9 - ايدىڭ 18 - كۇنى تۇستەن كەيىن، اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 18 - رەتكى ءماجىلىسى بىرىككەن گرۋپپالار جيىنىن وتكىزىپ، اۆتونوميالى رايوندىق حالىق قۇرىلتايى تۇراقتى كوميتەتى تەكسەرۋ - زەرتتەۋ گرۋپپاسىنىڭ اۆتونوميالى رايوننىڭ الەۋمەتتىك حاۋىپسىزدىك بويىنشا توتەنشە جاعدايعا توتەپ بەرۋ - باسقارۋ قىزمەتى جاعدايى جونىندەگى تەكسەرۋ - زەرتتەۋ بايانداماسىن قاراۋمەن ۇشتاستىرا وتىرىپ، ارناۋلى تاقىرىپتا سۇراستىرۋ جۇرگىزدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن جيىنعا قاتىناستى ءارى ءسوز سويلەدى. اۆتونوميالى رايوننىڭ ورىنباسار ءتوراعاسى جاۋ چۇڭجيۋ جيىنعا قاتىناسىپ، سۇراۋعا جاۋاپ بەردى، سونداي - اق پوزيتسيا ءبىلدىرىپ ءسوز سويلەدى.
اۆتونوميالى رايوندىق دامۋ - رەفورما كوميتەتى، وقۋ - اعارتۋ مەڭگەرمەسى، حالىق ىستەرى مەڭگەرمەسى، ءادىليا مەڭگەرمەسى، قازىنا مەڭگەرمەسى، جاراتىلىستىق بايلىق مەڭگەرمەسى، توتەنشە جاعدايعا توتەپ بەرۋ - باسقارۋ مەڭگەرمەسى سياقتى 13 تاراۋداعى جاۋاپتى جولداستار جيىنعا قاتىناسىپ، ”ءبىر سۇراق ءبىر جاۋاپ“ فورماسىندا سۇراۋ قابىلدادى.
2 ساعاتتان استام ۋاقىتتا، اۆتونوميالى رايوندىق حالىق قۇرىلتايى تۇراقتى كوميتەتىنىڭ مۇشەلەرى توتەنشە جاعدايعا توتەپ بەرۋ بويىنشا توتەپ بەرۋ - باسقارۋ تاراۋلارى رەفورماسىن تەرەڭدەتۋ، توتەنشە جاعدايعا توتەپ بەرۋ - باسقارۋ جۇيە قۇرىلىسى، توتەنشە جاعدايعا توتەپ بەرۋ دايىندىق جوبا جۇيە قۇرىلىسى سياقتى جاقتارداعى ماسەلەلەر اياسىندا قاتىستى مەڭگەرمە، مەكەمە جانە تاراۋلارداعى جاۋاپتى جولداستاردان جەكە - جەكە سۇراۋ سۇرادى.
وسى سۇراۋلارعا مەڭزەس، جينالىسقا قاتىناسقان قاتىستى مەڭگەرمە، مەكەمەلەردىڭ جاۋاپتىلارى ءبىر - بىردەن جاۋاپ قايتارىپ، ماسەلەلەردى شەشۋ جانە جاقسارتۋداعى ناقتى شارالاردى العا قويدى، سۇراۋ قويعان مۇشەلەر بەرىلگەن جاۋاپقا جاپپاي ءدان ريزا بولدى.
شاۋكەت يمىن جيىن اياقتالاردا ءسوز سويلەپ مىنانى اتاپ كورسەتتى: وسى رەتكى ارناۋلى تاقىرىپتا سۇراستىرۋ ورىستەتۋ − جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋدەگى، تياناقتاندىرۋداعى ماڭىزدى شارا سانالادى، ول حالىق بۇقاراسىنىڭ الەۋمەتتىك حاۋىپسىزدىك مۇددەسى جونىنەن ”تامىرىن ۇستاپ تەكسەرۋ“ بولۋمەن بىرگە، اۆتونوميالى رايوننىڭ الەۋمەتتىك حاۋىپسىزدىك بويىنشا توتەنشە جاعدايعا توتەپ بەرۋ - باسقارۋ قىزمەتىن ىلگەرىلەتۋدە تىڭ تابىستارعا، سونى دامۋشىلىقتارعا قول جەتكىزۋدى جەبەيتىندىگى داۋسىز. تۇراقتى كوميتەت ارناۋلى تاقىرىپتا سۇراستىرۋ ورىستەتۋ زاڭدا بەلگىلەنگەن باقىلاۋ قىزمەت ۇقىعىن تياناقتاندىرۋدىڭ ماندىك