اۆتونوميالى رايوندىق ساۋدا مەڭگەرمەسىنەن ۇعىسۋىمىزشا، 8 - ايدا شينجياڭنىڭ سىرتقى ساۋدا يمپورت - ەكسپورت جالپى قۇنى 15 ميلليارد 630 ميلليون يۋانعا جەتىپ، سايكەس مەزگىلدەگىدەن ％31.5 ارتىپ، سىرتقى ساۋدادا قايتا ورنىعىپ جاقسارۋداي ارتۋ جاعدايى جارىققا شىققان. مۇندا ەكسپورت 11 ميلليارد 760 ميلليون يۋان بولىپ، سايكەس مەزگىلدەگىدەن ％39.9 ارتقان؛ يمپورت 3 ميلليارد 870 ميلليون يۋان بولىپ، سايكەس مەزگىلدەگىدەن ％11.2ارتقان.
بيىل الدىڭعى 8 ايدا شينجياڭنىڭ سىرتقى ساۋدا يمپورت - ەكسپورت جالپى قۇنى 89 ميلليارد 90 ميلليون يۋانعا جەتىپ، سايكەس مەزگىلدەگىدەن ％1.1 ارتقان. ساۋدا فورماسىنان قاراعاندا، ادەتتەگى ساۋدانىڭ كولەمى ورنىقتى جوعارىلاپ، يمپورت - ەكسپورت جالپى قۇنى 42 ميلليارد 410 ميلليون يۋان بولىپ، سايكەس مەزگىلدەگىدەن ％34.4 ارتقان. باسقا ساۋدا فورماسىندا تەز قارقىنمەن دامۋ جاعدايى جارىققا شىعىپ، مانەرلەۋ ساۋداسى، باجىسىز زات اينالىمى، باسقا ساۋدا سياقتىلاردىڭ ارتۋ قارقىنى ءبىرشاما تەز بولعان.
قازاقستان ءالى دە جۇڭگونىڭ شينجياڭىندا ءبىرىنشى ۇلكەن ساۋدا سەرىك، 1 - ايدان 8 - ايعا دەيىن شينجياڭنىڭ قازاقستانعا يمپورت - ەكسپورت جالپى قۇنى 44 ميلليارد 760 ميلليون يۋان بولىپ، سايكەس مەزگىلدەگىدەن ％10.2 ارتىپ، شينجياڭ سىرتقى ساۋدا جالپى قۇنىنىڭ ％50تەن استامىن يەلەپ، ارتۋ جاعدايى كورنەكتى بولعان.
حالىقتىق كاسىپورىندار ءالى دە سىرتقى ساۋداداعى نەگىزگى كۇش بولعان، مەملەكەت مەنشىگىندەگى كاسىپورىنداردىڭ بەينەسى دە جالىندى بولىپ، سىرتقى ساۋدانىڭ دامۋ ساپاسى ورنىقتى قاداممەن جوعارىلاعان. ماشينا - ەلەكتر ونىمدەرى، كيىم - كەشەك جانە اۋىل شارۋاشىلىق ونىمدەرى سياقتىلاردىڭ ەكسپورتى ۇزدىكسىز ارتقان، تابيعي گاز، مەتال كەن ونىمدەرى جانە كەن قيىرشىعى نەگىزگى يمپورت تاۋارلارى بولعان.
اۆتونوميالى رايوندىق ساۋدا مەڭگەرمەسىنىڭ قاتىستى جاۋاپتىسى مىنالاردى ءبىلدىردى: بيىل رايونىمىز ىلگەرىندى - كەيىندى سىرتقى ساۋدانى ورنىقتىرۋ، سىرتقى قارجىنى ورنىقتىرۋ ارناۋلى فينانستىق قىزمەت وتەۋ جوباسى، سىرتقى ساۋدانى ورنىقتىرۋ، سىرتقى قارجىنى ورنىقتىرۋ قىزمەت جوباسى سياقتى ءبىر قىدىرۋ ساياساتتىق شارالاردى شىعاردى. قازىردەن قاراعاندا، ءتۇرلى ساياساتتىق شارالار تياناقتانىپ، رايونىمىزدىڭ سىرتقى ساۋدا كاسىپورىندارىنىڭ جۇمىستى، ءوندىرىستى قالپىنا كەلتىرۋىنە جانە سىرتقى ساۋدانى دامىتۋىنا پارمەندى قولداۋ كورسەتكەن. بۇدان كەيىن، الدىڭعى مەزگىلدە شىعارعان ءونىمدى شارالاردى ىشكەرىلەي تياناقتاندىرىپ، اناعۇرلىم دالمە - ءدال، ءونىمدى شارالار شىعارىپ، كاسىپورىندارعا ءتىپتى دە جاقسى دامۋ ورتاسىن جاراتۋ كەرەك.
