جۋىقتا اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساعان 6 تيپتىك ماسەلەنى اشىق جاريالادى. بۇل 6 تيپتىك ماسەلە:
1. قاراقاش اۋداندىق وقۋ - اعارتۋ مەكەمەسى پارتيا باسشىلىق گرۋپپاسىنىڭ بۇرىنعى شۋجيى، ورىنباسار مەكەمە باستىعى تان شياۋحۇڭنىڭ بەلگىلەمەگە قايشىلىق جاساپ تارتۋ - تارالعى، سياقى قابىلداۋ سياقتى ماسەلەلەرى. 2013 - جىلى 2 - ايدان 2019 - جىلى 11 - ايعا دەيىن، تان شياۋحۇڭ قىزمەت مىندەتى قولايلىلىعىنان پايدالانىپ، كوپ رەت باسقارۋ، قىزمەت وتەۋ وبيەكتىسىنىڭ تارتۋ - تارالعىسىن، سياقىسىن العان، اقشاعا سىندىرعاندا جالپى 50 مىڭ 800 يۋان بولعان؛ 2017 - جىلى 12 - ايدا، 2018 - جىلى 3 - ايدا تۋىسىنىڭ ءولىم - ءجىتىم ىستەرىن وتكىزۋدەن پايدالانىپ، بەلگىلەمەگە قايشىلىق جاساپ باسقارۋ، قىزمەت وتەۋ وبيەكتىلەرى ۇسىنعان سياقىدان جالپى 65 مىڭ يۋان العان. مۇنان سىرت، تان شياۋحۇڭنىڭ تارتىپكە اۋىر قايشىلىق جاساعان باسقا دا ماسەلەلەرى بار. تان شياۋحۇڭعا پارتيادان ايداۋ، اكىمشىلىك مىندەتىنەن الىپ تاستاۋ جازاسى بەرىلدى.
2. مارالباسى اۋداندىق جۇڭگوشا شيپاگەرلىك شيپاحاناسى پارتيا ياچەيكاسىنىڭ بۇرىنعى ورىنباسار شۋجيى، شيپاحانا باستىعى امەر سىدىقتىڭ بەلگىلەمەگە قايشىلىق جاساپ باسقارۋ، قىزمەت وتەۋ وبيەكتىلەرىنىڭ قوناعاسىنا قاتىناسۋ جانە ساياحات قيمىلىنا ورنالاستىرۋىن قابىلداۋ ماسەلەسى. 2013 - جىلى 1 - ايدان 2018 - جىلى 12 - ايعا دەيىن امەر سىدىق جيىنعا، ۇيرەنۋ - باۋلۋعا قاتىناسۋ سياقتى ورايلاردان پايدالانىپ، ساپارىن ءوز بەتىمەن وزگەرتىپ، بەلگىلى ءبىر ەمدەۋ اسپابىمەن قامداۋ ساۋداگەرىنىڭ ورنالاستىرعان قوناعاسى، ساياحات سياقتى قيمىلدارعا تالاي رەت قاتىناسىپ، جيىنى 23 مىڭ 700 يۋان تۇتىنعان؛ كوپ رەت بەلگىلەمەگە قايشىلىق جاساپ باسقارۋ، قىزمەت وتەۋ وبيەكتىسىنىڭ تارتۋ - تارالعى، سياقىسىن قابىلداعان، اقشاعا سىندىرعاندا جالپى 5400 يۋان بولعان. مۇنان سىرت، امەر سىدىقتىڭ تارتىپكە قايشىلىق جاساعان باسقا دا ماسەلەلەرى بار. امەر سىدىققا پارتيادا قالدىرىپ 2 جىل بايقاپ كورۋ، اكىمشىلىك مىندەتىنەن الىپ تاستاۋ جازاسى بەرىلدى.