تالابى ەكەندىگىن جەتە يگەرىپ، جيىننان ىلگەرى مۇقيات تەكسەرۋ - زەرتتەۋ جۇرگىزىپ، سۇراۋ مازمۇندارىن الدىن الا حابارلاماي، جيىن ۇستىندە سۇراۋ قويۋدى، ناق مايداندا جاۋاپ بەرۋدى شىنايى ورىنداپ، ”اشىق ۇلگىدەگى“ سۇراۋ سۇراۋدى ”جابىق ۇلگىدەگى“ سۇراۋ سۇراۋعا قاراي وزگەرتىپ، حالىق قۇرىلتايى باقىلاۋ ءتۇزىمىنىڭ قاتاڭدىعىن ونان ارى كۇشەيتتى. ەكى جاق ”سۇراۋ سۇراۋعا“ دا، ”جاۋاپ بەرۋگە“ دە باسا ءمان بەرىپ، بىردەي دەن قويا دايىندىق جاسادى، ماسەلەدە باستى ءتۇيىن كورنەكتىلەنىپ، شىندىققا جاناسىمدى بولىپ، ءتۇيىن ءداپ باسىپ اتاپ كورسەتىلدى، شىندىقتى ءىس جۇزىنەن ىزدەي وتىرىپ جاۋاپ قايتارىلىپ، جالتارۋ، تايساقتاۋ جاعدايى بايقالمادى. ۇكىمەت پەن قاتىستى تاراۋلاردىڭ وسى رەتكى ارناۋلى تاقىرىپتا سۇراستىرۋ جەمىسىنەن ويداعىداي پايدالانىپ، ۋادەلەرىن امالياتتا مۇقيات ايگىلەپ، بەلسەنە رەتتەپ، تۇزەتىپ، تياناقتاندىرىپ، الەۋمەتتىك حاۋىپسىزدىك بويىنشا توتەنشە جاعدايعا توتەپ بەرۋ - باسقارۋ قىزمەتىن ونان ارى جاقسى ىستەۋىن ءۇمىت ەتەمىن.
شاۋكەت يمىن بىلاي دەپ باسا دارىپتەدى: اۆتونوميالى رايوندىق حالىق قۇرىلتايى تۇراقتى كوميتەتى الەۋمەتتىك حاۋىپسىزدىك بويىنشا توتەنشە جاعدايعا توتەپ بەرۋ - باسقارۋ قىزمەتىن ىلگەرىلەتۋدى ماڭىزدى ورىنعا قويۋدان جازباي، قاتىستى زاڭ شىعارۋ، زاڭعا وزگەرىس ەنگىزۋ قىزمەتتەرىن ۇزدىكسىز كۇشەيتىپ، جوعارى ساپالى زاڭ شىعارۋ ارقىلى توتەنشە جاعدايعا توتەپ بەرۋ - باسقارۋ جۇيەسى مەن قابىلەتىن وسىزامانداندىرۋ قۇرىلىسىن قامتاماسىزداندىرۋى جانە جەبەۋى؛ باقىلاۋ تەبىنىن ۇزدىكسىز ارتتىرىپ، قىزمەت بىرىككەن كۇشىن قالىپتاستىرىپ، قاتىستى زاڭداردىڭ، ەرەجەلەردىڭ ءونىمدى اتقارىلۋىن جەبەۋى؛ حالىق قۇرىلتايى ۋاكىلدەرىنىڭ رولىن ۇزدىكسىز ويداعىداي ساۋلەلەندىرىپ، ۋاكىلدەردىڭ قاتىستى كەڭەس جوبالارى مەن ۇسىنىستارىن ويداعىداي ءبىر جايلى ەتىپ، الەۋمەتتىك حاۋىپسىزدىك بويىنشا توتەنشە جاعدايعا توتەپ بەرۋ - باسقارۋ قىزمەتىن ىلگەرىلەتۋگە زەيىن - كۇشتى ۇيىستىرۋى كەرەك. ءار دارەجەلى حالىق قۇرىلتايلارى ارناۋلى تاقىرىپتا سۇراستىرۋعا بولعان تانىمدى تەرەڭدەتىپ، تاماشا تاجىريبەلەردەن، جاقسى ادىستەردەن تولىق ۇلگى الىپ، ارناۋلى تاقىرىپتى ءدال تاڭداۋعا، جاقسى تاڭداۋعا كۇش سالىپ، ءادىس - امالدا جاڭالىق اشۋعا كۇش سالىپ، ارناۋلى تاقىرىپتا سۇراستىرۋ ۇدايىلانعان باقىلاۋ فورماسى رەتىندە جاندى، جاقسى پايدالانۋى كەرەك.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى جۋ حايلۇن، لي شۋەجۇن، ۋاڭ يۇڭميڭ، ءمۇتالىپ قاسىم، دۇڭ شينگۋاڭ، باداي، گۇلشات ءابدىقادىر، مانەن زەينەل، سو يۋە جيىنعا قاتىناستى.
