اۆتونوميالى رايون قۇرىلعاندىعىنىڭ 65 جىلدىعىن قۇتتىقتايمىز
باقىتتان كۇلىمدەگەن جىلى جۇزدەر شينجياڭ بەينەسى
اۆتونوميالى رايون قۇرىلعاندىعىنىڭ 65 جىلدىعىن قۇتتىقتايمىز باقىتتان كۇلىمدەگەن جىلى جۇزدەر شينجياڭ بەينەسى
باقىت دەگەن نە؟ مىڭ ادام بالكىم مىڭ ءتۇرلى جاۋاپ بەرەتىن شىعار. شينجياڭنىڭ كەڭ - بايتاق دالاسىن ارالاساڭىز، ءسىز كۇلىمدەگەن جىلى جۇزدەردەن وسىناۋ توپىراقتىڭ تولقىن اتقان تىرشىلىك تىنىسىن بايقاپ، ءاربىر قاراپايىم ادامعا ءتان بولماشى دا ناقتى، الايدا ”جالىندى“ باقىتتى سەزىنە الاسىز.
گۇلدەنگەن زامان، التىن كۇزدە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى تىڭنان العا باسۋدىڭ دابىلىن قاقتى، ءبىز تاعى مەملەكەت مەرەكەسىنىڭ 71 جىلدىعى، اۆتونوميالى رايون قۇرىلعاندىعىنىڭ 65 جىلدىعى مەرەيلى ءساتىن قارسى الىپ وتىرمىز. وسى ساتتە، رايونىمىزداعى ءار ۇلت، ءار سالاداعى 65 قاراپايىم ادامنىڭ جىلى جۇزىنەن قۇرالعان ”جىلى جۇزدەر قابىرعاسىنا“ قاراپ، ءبىز توتەنشە تەبىرەندىكءارى كوڭىلىمىز شاتتىققا بولەندى.
اۆتونوميالى رايون قۇرىلعان 65 جىلدان بەرى، اسىرەسە، پارتيا 18 - قۇرىلتايىنان بەرى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ جەتەكشىلىگىندە، تيانشان الابىنداعى ءار ۇلت پەرزەنتتەرى اسقاق سەزىممەن قوعام ورنىقتىلىعى مەن باياندى تىنىشتىقتى جۇزەگە اسىرۋدىڭ ساپارىندا ارشىندى قاداممەن العا تارتتى. بۇگىنگى شينجياڭ تاۋ - سۋلارى تىنىشتىققا شومىپ، شىت جاڭا لەپكە ەنىپ، تىرشىلىك تىنىسى تاسقىنداپ، ۇمىتكە تولدى.
”ساياساتتىڭ جاقسى - جامانىن بايقاۋدا اۋىلداستاردىڭ جىلاعان الدە كۇلگەنىنە قاراۋ كەرەك“. ءار ۇلت بۇقاراسىنىڭ جۇزىنەن ەسكەن باقتتىڭ كۇلكىسى ءدال وسى شۇعىلالى ساپاردىڭ تاماشا كۋاسى.
باسقا كاسىپكە ويىستىرىپ جۇمىستاندىرۋ، تەبىرەنىپ كۇلۋ؛ جاڭالىق اشىپ شارۋاشىلىق قۇرۋ، تابىسپەن شالقۋ؛ بۇقاراعا قىزمەت وتەۋ، راقاتتانا جىميۋ؛ كەدەيلىكتەن ارىلىپ، اۋقاتتانىپ، قاناعاتپەن كۇلۋ... وسى جىلى جۇزدەر وسى ارادا تۋىلىپ، وسى ارادا ەرجەتكەن شينجياڭدىقتاردىڭ وسىناۋ توپىراققا دەگەن قىزۋ سۇيىسپەنشىلىگىنىڭ كۋاسىنا اينالدى، تيانشان پەرزەنتتەرىنىڭ پارتيا ورتالىق كوميتەتىنە دەگەن، ۇلى وتانعا دەگەن ايتىپ جەتكىسىز العىس ايتۋ سەزىمىنىڭ كۋاسىنا اينالدى، ونان دا ماڭىزدىسى، ”حالىقتى بارىنەن جوعارى قويۋدىڭ“ شينجياڭنىڭ بايتاق دالاسىنداعى جاندى امالياتىنىڭ كۋاسىنا اينالدى. ورنىقتىلىقتىڭ پايداسىنان بىرگە يگىلىكتەنىپ، دامۋدىڭ تامىرىن سەزىنىپ، تابىستىڭ ءلاززاتىن تاتقان ءاربىر شينجياڭدىقتىڭ جۇرەگىندە وزىنە تاۋەلدى ”باقىت ءتىزىمى“ ورنادى.
سەنىڭ كۇلىمسىرەگەن بەينەڭ سونداي ادەمى! قارداي اپپاق باستالۋ سىزىعى جاڭالاندى، جىلى جۇزبەن ۇلگى قالىپتاستىرىپ، باقىتقا قاراي اتتانايىق، جىگەرى تاسقىنداعان شينجياڭدىقتار، قايراتتان!
