9 - ايدىڭ 19 - كۇنى تۇستەن بۇرىن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 18 - رەتكى ءماجىلىسى جابىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى.
تۇراقتى كوميتەت قۇرامىنداعىلاردان 52 ادام جيىنعا قاتىناستى، زاڭدا بەلگىلەنگەن ادام سانىنا ۇيلەسەدى.
ءماجىلىس «اۆتونوميالى رايوننىڭ كليمات بايلىعىن قورعاۋ جانە اشۋ، پايدالانۋ ەرەجەسىن»، «اۆتونوميالى رايوننىڭ ارىز - ارمان ەرەجەسىن»، «اۆتونوميالى رايوننىڭ ءار دارەجەلى حالىق قۇرىلتايى تۇراقتى كوميتەتىنىڭ ولشەمدى حۇجاتتاردى ەستەلىككە الۋ، تەكسەرۋ ەرەجەسىن» جانە اۆتونوميالى رايوندىق حالىق قۇرىلتايى تۇراقتى كوميتەتىنىڭ كۇشار اۋدانىنىڭ اۋداندى كۇشىنەن قالدىرىپ قالا قۇرۋىنا قاتىستى ءبىرقانشا ماسەلە، جاڭادان قۇرىلعان حۋياڭحى قالالىق حالىق قۇرىلتايىنا قاتىستى ماسەلەلەر، اۆتونوميالى رايوننىڭ بايلىق سالىعىنىڭ ناقتى ۇيلەسەتىن سالىق سالىستىرماسىن، ەسەپتەۋ - جيۋ ءتاسىلى جانە سالىقتى ازايتۋ، كەشىرۋ ءادىسى، «اۆتونوميالى رايوننىڭ قىستاق تۇرعىندار كوميتەتىن سايلاۋ ءادىسى» سياقتى 12 جەرگىلىكتى زاڭ ەرەجەگە تۇزەتۋ ەنگىزۋ جونىندەگى قارارىن داۋىسقا سالىپ ماقۇلدادى؛ اۆتونوميالى رايوندىق حالىق قۇرىلتايى تۇراقتى كوميتەتىنىڭ «قۇمىل قالاسىنىڭ وركەنيەتتى ارەكەتتەردى جەبەۋ ەرەجەسىن»، «تۇرپان قالاسىنىڭ مەيىز ساپاسىن باسقارۋ ەرەجەسىن»، «كورلا قالاسىنىڭ قالا رايونىندا ءيت اسىراۋدى باسقارۋ ەرەجەسىن»، «بايىنعولين موڭعۇل اۆتونوميالى وبلىستىق حالىق قۇرىلتايىنىڭ <بايىنعولين وبلىسىنىڭ قايدۋ - كونچى وزەنى الابىنىڭ سۋ ورتاسىن قورعاۋ جانە لاستانۋدان ساقتانۋ - تىزگىندەۋ ەرەجەسىن> كۇشىنەن قالدىرۋ جونىندەگى قارارىن» بەكىتۋ جونىندەگى قارارىن داۋىسقا سالىپ ماقۇلدادى؛ اۆتونوميالى رايوندىق حالىق قۇرىلتايى تۇراقتى كوميتەتىنىڭ 2019 - جىلعى اۆتونوميالى رايوننىڭ ءوز دارەجەسىندەگى سوڭعى ەسەبىن، 2020 - جىلعى اۆتونوميالى رايوننىڭ ءوز دارەجەسىندەگى مەجە ەسەپتى رەتتەۋ جوباسىن بەكىتۋ جونىندەگى قاۋلىسىن داۋىسقا سالىپ ماقۇلدادى، اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميتەتىنىڭ ءىشىنارا ۋاكىلدەردىڭ ۋاكىلدىك تولىمدىلىعىن توقتاتۋ جونىندەگى بايانداماسىن جانە كادرلاردى مىندەتكە تاعايىنداۋ، مىندەتىنەن قالدىرۋ ىستەرىن داۋىسقا سالىپ ماقۇلدادى.
ءماجىلىس مىنالاردى اتاپ كورسەتتى: بيىلعى تۇراقتى كوميتەتتىڭ قىزمەت - مىندەتتەرىن ويداعىداي ورىنداۋدىڭ ۋاقىتى تىعىز، مىندەتى اۋىر. مىندەت، بورىشتى ەستە بەرىك ساقتاپ، نىسانالار مەن مىندەتتەردى قاداعالاپ، اۆتونوميالى رايوندىق پارتكومنىڭ قىزمەت ورنالاستىرۋلارى بويىنشا، جىلدام جۇگىرۋدەي كۇرەس بەينەسىمەن، ەرلىكپەن شايقاس جاساپ، ىندەت زايا ەتكەن ۋاقىتتى ۇتىپ، ىندەت تۋدىرعان ىقپالدى ەڭ تومەنگى شەككە ءتۇسىرىپ، بيىلعى قىزمەت - مىندەتتەردى باتىلدىقپەن ويداعىداي ورىنداۋ كەرەك.
ماجىلىستە، جاڭادان تاعايىندالعان اۆتونوميالى رايوننىڭ مەملەكەت قىزمەتكەرلەرىنە تاعايىنداۋ كۋالىگى تاراتىلدى ءارى نەگىزگى زاڭ الدىندا سەرت بەرۋ سالتى وتكىزىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى جۋ حايلۇن، لي شۋەجۇن، ۋاڭ يۇڭميڭ، ءمۇتالىپ قاسىم، دۇڭ شينگۋاڭ، باداي، گۇلشات ءابدىقادىر، مانەن زەينەل، سو يۋە ماجىلىسكە قاتىناستى.
اۆتونوميالى رايوننىڭ ورىنباسار ءتوراعاسى جاۋ چۇڭجيۋ، اۆتونوميالى رايوندىق باقىلاۋ - تەكسەرۋ كوميتەتىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ قاتىستى جاۋاپتىلارى، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار باس حاتشىلارى، ءارقايسى ارناۋلى كوميتەتتەردىڭ، تۇراقتى كوميتەتتىڭ قىزمەت تاراۋلارىنىڭ جاۋاپتىلارى، ءارقايسى ايماقتىق، وبلىستىق، قالالىق حالىق قۇرىلتايى تۇراقتى كوميتەتتەرىنىڭ جاۋاپتىلارى، اۆتونوميالى رايوندىق حالىق قۇرىلتايىنىڭ ءىشىنارا ۋاكىلدەرى، سونداي - اق قاتىستى تاراۋلاردىڭ جاۋاپتىلارى قاتارلىلار ماجىلىسكە سىرتتاي قاتىناستى.
9 - ايدىڭ 18 - كۇنى تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ 97 - رەتكى مەڭگەرۋشىلەر جيىنى تۇراقتى كوميتەت ءماجىلىسىنىڭ ءتۇرلى كەڭەستىك تاقىرىپتاردى قاراۋ احۋالىنان مالىمەتتى تىڭداپ، تۇراقتى كوميتەتتىڭ جالپى ماجىلىسىندە داۋىسقا سالۋعا تاپسىرۋ كەڭەستىك جوباسىن ماقۇلدادى.
