مادەنيەت قۇرىلىسىن ءتىپتى دە كورنەكتى ورىنعا قويامىز
− باس شۋجي شي جينپيڭنىڭ وقۋ - اعارتۋ، مادەنيەت، دەنساۋلىق ساقتاۋ، دەنە تاربيە سالالارىنىڭ ماماندارى، ۋاكىلدەرى اڭگىمە ماجىلىسىندە سويلەگەن ماڭىزدى ءسوزى رايونىمىزدا قىزۋ اڭىس قوزعادى
”جۇڭگوشا سوتسياليزم − جالپى بەتتىك داميتىن، جالپى بەتتىك العا باساتىن ۇلى ءىس، سوتسياليستىك مادەنيەتتىڭ گۇلدەنۋى، دامۋى بولمايىنشا، سوتسياليستىك وسىزامانداندىرۋ دا بولماق ەمەس“.
9 - ايدىڭ 22 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وقۋ - اعارتۋ، مادەنيەت، دەنساۋلىق ساقتاۋ، دەنە تاربيە سالالارىنىڭ ماماندار، ۋاكىلدەرى اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى، بۇل رايونىمىزدىڭ مادەنيەت جانە دەنە تاربيە قىزمەتكەرلەرى اراسىندا قىزۋ اڭىس قوزعادى.
كوپشىلىك جابال مىنانى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، مادەنيەت قۇرىلىسىن ءتىپتى دە كورنەكتى ورىنعا قويىپ، سوتسياليستىك وزەكتى قۇن كوزقاراسى ارقىلى مادەنيەت قۇرىلىسىنا جەتەكشىلىك ەتۋگە تاباندى بولىپ، مادەنيەت ىستەرىن جانە مادەنيەت شارۋاشىلىعىن گۇلدەندىرىپ، دامىتىپ، ءار ۇلت بۇقاراسىن اناعۇرلىم تولىق، اناعۇرلىم مول، اناعۇرلىم جوعارى ساپالى رۋحاني مادەنيەت تۇرمىسىنا كەنەلتۋ كەرەك.
«مادەنيەت ىستەرىن دامىتۋ − حالىقتىڭ رۋحاني مادەنيەت قاجەتىن قاناعاتتاندىرعاندىق، حالىقتىڭ مادەنيەت ۇقىق - مۇددەسىن قامتاماسىز ەتۋدىڭ نەگىزگى جولى». اۆتونوميالى رايوندىق ادەبيەت - كوركەمونەرشىلەر بىرلەستىگى پارتيا باسشىلىق گرۋپپاسىنىڭ مۇشەسى، باس حاتشى شيۇڭ حۇڭجيۋ بىلاي دەدى: ”مەن باس شۋجيدىڭ ماڭىزدى سوزىنەن تەرەڭ اسەر الدىم. قىستاقتا تۇراتىن قىزمەت اترەتىنىڭ كومەگىندە مادەنيەتپەن جەتەكتەۋ ارقىلى قىستاق تۇرعىندارىنىڭ رۋحاني كەلبەتى وزگەردى، وسى زامانعى تۇرمىس كەشىردى. ادەبيەت - كوركەمونەر قىزمەتكەرى رەتىندە، مەن ىزگىلىككە تالپىناتىن، كوركەمدىككە ۇمتىلاتىن ءتىپتى دە كوپ ادەبيەت - كوركەمونەر تۋىندىلارىن ءار ۇلت بۇقاراسىنا ۇسىنامىن“.
”باس شۋجيدىڭ ماڭىزدى ءسوزى جاڭا داۋىردە مادەنيەت قۇرىلىسىن نىعايتۋدىڭ كەلەلى ءمانىن تولىق بايىمداپ، جۇڭحۋا ۇلتىنىڭ ۇزاق تاريحي مادەنيەتىن زەرتتەۋدى جانە ۇگىتتەۋدى كۇشەيتۋگە اناعۇرلىم جوعارى تالاپ قويدى“. ءۇرىمجى قالالىق مۇراجايدىڭ (قالالىق توڭكەرىستىك تاريحي ەسكەرتكىش ورنىن باسقارۋ ورتالىعى) كاسىپتىك جاۋاپتىسى تۇرسىن قىزىربەك بىلاي دەدى: ”بۇدان بىلاي ءبىز پارتيا تاريحىن، جاڭا جۇڭگو تاريحىن، رەفورما جاساۋ، ەسىك اشۋ تاريحىن ۇيرەنۋ نەگىزگى تاقىرىپتىق كورمەسىن ۇزدىكسىز ۇسىنىپ، جاس بۋىنداردىڭ تاريحتى شىنايى مويىنداۋ سەزىمىن كۇشەيتەمىز“.