3. سانجى قالاسى قالاعا قارجى قوسۋ، قۇرىلىسىن دامىتۋ شەكتى سەرىكتەستىگىنىڭ بۇرىنعى القا باستىعى، باس ديرەكتورى جىڭ يۇڭنىڭ بەلگىلەمەگە قايشىلىق جاساپ باسقارۋ، قىزمەت وتەۋ وبيەكتىلەرى ۇسىنعان زات ساتىپ الۋ كارتچكاسى جانە سياقىسىن قابىلداۋ ماسەلەسى. 2013 - جىلى كوكتەم مەرەكەسىنەن 2018 - جىلى جۇڭچيۋ مەرەكەسىنە دەيىن جىڭ يۇڭ ىلگەرىندى - كەيىندى 18 رەت بەلگىلەمەگە قايشىلىق جاساپ باسقارۋ، قىزمەت وتەۋ وبيەكتىلەرى ۇسىنعان زات ساتىپ الۋ كارتچكاسى جانە سياقى سياقتىلاردى العان، اقشاعا سىندىرعاندا جالپى 88 مىڭ يۋان بولعان. جىڭ يۇڭعا پارتيادا قالدىرىپ ءبىر جىل بايقاپ كورۋ، قىزمەت دارەجەسىن تومەندەتۋ جازاسى بەرىلدى.
4. بايىنعولين موڭعۇل اۆتونوميالى وبلىستىق مادەنيەت، دەنە تاربيە، راديو - كينو - تەلەۆيزيا مەكەمەسى پارتيا باسشىلىق گرۋپپاسىنىڭ بۇرىنعى ورىنباسار شۋجيى، مەكەمە باستىعى حۋاڭ يافيدىڭ بەلگىلەمەگە قايشىلىق جاساپ تارتۋ - تارالعى، سياقى قابىلداۋ سياقتى ماسەلەلەرى. 2014 - جىلى كوكتەم مەرەكەسىنەن 2018 - جىلى جۇڭچيۋ مەرەكەسىنە دەيىن حۋاڭ يافي تالاي رەت بەلگىلەمەگە قايشىلىق جاساپ باسقارۋ، قىزمەت وتەۋ وبيەكتىلەرى ۇسىنعان زات ساتىپ الۋ كارتچكاسى، جوعارى سورتتى اراق - تەمەكى سياقتى تارتۋ - تارالعىلاردى، سياقىنى العان، اقشاعا سىندىرعاندا جالپى 43 مىڭ 200 يۋان بولعان. مۇنان سىرت، حۋاڭ يافيدىڭ تارتىپكە قايشىلىق جاساعان باسقا دا ماسەلەلەرى بار. حۋاڭ يافيگە پارتيا ىشىندە قاتاڭ ەسكەرتۋ جازاسى بەرىلدى.
5. شاپشال سىبە اۆتونوميالى اۋدانى كەن اۋىلدىق ۇكىمەتتىڭ ورىنباسار اۋىل باستىعى باقىتبەك راحىمبەك، ارال قىستاق تۇرعىندار كوميتەتىنىڭ مەڭگەرۋشىسى تۇرداقىن زاكىردىڭ بەلگىلەمەگە قايشىلىق جاساپ باسقارۋ، قىزمەت وتەۋ وبيەكتىلەرىنىڭ قوناعاسىنا بارۋ جانە جوعارى تۇتىنۋ كوڭىل اشۋ قيمىلىنا قاتىناسۋ ماسەلەلەرى. 2018 - جىلى 10 - ايدا جانە 11 - ايدا باقىتبەك راحىمبەك، تۇرداقىن زاكىر ىلگەرىندى - كەيىندى 2 رەت باسقارۋ، قىزمەت وتەۋ وبيەكتىلەرى ۇيىمداستىرعان قوناعاسىنا بارىپ جانە جوعارى تۇتىنۋ كوڭىل اشۋ قيمىلىنا قاتىناسىپ، جيىنى 14 مىڭ 400 يۋان تۇتىنعان. باقىتبەك راحىمبەك، تۇرداقىن زاكىرگە جەكە - جەكە پارتيا ىشىندە قاتاڭ ەسكەرتۋ جازاسى بەرىلدى.
