9 - ايدىڭ 22 - كۇنى اۆتونوميالى رايوندىق حالىق ۇكىمەتى مەن جيڭدۇڭ توبى ستراتەگيالىق سەلبەستىك جونىندەگى جۇلگەلىك كەلىسىمگە قول قويىپ، ەكى جاقتىڭ سەلبەسىپ تەڭ يگىلىككە كەنەلۋ جوباسىن قاراستىردى.
شينجياڭ وزگەشە ورىن باسىمدىعىنا، بايلىق باسىمدىعىنا، قورشاعان ورتا باسىمدىعىنا، ەسىك اشۋ باسىمدىعىنا، تەبىندەۋ باسىمدىعىنا يە. وسى جولى ستراتەگيالىق سەلبەستىك جونىندەگى جۇلگەلىك كەلىسىمگە قول قويۋ، ءسوز جوق، شينجياڭعا، جيڭدۇڭعا اناعۇرلىم كوپ جاڭا وراي مەن شەكسىز مۇمكىندىكتەر جاراتادى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ەكى جاقتىڭ وسى زامانعى زات اينالىمى، ساۋدا - ساتتىق اينالىمى، شەكارا اتتاعان ەلەكتروندى ساۋدا سياقتى سالالاردا سەلبەستىكتى جالپى بەتتىك كۇشەيتىپ، جيڭدۇڭنىڭ ءتىپتى دە كوپ جاڭا كاسىپ كۇيىن، جاڭا ۇلگىسىن شينجياڭعا كوشىرىپ ەنگىزىپ، دامىپ زورايتىپ، جاڭا ارتۋ تۇيىندەرىن جەتىلدىرىپ، ءوزارا پايدا جەتكىزۋ، تەڭ يگىلىككە كەنەلۋدىڭ جاڭا جاعدايىن اشۋىن ءۇمىت ەتتى.
جيڭدۇڭ توبىنىڭ ورىنباسار القا باستىعى شۇي فىڭ مىنانى ءبىلدىردى: جيڭدۇڭ توبى شينجياڭنىڭ جارقىن دامۋ بولاشاعىن تولىق كورىپ وتىر، قامداۋ تىزبەگىن نەگىز ەتكەن ينتەرنەت كاسىپورنى رەتىندە، شينجياڭنىڭ ەكونوميكالىق، قوعامدىق دامۋىنا دەم بەرۋ، شينجياڭنىڭ كاسىپ سالاسىنىڭ سيفرلانىپ وسۋىنە ەنەرگيا ۇستەۋ، بۇقارانى يگىلىككە كەنەلتۋ جاقتارىندا ءوز ىسكەرلىگىن كورسەتەدى.