شينجياڭ كىتاپحاناسىنىڭ باستىعى لي لي بىلاي دەدى: ”باس شۋجيدىڭ ماڭىزدى ءسوزى ادامدى جىگەرلەندىرەدى. ءبىز باس شۋجيدىڭ تاپسىرماسىن ەستە بەرىك ساقتاپ، كىتاپحانانىڭ قوعامدىق تاربيە فۋنكتسياسىن تولىق ساۋلەلەندىرىپ، الەۋمەتتىك وركەنيەتكە قىزمەت وتەۋ ادىسىندە ۇزدىكسىز جاڭالىق اشىپ، جاستار مەن وسپىرىمدەردىڭ جۇڭحۋانىڭ تاڭداۋلى ءداستۇرلى مادەنيەتىن ءتۇسىنۋىن، اسقاقتاتۋىن جانە وعان مۇراگەرلىك ەتۋىن كۇشەيتىپ، سوتسياليستىك وزەكتى قۇن كوزقاراسىن بەلسەنە جەتىلدىرۋىمىز جانە امالياتتا ايگىلەۋىمىز كەرەك“.
”باس شۋجيدىڭ ماڭىزدى ءسوزى دەنە تاربيە ىستەرى رەفورماسىن دامىتۋعا ايقىن باعدار نۇسقادى“. اۆتونوميالى رايوندىق دەنە تاربيە مەكەمەسى بۇقارالىق دەنە تاربيە باسقارماسىنىڭ باستىعى جاي حۇڭفي مىنانى ايتتى: ”بۇدان بىلاي ءبىز دەنە تاربيە سالاسىنىڭ قامداۋ جاعىنداعى قۇرىلىمدىق رەفورماسىن ۇزدىكسىز ىلگەرىلەتىپ، تياناقتاندىرىپ، ينتەرنەتتەن، ۇلكەن ساندى مالىمەتتەن، بۇلت تۇعىرىنان پايدالانىپ، جوعارى دەڭگەيدەگى الەۋمەتتىك قىزمەت وتەۋ جۇيەسىن ورناتىپ، بۇقارا قاجەت ەتەتىن دەنە شىنىقتىرۋ قۇرىلعىلارى قۇرىلىسىن ىلگەرىلەتىپ، بۇقارا ۇناتاتىن دەنە شىنىقتىرۋ جارىستارىن ۇيىمداستىرىپ، بۇقارانىڭ دەنە شىنىقتىرۋ قيمىلدارىن ورىستەتۋىنە عىلمي جەتەكشىلىك ەتەمىز“.
اۆتونوميالى رايوندىق دەنە تاربيە مەكەمەسى قىسقى سپورتتى باسقارۋ ورتالىعىنىڭ ورىنباسار مەڭگەرۋشىسى يە بين بىلاي دەدى: ”باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، شينجياڭنىڭ قار - مۇز دەنە تاربيە ىستەرىنىڭ ۇزدىكسىز اقاۋسىز دامۋىن ىلگەرىلەتۋىمىز كەرەك. سونىمەن بىرگە، شينجياڭنىڭ قىسقى نىسان قۇرامالارىنىڭ ساتىلىق قۇرىلىسىن ۇزدىكسىز ساپالىلاندىرىپ، سپورتشىلاردىڭ قاتارعا قوسىلۋ سالىستىرماسىن جوعارىلاتىپ، شينجياڭنىڭ قار - مۇز سپورتشىلارىنىڭ زاپاس كۇشتەرىن باۋلۋدى مەملەكەت كومانداسىنا سپورتشى قابىلداۋداعى وتكەرمە بەكەتىنە، شەبەرلەردى تاڭداۋ ورنىنا، زاپاس قامباسىنا اينالدىرۋعا قۇلشىنۋ كەرەك“.