6. قارامايلى قالاسى قارامايلى رايوندىق قوعام حاۋىپسىزدىگى بولىمشە مەكەمەسى شارلاۋ ۇلكەن اترەتى تيانشان ورتا اترەتىنىڭ باستىعى شۇي گۋاڭچىڭنىڭ بەلگىلەمەگە قايشىلىق جاساپ ۇكىمەت اقشاسىمەن ءىشىپ - جەۋ سياقتى ماسەلەلەرى. 2019 - جىلى 6 - ايدان 2019 - جىلى 10 - اي ارالىعىندا شۇي گۋاڭچىڭ قىزمەت مىندەتى قولايلىلىعىنان پايدالانىپ، ۇكىمەت كولىگىن جالعاننان جوندەۋ اقىسىن شىعارىپ، 10 مىڭ 300 يۋاندى جالداپتىقپەن اۋىستىرىپ، ءوزى جەكەلەي ۇيىمداستىرعان قوناعاسىنا جۇمساعان. شۇي گۋاڭچىڭعا پارتيا ىشىندە ەسكەرتۋ جازاسى بەرىلدى.
جوعارىداعى تارتىپكە، بەلگىلەمەگە قايشىلىق جاساعان 6 ماسەلەنىڭ كەيبىرەۋى بەلگىلەمەگە قايشىلىق جاساپ ۇكىمەت اقشاسىمەن ءىشىپ - جەگەن، كەيبىرەۋى بەلگىلەمەگە قايشىلىق جاساپ قوناعاسىنا بارعان، كەيبىرەۋى بەلگىلەمەگە قايشىلىق جاساپ تارتۋ - تارالعى، سياقى السا، كەيبىرەۋى بەلگىلەمەگە قايشىلىق جاساپ باسقارۋ، قىزمەت وتەۋ وبيەكتىلەرى ۇيىمداستىرعان ساياحات، قوناعاسى قيمىلىنا قاتىناسقان، بارلىعى پارتيا 19 - قۇرىلتايىنان كەيىن تۋىلعان نەمەسە ۇزدىكسىز تۋىلعان، تىزگىنىن تارتپاعان، قولىن تارتپاعان تيپتىك ءىس - ارەكەت سانالادى، ستيل قۇرىلىسىنىڭ ماڭگى جالعاساتىندىعىن، ءسوز جوق، ”قاتاڭ بولۋ“ نەگىزگى اۋەنىنە ۇزاق ۋاقىت تاباندى بولىپ، تاباندىلىقپەن ستيل دۇرىستاۋ، ءتارتىپتى قاتايتۋ كەرەك ەكەندىگىن تەرەڭ تۇسىندىرەدى.
