتونوميالى رايوندىق 10 ۇزدىك اقپارات قىزمەتكەرىن باعالاۋ ناتيجەسى بىرنەشە كۇننىڭ الدىندا جاريا بولدى. شينجياڭ گازەتى مەكەمەسى ۇيعۇر رەداكسياسىنىڭ تۇنگى كەزەكشى رەداكتورى حاليدا وبۇل، شينجياڭ راديو - تەلەۆيزيا ستانسياسى تەلە اقپارات ورتالىعى سىرتقا حابار جولداۋ ءبولىمىنىڭ مەڭگەرۋشىسى حۋاڭ تاۋ قاتارلى ناتيجەسى كورنەكتى ءبىرىنشى شەپتەگى 10 اقپارات قىزمەتكەرى وسى داڭقتى اتاقتى ەنشىلەدى. ولار وزدەرىنىڭ قىزمەت ورىندارىندا قوعامدىق جاۋاپكەرشىلىگىن تاپجىلماي اتقارىپ، كاسىپتىك رۋحتى ساۋلەلەندىرىپ، كاسىپتىك ءمورالدان جازباي، قىزمەت ورنىن ءسۇيىپ، كاسىبىن قادىرلەپ، قالتقىسىز ۇلەس قوسىپ، كورنەكتى ناتيجە جاراتىپ، ءار جاقتىڭ كەڭىنەن تۇراقتاندىرۋىنا جانە جاقسى باعاسىنا يە بولدى، ولار بۇكىل رايونداعى اقپارات قىزمەتكەرلەرىنىڭ تاڭداۋلى ۋاكىلى.
تاعى ءبىر حابار. جۇڭگو اقپارات قىزمەتكەرلەرى قوعامى 11 - ايدىڭ 3 - كۇنى 2020 - جىلعى جۇڭگو اقپارات قىزمەتكەرلەرىنە كومەك بەرۋ نىسانى بويىنشا كومەك بەرىلەتىندەردىڭ تىزىمدىگى مەن قاراجات سوماسىن جاريالادى، شينجياڭنان 3 اقپارات قىزمەتكەرى 90 مىڭ يۋان كومەك قاراجاتقا يە بولدى. بۇل جۇڭگو اقپارات قىزمەتكەرلەرى قوعامىنىڭ اقپارات قىزمەت جاۋاپكەرشىلىگىن ادا ەتۋ جولىندا قىزمەت ۇستىندە قۇربان بولعان، جارالانعان نەمەسە اۋىر ناۋقاسقا شالدىققان اقپارات قىزمەتكەرلەرىنە كومەك بەرە باستاعاندىعىنىڭ 7 - جىلى. 7 جىلدان بەرى شينجياڭداعى ءار دارەجەلى اقپارات ورىندارىنان 19 اقپارات قىزمەتكەرى 900 مىڭ يۋان كومەككە يە بولدى.
