”13 - بەسجىلدىقتان“ بەرى، رايونىمىز ءبىلىم مەنشىك ۇقىعىندا قۋاتتى ءوڭىر قۇرۋدى كۇش سالا ىلگەرىلەتىپ، ءبىلىم مەنشىك ۇقىعى جاسامپازدىعى، قولدانۋ، قورعاۋ، باسقارۋ جانە قىزمەت وتەۋ دەڭگەيىن تەز قارقىنمەن جوعارىلاتىپ، جوعارى ساپالى دامۋدى جۇزەگە اسىردى. ”13 - بەسجىلدىق“ كەزىندە بۇكىل رايونىمىزدا پاتەنتكە ءوتىنىش ەتۋ مولشەرى مەن پاتەنت ۇقىعىن بەرۋ مولشەرى جەكە - جەكە ”12 - بەسجىلدىق“مەزگىلىندەگىنىڭ 1.64 ەسەسىندەي جانە 69. 1 ەسەسىندەي بولدى.
”13 - بەسجىلدىق“ مەزگىلىندە اۆتونوميالى رايون شابىتتاندىرۋ ساياساتىن كۇشەيتىپ، ساپانى بەتالىس ەتۋدەن جازباي، ءبىلىم مەنشىك ۇقىعى جاسامپازدىعى ورنىقتىلىق بارىسىندا رەتتەلدى جانە ساپالىلاندى. قازىرگە دەيىن بۇكىل رايوندا 23 پاتەنت جۇڭگو پاتەنت تاڭداۋلى سيلىعىنا، 2 ءتۇرلى پاتەنت جۇڭگو پاتەنت التىن سيلىعىنا يە بولدى. 2019 - جىلى 12 - ايدىڭ 31 - كۇنىنە دەيىن تاۋار بەلگىسىن ءونىمدى تىركەۋگە الدىرۋ مولشەرى 185 مىڭ 900گە جەتىپ، تاۋار ماركاسىن تىركەۋگە الدىرۋدىڭ جىلدىق ورتاشا ارتۋى ％27.89 بولدى. بيىل 6 - ايعا دەيىن شينجياڭ ”تۇرپان ءجۇزىمى“ قاتارلى مەملەكەتتىك گەوگرافيالىق نىشاندىق قورعالاتىن 38 ونىمگە، ”كورلا المۇرتى“ سياقتى 89 گەوگرافيالىق نىشاندىق ساۋدا ماركاسىنا يە بولدى.
”13 - بەسجىلدىق“ مەزگىلىندە اۆتونوميالى رايون قازىنا قارجىسىنىڭ جەتەكشىلىك رولىن ۇزدىكسىز ساۋلەلەندىرىپ، جالپى 59 ميلليون يۋان قازىنا قارجىسىن قوسىپ، جوعارى ساپالى پاتەنت اتقارۋ نىسانىنان 195ىن قولداپ، كاسىپورىنداردى ءبىلىم مەنشىك ۇقىعى باسىمدىعىن باسەكە باسىمدىعىنا اينالدىرۋعا جەتەكتەدى جانە وعان قولداۋ كورسەتتى. 84 كاسىپورىن ءبىلىم مەنشىك ۇقىعىن دايەكتىلەندىرۋ ولشەمىن كۋالاندىرۋدان وتكىزىپ، 4 كاسىپورىن مەملەكەتتىك ءبىلىم مەنشىك ۇقىعىندا ۇلگى كورسەتەتىن كاسىپورىندار ساراپتاۋىنان ءوتىپ، ءبىلىم مەنشىك ۇقىعىن قولدانۋدا ءبىرشاما قوماقتى ناتيجەلەرگە قول جەتكىزدى.
اۆتونوميالى رايون ىركەس - تىركەس «شينجياڭ ۇيعۇر اۆتونوميالى رايونىنىڭ ورتا، شاعىن، ۇساق كاسىپورىنداردىڭ پاتەنت ۇقىعىن كەپىلگە قويىپ قارىز اقشا الۋ قاتەرىنە تولەم قارجىسىن بەرۋدى باسقارۋ ءادىسى (ۋاقىتشا اتقارىلادى)»، «شينجياڭ ۇيعۇر اۆتونوميالى رايونىنىڭ ورتا، شاعىن، ۇساق كاسىپورىنداردىڭ پاتەنت ۇقىعىن كەپىلگە قويىپ قارىز اقشا الۋ ءوسىمىن قازىنادان تولەۋ ءادىسى (سىناق رەتىندە اتقارىلادى)» قاتارلى ساياساتتىق حۇجاتتار شىعاردى، 2016 - جىلدان 2019 - جىلعا دەيىن بۇكىل رايوندا ءبىلىم مەنشىك ۇقىعىن كەپىلگە قويۋ 50 نۇسقا بولىپ، جالپى قارجى سوماسى ءبىر ميلليارد 820 ميلليون يۋان بولعان، مۇنىڭ ىشىندە پاتەنت ۇقىعىن كەپىلگە قويىپ قارجى قۇراۋ تاريحي سيپاتتى ناتيجەگە قول جەتكىزگەن.
”13 - بەسجىلدىق“ مەزگىلىندە اۆتونوميالى رايوننىڭ پاتەنت قورعاۋ تەبىنى كورنەكتى ارتىپ، عىلىم - تەحنيكا جاسامپازدىعى مەن ەكونوميكانىڭ دامۋىنا تاماشا تيجارات - ساۋدا ورتاسىن جاراتتى. «ءبىلىم مەنشىك ۇقىعىن قورعاۋدى كۇشەيتۋ جونىندەگى اتقارۋ پىكىرى» قاتارلى ءبىر قىدىرۋ حۇجاتتاردى جاساپ شىعاردى، سونىمەن بىرگە ءبىلىم مەنشىك ۇقىعىن قورعاۋعا كومەك كورسەتۋ ورتالىعى، ءبىلىم مەنشىك ۇقىعىن قورعاۋ ورتالىعى قۇرىلىسىن كۇش سالا ىلگەرىلەتتى. بۇدان سىرت، ”كوك اسپان“ اتىنداعى پاتەنت ىستەرىن ۋاكىلدىك جۇرگىزۋ سالالارىن رەتتەۋ - جونگە سالۋ ارەكەتىن ورىستەتىپ، ءبىلىم مەنشىك ۇقىعىنا قول سۇعۋ، جالعان - جارامسىز زات ءوندىرۋ زاڭعا قايشى ارەكەتتەرىنە قاتاڭ سوققى بەرىپ، ۋاكىلاتان كاسىپ سالالارىنىڭ ءتارتىبىن جۇيەگە ءتۇسىرىپ، ۇقىق يەلەرى مەن تۇتىنۋشىلاردىڭ زاڭدى ۇقىق - مۇددەسىن ءونىمدى قورعاپ، بازار ءتارتىبىن قورعادى.