ستيل قۇرىلىسى پارتيامىزدىڭ پارتيا قۇرۋ اۋەلگى ماقساتىنان اينۋ - اينىماۋىنا، بيلىك جۇرگىزۋ بورىشىن وتەۋ - وتەمەۋىنە سايادى. ”جۇڭچيۋ“، ”مەملەكەت مەرەكەسى“ تاياپ قالدى، مەرەكە كەزى ”سىناۋ ءتۇيىنى“ سانالادى. بۇكىل رايونداعى ءار دارەجەلى پارتيا ۇيىمدارى ساياسي دەڭگەيدى جوعارىلاتىپ، تاباندىلىقتى ساقتاپ، ەشقانداي جول بەرمەي، ورتالىقتىڭ سەگىز ءتۇرلى بەلگىلەمەسىنىڭ رۋحىن ۇزاق ۋاقىت تاباندى تياناقتاندىرىپ، كادرلارعا بولعان تاربيەلەۋدى، باسقارۋدى، باقىلاۋ - تەكسەرۋدى كۇشەيتىپ، ”ءتورت ءتۇرلى بۇرىس ستيل“ ماسەلەلەرىن، اسىرەسە، اس - سۋ ىسىراپشىلدىعى، بەلگىلەمەگە قايشى ءىشىپ - جەۋ سياقتى راقاتقۇمارلىقتى، استا - توك ىسىراپشىلدىقتى قاتاڭ تۇزەتىپ، جونگە سالىپ، ”مەرەكەلىك شىرىكتەسۋدى“ قاتاڭ تەجەۋ كەرەك. ءار دارەجەلى پارتيالى باسشى كادرلار باس شۋجي شي جينپيڭنىڭ ستيل قۇرىلىسىن كۇشەيتۋ جونىندەگى ءبىرسىپىرا ماڭىزدى نۇسقاۋلارىنىڭ رۋحىن مۇقيات دايەكتىلەندىرىپ، تياناقتاندىرىپ، استىقتى ۇنەمدەۋ، اس - سۋ ىسىراپشىلدىعىن تيۋدى ورتالىقتىڭ سەگىز ءتۇرلى بەلگىلەمەسىنىڭ رۋحىن تياناقتاندىرۋدىڭ ماڭىزدى جاعى ەتىپ، قاي - قاشان دا ءتارتىپ ارقاۋىن مىقتاپ شيراتىپ، ۇساق ىستەردەن باستاپ ىستەپ، شاعىن بۋىنداردان باستاپ ساقتاپ، ”مەرەكەلىك اۋرۋدى“ قاتاڭ تەجەپ، ۇلگىلىك رولىن ساۋلەلەندىرۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ءار دارەجەلى باسشى ورگاندار، پارتيالى باسشى كادرلار جانە ۇكىمەت قىزمەتكەرى سياقتى ءتۇيىندى وبيەكتىلەرگە بولعان قىراعىلىقتى ارتتىرىپ، استىقتى ۇنەمدەۋ، اس - سۋ ىسىراپشىلدىعىن تيۋدى باقىلاۋدى ”ءتورت ءتۇرلى بۇرىس ستيلدى“ تۇزەتىپ، جونگە سالۋدىڭ ماڭىزدى جاعى ەتىپ، ”اس - سۋ ىسىراپشىلدىعىن“ تيۋدى ۇدايى بوساڭسىتپاي قاتاڭ ۇستاپ، ”اس - سۋ شىرىكتەسۋى“ بايقالعان زامان قاتاڭ سوققى بەرۋ؛ بەلگىلەمەگە قايشىلىق جاساپ ءىشىپ - جەۋ، ۇكىمەت كولىگىن جەكەلىگىنە پايدالانۋ، الباتى اقشا، زات تاراتۋ سياقتى مەرەكە كەزىندە وڭاي تۋىلاتىن، ءجيى تۋىلاتىن ماسەلەلەردى قاتاڭ قاداعالاپ، باقىلاۋ - قۋزاۋ، ءتارتىپتى اتقارۋ، جاۋاپكەرشىلىككە تارتۋ تەبىنىن ۇزدىكسىز كۇشەيتىپ، ءتارتىپ - ەرەجەنى كوزگە ىلمەيتىن، ەگەسىپ تارتىپكە قايشىلىق جاساعانداردى بايقالعان زامان دەرەۋ تەكسەرىپ، قاتاڭ ءبىر جاقتى ەتىپ، سوڭىنا تاياعان سايىن قاداعالاۋدى بارعان سايىن قاتايتىپ، ءتارتىپتى بارعان سايىن قاتاڭ اتقارۋدىڭ كۇشتى سيگنالىن ۇزدىكسىز تاراتىپ، ستيل قۇرىلىسىنىڭ ناتيجەسىن ۇزدىكسىز بەكەمدەۋ، كەڭەيتۋ كەرەك.
