اۆتونوميالى رايون دەمالىسقا، زەينەتكە شىققان ساقا كادرلاردىڭ اڭگىمە ءماجىلىسىن اشتى
چىن چۋانگو ماجىلىسكە قاتىناستى ءارى ءسوز سويلەدى
شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين قاتىناستى
جۇڭحۋا حالىق رەسپۋبليكاسىنىڭ 71 جىلدىق مەملەكەت مەرەكەسى جانە جۇڭچيۋ مەرەكەسى قارساڭىندا، 9 - ايدىڭ 30 - كۇنى تۇستەن كەيىن اۆتونوميالى رايون دەمالىسقا، زەينەتكە شىققان ساقا كادرلار اڭگىمە ءماجىلىسىن اشىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جەتكىزدى، ۇيرەندى، اۆتونوميالى رايوننىڭ قىزمەت جاعدايىن حابارلاندىردى، ساقا باسشى جولداستاردىڭ اۆتونوميالى رايوننىڭ رەفورما، دامۋ، ورنىقتىلىق قىزمەتتەرى جونىندەگى پىكىرلەرى مەن ۇسىنىستارىن تىڭدادى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى.
ءماجىلىس 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جەتكىزدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىستە بيىل جىل باسىنان بەرگى اۆتونوميالى رايوننىڭ قىزمەت جاعدايىن حابارلاندىردى. اۆتونوميالى رايوننىڭ باسشىلارىنان شاۋكەت يمىن، نۇرلان ءابىلماجىن، ۋاڭ جۇنجىڭ، شۇي حايرۇڭ، تيان ۋىن، سارقىت اقان، جاڭ چۇنلين، ۋاڭ ميڭشان قاتارلىلار اڭگىمە ماجىلىسكە قاتىناستى. اۆتونوميالى رايوندىق پارتكومنىڭ ورىنباسار شۋجيى لي پىڭشين ءماجىلىستى باسقاردى.
چىن چۋانگو سوزىندە اۆتونوميالى رايوندىق پارتكوم مەن ۇكىمەت اتىنان، ۇزاق ۋاقىتتان بەرى شينجياڭنىڭ رەفورما، دامۋ، ورنىقتىلىق ىستەرىنە ماڭىزدى ۇلەس قوسىپ كەلگەن بۇكىل رايونداعى ساقا باسشىلارعا، ساقا جولداستارعا شىن جۇرەكتەن العىس ايتتى، وسكەلەڭ قۇرمەت ءبىلدىردى، مەرەكەلىك ىزگى تىلەك تىلەدى. چىن چۋانگو بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا بيىل جىل باسىنان بەرى تۇتاس رايونداعى ءار ۇلت كادر - بۇقاراسى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا ورتالىق كوميتەتىنىڭ ىندەتتەن ساقتانۋ - تىزگىندەۋدى ۇدايىلاندىرۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاپپاي دوڭگەلەك داۋلەتتى قوعام ورناتۋ نىسانا - مىندەتتەرىن تىعىز ارقاۋ ەتىپ، ىنتىماقتاسا كۇرەس جۇرگىزىپ، شىنايى يگەرىپ، تىڭعىلىقتى ىستەپ، ءتۇرلى ىستەردە جاڭا ىلگەرىلەۋشىلىكتەرگە قول جەتكىزدى. وسى ناتيجەلەرگە قول جەتكىزۋدىڭ ءتۇبىرلى نەگىزى باس شۋجي شي جينپيڭنىڭ جول نۇسقاپ، رولدى مەڭگەرۋىندە جانە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا بولىپ، بۇكىل ەلدەگى ءار ۇلت حالقىنىڭ كۇش سالا كومەكتەسۋىنىڭ جانە تۇتاس رايونداعى ءار ۇلت كادر - بۇقاراسىنىڭ قاجىرلىلىقپەن كۇرەس جاساۋىنىڭ ارقاسىندا قولعا كەلگەن، سونداي - اق وعان ساقا باسشىلاردىڭ، ساقا جولداستاردىڭ جۇرەك قانى مەن ماڭداي تەرى سىڭگەن.
