9 - ايدىڭ 18 - كۇنى اۆتونوميالى رايوننىڭ 2020 - جىلعى جەر سىلكىنىسى بويىنشا توتەنشە جاعدايعا توتەپ بەرۋ دايىندىق جوباسىنىڭ جالپىلىق جاتتىعۋى قاشقار ايماعىنىڭ ءپايزاۋات اۋدانىندا وتكىزىلدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز جاتتىعۋ قيمىلىنا قاتىناستى ءارى ناق مايداندا قولباسشىلىق ىستەپ، ورنالاستىرۋ جاسادى.
وسى جولعى جاتتىعۋ ىندەتتەن ساقتانۋ - تىزگىندەۋدى ۇدايىلاندىرۋ شارت - جاعدايىندا، رايونىمىزدىڭ جاراتىلىستىق اپات حاۋىپ - قاتەرى جاعدايىنا عىلمي تالداۋ جاساۋ نەگىزىندە، جەر سىلكىنىسى حاۋىپ - قاتەرى، كومەسكى قاتەرى شوعىرلى تۋىلاتىن وڭىرلەردە وتكىزىلگەن تاراۋ اتتاعان، كاسىپ اتتاعان، ءوڭىر اتتاعان جالپىلىق سيپاتتى توتەنشە جاعدايعا توتەپ بەرۋ جاتتىعۋى.
تانىستىرۋعا قاراعاندا، جالپىلىق جاتتىعۋ اۆتونوميالى رايوننىڭ ناق مايداندا قولباسشىلىق ەتۋ شتابىنىڭ ءبىر تۇتاس باسشىلىق ەتۋ، سايكەسە بىردەي ارەكەتتەنۋ، جەدەل اڭىس قايتارۋ، جوعارى ءونىمدى ءبىر جايلى ەتۋدەي توتەنشە جاعدايعا توتەپ بەرۋدەگى قۇتقارۋ - كومەكتەسۋ ۇلگىسىن ءتۇيىندى كورنەكتىلەندىرىپ، ءتۇيىندى تۇردە قولباسشىلىق ەتۋگە ماشىقتانىپ، حابارلاسۋدى قامتاماسىز ەتۋگە جاتتىعىپ، جوعارى مەن تومەن بىردەي ارەكەتكە كەلۋگە جاتتىعىپ، دايىندىق جوباسىن تەكسەرۋ، كەمەلدى دايىندىق جاساۋ، قوسىندى شىڭداۋ، مەحانيزمدى سايكەستىرۋ ماقساتىنا جەتىپ، رايونىمىزدىڭ توسىن تۋىلعان وقيعالارعا توتەپ بەرۋدەگى شۇعىل قۇتقارۋ - كومەكتەسۋ ورەسىن ءونىمدى جوعارىلاتقان.
ەركىن تۇنياز مىنانى تالاپ ەتتى: جەر - جەر، تاراۋلار باس شۋجي شي جينپيڭنىڭ توتەنشە جاعدايعا توتەپ بەرۋ - باسقارۋ جونىندەگى ماڭىزدى بايىمداۋىن ىشكەرىلەي ۇگىتتەپ، دايەكتىلەندىرىپ، ناق مايداندا قولباسشىلىق ىستەۋ، سايكەستىرۋ مەحانيزمىن اقاۋسىزداندىرىپ، قۇتقارۋ - كومەكتەسۋدىڭ قۋاتتى بىرىككەن كۇشىن قالىپتاستىرىپ، جاتتىعۋ تاجىريبەلەرىن قورىتىندىلاپ، توتەنشە جاعدايعا توتەپ بەرۋ دايىندىق جوباسى جۇيەسىن ساپالىلاندىرۋ كەرەك. ءتۇرلى دايىندىق جوبالارىن ۇشتاستىرۋدى ويداعىداي ىستەپ، دايىندىق جوبالاردى ۇشتاستىرۋ قىزمەت مەحانيزمىن ورناتىپ، اقاۋسىزداندىرىپ، تومەنگى جاقتىڭ دايىندىق جوباسى جوعارى ورىننىڭ دايىندىق جوباسىنا بويسۇنۋ، دارەجەلەس تاراۋلار، ارناۋلى توتەنشە جاعدايعا توتەپ بەرۋ دايىندىق جوباسى جالپى دايىندىق جوباسىنا بويسۇنۋ پرينسيبىنە ساي، مەحانيزمدى ۇشتاستىرۋ، مىندەتتى ۇشتاستىرۋ، شارالاردى ۇشتاستىرۋ كەرەك. ۇيلەسىمدى مەرزىمدە جاتتىعۋ ورىستەتۋگە ۇيىمداستىرىپ، تۇرلىشە اپات - شىرعالاڭدارعا توتەپ بەرۋ توتەنشە دايىندىق جوباسىنا مەڭزەس، جالپىلىق جاتتىعۋ جانە ارناۋلى جاتتىعۋ ورىستەتۋگە ۇيىمداستىرىپ، ناقتى شايقاستى، ناقتى ناتيجەنى كورنەكتىلەندىرىپ، جاتتىعۋدىڭ دايىندىق جوباعا قانىق بولۋ، دايىندىق جوبانى تەكسەرۋ، دايىندىق جوبانى كەمەلدەندىرۋ رولىن شىنايى اتقارۋىنا مۇمكىندىك جاساۋ قاجەت.
