اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنەن ۇعىسۋعا قاراعاندا، كەزەكتە رايونىمىزدىڭ اۋىل - قىستاقتارىندا تۇرمىستىق قوقىر - قوقسىقتاردى جيناۋ، تاسۋ جانە ءبىر جايلى ەتۋ جۇيەسى باستاپقى قادامدا ورناتىلعان. تۇتاس رايونىمىزدىڭ اۋىل - قىستاقتارىندا تۇرمىستىق قوقىر - قوقسىقتاردى جيناۋ، تاسۋ، ءبىر جايلى ەتۋ جۇيەسى 861 اۋىل - قالاشىققا جالپىلاسىپ، تۇتاس رايونىمىزداعى 889 اۋىل - قالاشىقتىڭ ％96.85 يەلەگەن؛ جيناۋ، تاسۋ، ءبىر جايلى ەتۋ جۇيەسى جالپىلاسقان اكىمشىلىك قىستاق 8149 بولىپ، تۇتاس رايونىمىزداعى 9021 اكىمشىلىك قىستاقتىڭ ％90.33ىن يەلەپ، «اۆتونوميالى رايوننىڭ اۋىل - قىستاقتاردىڭ قونىستانۋ ورتاسىن رەتتەۋ، وڭاۋ 3 جىلدىق ارەكەتىن اتقارۋ جوباسىندا» بەلگىلەنگەن اۋىل - قىستاقتىڭ تۇرمىستىق قوقىر - قوقسىقتارىن جونگە سالۋ نىساناسى نەگىزىنەن جۇزەگە اسقان.
بيىل اۋىل - قىستاقتاردىڭ قونىستانۋ ورتاسىن رەتتەۋ، وڭاۋ 3 جىلدىق ارەكەتىنىڭ اياقتالاتىن جىلى. قازىرگە دەيىن رايونىمىز اۋىل - قىستاقتاردا قوقىر - قوقسىق ءۇيىپ قوياتىن 145 ۇيلەسىمسىز ورىندى تەكسەرىپ اداقتاپ شىعىپ، بارلىعىن رەتتەپ، وڭاپ كۇشىنەن قالدىردى. جەر - جەرلەر قوقىر - قوقسىقتاردى ۇيلەسىمسىز ءۇيىپ قوياتىن ورىنداردى جالپى بەتتىك تەكسەرىپ - اداقتاۋدى جالعاستى ويداعىداي ىستەپ، تاباندا تەكسەرىپ، تاباندا تۇزەتىپ، جاڭادان ارتۋىن باتىل تەجەدى.
رايونىمىزدىڭ بيىلعى اۋىل - قىستاق تۇرمىستىق قوقىر - قوقسىقتارىن جونگە سالۋ قۇرىلىس نىسانى جيىنى 53، نەگىزىنەن، التاي، قاشقار، بايىنعولين سياقتى 10 ايماق، وبلىسقا سايادى. 9 - ايدىڭ 1 - كۇنىنە دەيىن، 38ى قۇرىلىس باستاپ، قۇرىلىس باستاۋ سالىستىرماسى ％71.7كە جەتتى؛ 15ىنىڭ قۇرىلىسى سالىنىپ ءبىتىپ، 660 ميلليون يۋاننان استام قارجى قوسىلىپ، قارجى قوسۋ سالىستىرماسى ％60كە تايادى.
اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنىڭ قاتىستى جاۋاپتىسى تانىستىرىپ بىلاي دەدى: جەر - جەر قاتىستى تالاپتارعا ساي، اۋىل، قالاشىق، قىستاقتاردى قالا، اۋىلداردىڭ ورتا تازالىعىن ۋنيۆەرسال رەتتەۋدى، وڭاۋدى وراي ەتۋگە قۋزاپ، اۋىل - قىستاقتاردىڭ تۇرمىستىق قوقىر - قوقسىقتارىن جونگە سالۋ نىساناسىنا، مىندەتىنە تۋرالانىپ، ولقىلىقتاردى، ءالسىز تۇستاردى تولىقتايدى. اۋىل - قىستاقتاردىڭ تۇرمىستىق قوقىر - قوقسىقتارىن جونگە سالۋ مىندەتىن ورىنداپ بولعان وڭىرلەر ”بەس بولۋ“ (كەمەلدى قۇرىلعى، جابدىقتارى بولۋ، كەمەلدى جونگە سالۋ تەحنيكاسى بولۋ، تۇراقتى تازالىق قوسىنى بولۋ، ۇزاق ونىمگە يە قارجى كەپىلى بولۋ، كەمەلدى باقىلاۋ - باسقارۋ ءتۇزىمى بولۋ) ولشەمىنە سالىستىرىپ، جونگە سالۋ ناتيجەلەرىن ۇزدىكسىز بەكەمدەۋى كەرەك. جونگە سالۋ مىندەتىن ءالى ورىنداپ بولا الماعان وڭىرلەر بارىنشا ءمان بەرىپ، مىندەتىن وتەپ، جاۋاپكەرشىلىگىن ادا ەتىپ، پارمەندى، ءونىمدى شارا قولدانىپ، قۇرىلعىلارمەن جابدىقتاۋ قۇرىلىسىن جەدەلدەتىپ، جيناۋ، تاسۋ، ءبىر جايلى ەتۋ جۇيەسىن اقاۋسىزداندىرىپ، كەمەلدەندىرىپ، مەملەكەت پەن اۆتونوميالى رايون بەلگىلەگەن قىزمەت نىساناسىن جىل سوڭىنان بۇرىن ورىنداۋعا شىنايى كەپىلدىك ەتۋى كەرەك.