چىن چۋانگو بىلاي دەدى: پارتيا ورتالىق كوميتەتىنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىن اشۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە وسكەلەڭ ءمان بەرگەندىگىن تولىق بەينەلەدى، باس شۋجي شي جينپيڭنىڭ شينجياڭداعى ءار ۇلت كادر - بۇقاراسىنا دەگەن قامقورلىعى مەن قويۋ سۇيىسپەنشىلىگىن تولىق ايگىلەدى. باس شۋجي شي جينپيڭنىڭ ماڭىزدى ءسوزى شينجياڭنىڭ ءتۇرلى قىزمەتتەرىن اناعۇرلىم ويداعىداي ىستەۋگە ايقىن العا باسۋ بەتالىسىن نۇسقادى، ءتۇبىرلى بويسۇنۋ ولشەمىن ازىرلەدى، قۋاتتى قوزعاۋشى كۇش ۇستەدى، ول جاڭا داۋىردەگى شينجياڭ قىزمەتىنە جەتەكشىلىك ەتەتىن تۇعىرنامالىق حۇجات، شينجياڭ قىزمەتىن تۋراشىلدىقتى ساقتاپ، جاڭالىق اشۋعا، جەڭىسپەن العا باسۋعا جەتەكتەيتىن قۇدىرەتتى يدەيالىق قارۋ. كەزەكتە تۇتاس رايوندا جوعارىدان تومەنگە دەيىن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، شينجياڭنىڭ ءتۇرلى قىزمەتتەرىنىڭ جاڭا جاعدايىن اشۋعا قۇلشىنۋدا. ساقا باسشىلاردان، ساقا جولداستاردان باس شۋجي شي جينپيڭنىڭ ماڭىزدى ءسوزىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات ۇيرەنىپ، دايەكتىلەندىرىپ، وزگەشە ابزالدىلىقتارى مەن رولدارىن ۇزدىكسىز ساۋلەلەندىرىپ، اۆتونوميالى رايوننىڭ ءتۇرلى قىزمەتتەرىنە بۇرىنعىسىنشا كوڭىل ءبولىپ جانە قولداۋ كورسەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرۋگە، تياناقتاندىرۋعا، جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرۋعا تىڭ ۇلەس قوسۋلارىن ءۇمىت ەتەمىن.
چىن چۋانگو بىلاي دەپ اتاپ كورسەتتى: جەر - جەر، تاراۋلار يدەيا مەن ارەكەتتى باس شۋجي شي جينپيڭنىڭ ساقا كادرلار قىزمەتى جونىندەگى ماڭىزدى نۇسقاۋىنىڭ رۋحىمەن شىنايى بىرلىككە كەلتىرىپ، ساقا جولداستاردىڭ ەڭبەكتەرىن ەستە بەرىك ساقتاپ، ساقا جولداستاردىڭ رۋحىنا مۇراگەرلىك ەتىپ جانە ونى جالعاستىرىپ، ساقا جولداستاردىڭ ابزالدىلىقتارى مەن رولىن ويداعىداي ساۋلەلەندىرۋىنە قولداۋ كورسەتۋ كەرەك. يدەيالىق جاقتان كوڭىل بولۋگە، تۇرمىس جاعىنان قارايلاسۋعا، رۋحاني جاقتان قامقورلىق جاساۋعا تاباندى بولىپ، پارتيا ورتالىق كوميتەتىنىڭ ساقا كادرلار قىزمەتى جونىندەگى ءتۇرلى باعىت - ساياساتتارىن ويداعىداي تياناقتاندىرىپ، ءىس جۇزىندىك قيىنشىلىقتارىن بەلسەندىلىكپەن، ىرىقتىلىقپەن شەشىپ، ساقا جولداستاردىڭ قارتايعاندا كۇتىمدەلە الۋىنا، قارتايعاندا سۇيەنىشى بولۋىنا، قارتايعاندا ۇيرەنە الۋىنا، قارتايعاندا كوڭىل اشا الۋىنا، قارتايعاندا الاڭسىز بولۋىنا تاماشا شارت - جاعداي جاراتۋ كەرەك.
ساقا كادرلار ءبىر اۋىزدان مىنالاردى ءبىلدىردى: 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، شينجياڭ قىزمەتى كەلەلى ناتيجەلەرگە قول جەتكىزدى، ەكونوميكالىق، قوعامدىق دامۋى جانە حالىق تۇرمىسىن جاقسارتۋ بۇرىن بولماعان تابىسقا قول جەتكىزدى، شينجياڭداعى ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيىپ، قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىعىپ، باياندى تىنىشتىققا ارشىندى قادام تاستاۋعا بەرىك نەگىز قالاندى. ءبىز 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنگەننەن كەيىن، شاتتانىپ، جىگەرلەنىپ، شىن جۇرەكتەن قۋانىپ، ماقتانىش سەزىندىك. كوپشىلىك ءبىر اۋىزدان شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، ءوز ابزالدىلىقتارى مەن رولدارىن تولىق ساۋلەلەندىرىپ، اۆتونوميالى رايوندىق پارتكوم مەن ۇكىمەتتىڭ قىزمەتىن بەلسەنە قولداپ، جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرۋعا اقىل - پاراساتتارى مەن كۇش - قۋاتتارىن ارنايتىندىقتارىن ءبىلدىردى.
