ورتالىق پەن مەملەكەت ورگاندارىنىڭ، ورتالىققا قاراستى كاسىپورىنداردىڭ 9 - توپتا شينجياڭعا كومەكتەسۋ قىزمەتىن قورىتىندىلاۋ، ماداقتاۋ - سيلاۋ جينالىسى اشىلدى
چىن چۋانگو قاتىناستى ءارى ءسوز سويلەدى
شوكىرات زاكىر باسقاردى، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين قاتىناستى
ورتالىق پەن مەملەكەت ورگاندارىنىڭ، ورتالىققا قاراستى كاسىپورىنداردىڭ 9 - توپتا شينجياڭعا كومەكتەسۋ قىزمەتىن قورىتىندىلاۋ، ماداقتاۋ - سيلاۋ جينالىسى 9 - ايدىڭ 12 - كۇنى تۇستەن كەيىن ۇرىمجىدە اشىلدى. اۆتونوميالى رايوندىق پارتكومنىڭ شۋجيى چىن چۋانگو جينالىسقا قاتىناستى ءارى ءسوز سويلەدى، اۆتونوميالى رايوندىق پارتكوم، ۇكىمەت جانە تۇتاس رايونىمىزداعى ءار ۇلت كادرلارى مەن بۇقاراسى اتىنان ماداقتالىپ - سيلانعان وزات كوللەكتيۆتەر مەن ۇزدىك جەكەلەردى قىزۋ قۇتتىقتادى، شينجياڭنىڭ ورنىقتىلىعى مەن دامۋىنا كورنەكتى ۇلەس قوسقان ورتالىقتاعى مەكەمە - ورىنداردان 9 - توپتا شينجياڭعا كومەككە كەلگەن كادر - دارىندىلارعا وسكەلەڭ قۇرمەت ءبىلدىردى، ۇزاق ۋاقىتتان بەرى شينجياڭنىڭ سان سالالى ىستەرىنىڭ دامۋىنا كوڭىل ءبولىپ، قولداۋ كورسەتكەن ورتالىق پەن مەملەكەت ورگاندارىنا، ورتالىققا قاراستى كاسىپورىندارعا شىن جۇرەكتەن العىس ايتتى!
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر جينالىستى باسقاردى. اۆتونوميالى رايون باسشىلارىنان شاۋكەت يمىن، نۇرلان ءابىلماجىن، ۋاڭ جۇنجىڭ، لي ۋي، ەركىن تۇنياز، تيان ۋىن، لي يفي، سارقىت اقان، ياڭ شين، جاڭ چۇنلين، ۋاڭ ميڭشان قاتارلىلار قاتىناستى. اۆتونوميالى رايوندىق پارتكومنىڭ ورىنباسار شۋجيى لي پىڭشين جينالىستا «ورتالىق پەن مەملەكەت ورگاندارىنىڭ، ورتالىققا قاراستى كاسىپورىنداردىڭ 9 - توپتا شينجياڭعا كومەكتەسۋ قىزمەتىندەگى وزات كوللەكتيۆتەردى ماداقتاۋ - سيلاۋ جونىندەگى حابارلاندىرۋدى»، «ورتالىق پەن مەملەكەت ورگاندارىنىڭ، ورتالىققا قاراستى كاسىپورىنداردىڭ 9 - توپتا شينجياڭعا كومەكتەسۋ قىزمەتىندەگى ۇزدىك جەكەلەردى ماداقتاۋ - سيلاۋ جونىندەگى قاراردى» وقىدى. ماداقتالىپ - سيلانعان وزات كوللەكتيۆتەردىڭ، ۇزدىك جەكەلەردىڭ ۋاكىلدەرى، سونداي - اق كومەككە يە بولعان ورىنداردىڭ ۋاكىلدەرى لەبىز ءبىلدىردى.
چىن چۋانگو سوزىندە بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ورتالىقتاعى مەكەمە - ورىنداردىڭ بار كۇشپەن قولداۋ مەن جەتەكشىلىك ەتۋىندە، 3 جىلدان بەرى ورتالىقتاعى مەكەمە - ورىنداردان 9 - توپتا شينجياڭعا كومەككە كەلگەن كادر - دارىندىلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، مەملەكەتتىڭ 6 -، 7 - رەتكى شينجياڭعا باعىتتامالى كومەكتەسۋ قىزمەتى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋى، تالابى بويىنشا شينجياڭعا كومەكتەسۋدى بورىش دەپ ءبىلىپ، شينجياڭدى ءوز مەكەنى ساناپ، تۇتاس رايونىمىزداعى ءار ۇلت كادرلارىمەن، بۇقاراسىمەن بىرگە قۇلشىنىپ، قاجىرلىلىقپەن كۇرەس جۇرگىزىپ، قوعامدىق كەلەلى جاعدايدىڭ ورنىقتىلىعىن پارمەندى قورعاپ، ەكونوميكانىڭ جوعارى ساپالى دامۋىن پارمەندى جەبەپ، حالىق تۇرمىسىن پارمەندى قامتاماسىزداندىرىپ جانە جاقسارتىپ، ۇلتتار ىنتىماعىن پارمەندى نىعايتىپ، كادر - دارىندىلار قوسىنى قۇرىلىسىن پارمەندى جەبەپ، ىندەتتەن ساقتانۋ، تىزگىندەۋ قىزمەتىنە پارمەندى كومەك كورسەتىپ، شينجياڭعا كومەكتەسۋ قىزمەتىندە مول تابىسقا جەتىپ، كورنەكتى ناتيجەگە قول جەتكىزۋدى جەبەپ، شينجياڭنىڭ ورنىقتىلىق، دامۋ ىستەرى ءۇشىن كورنەكتى ۇلەس قوسىپ، تەبىندى قوزعاۋشى كۇش ۇستەدى.
چىن چۋانگو بىلاي دەدى: 3 جىلدان بەرى، ورتالىقتاعى مەكەمە - ورىنداردان 9 - توپتا شينجياڭعا كومەككە كەلگەن كادر - دارىندىلار ۇلى سۇيىسپەنشىلىكتى ايگىلەپ، شەكارا وڭىرگە ۇلەس قوسىپ، شينجياڭدى ورنىقتىرۋدى، شينجياڭدى دامىتۋدى، شينجياڭدى كوركەيتۋدى ءوز مىندەتتەرى ساناپ، تيانشان الابىن تەگىس ارالاپ، ءشول - جازيراعا ماڭداي تەرلەرىن توگىپ، اقىل - پاراساتتارى مەن قاجىرلى ەڭبەكتەرى ارقىلى ءساليقالى ومىرلەرىن ارلەندىرىپ، شارتسىز ادال بولۋداي ساياسي قاسيەتىن، قيىنشىلىقتى جەڭە قامال الاتىن قايىسپاس قايسارلىعىن، باتىلدىقپەن رەفورما جۇرگىزۋدەي جاڭالىق اشۋ قابىلەتىن، بارىن حالىققا ارنايتىن حالىقتىڭ قالاۋلى قىزمەتكەرى بولۋ ىنتا - ىقىلاسىن، تاباندى، قاتاڭ قىزمەت ستيلىن ايگىلەپ، شينجياڭدى كوركەيتۋ جالىندى امالياتىندا شىڭالىپ، شىنىعىپ، كادر - دارىندىلار شينجياڭعا كومەكتەسۋ قىزمەتىنىڭ ءداۋىر جىرىن اسقاقتاتىپ، ءار ۇلت بۇقاراسىنىڭ جۇرەگىندەگى ەڭ سۇيىكتى ادامدارعا اينالدى.
چىن چۋانگو بىلاي دەدى: اۆتونوميالى رايوندىق پارتكوم مەن ۇكىمەت جانە ءار ۇلت كادرلارى مەن بۇقارا شينجياڭعا كومەكتەسكەن ورىندار مەن شينجياڭعا كومەككە كەلگەن كادر - دارىندىلاردىڭ تەرەڭ سۇيىسپەنشىلىگىن ەستە ماڭگى ساقتايدى. 9 - توپتا شينجياڭعا كومەككە كەلگەن كادر - دارىندىلاردىڭ شينجياڭدى 2 - مەكەندەرى ساناپ، اۋەلگى ماقساتتى، بورىشتى ەستە بەرىك ساقتاپ، شينجياڭعا كومەكتەسۋ سۇيىسپەنشىلىگىن ەستەن شىعارماي، كوپىرلىك، دانەكەرلىك رولدى جاقسى اتقارىپ، شينجياڭنىڭ ورنىقتىلىق، دامۋ قىزمەتتەرىنە ۇزدىكسىز نازار اۋدارىپ، قولداۋ كورسەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ ناقتاپ تياناقتانۋىن ىلگەرىلەتۋگە كۇش قوسۋىن ءۇمىت ەتەمىن.
جينالىس تەلەۆيزور - تەلەفون ءماجىلىسى فورماسىندا اشىلدى. ورتالىق پەن مەملەكەت ورگاندارىنان، ورتالىققا قاراستى كاسىپورىنداردان 9 - توپتا شينجياڭعا كومەككە كەلگەن كادر - دارىندىلار، اۆتونوميالى رايوننىڭ شينجياڭعا باعىتتامالى كومەكتەسۋ قىزمەتىن سايكەستىرۋ باسشىلىق گرۋپپاسىنا مۇشە ورىندارداعى، اۆتونوميالى رايوندىق پارتكوم ۇيىمداستىرۋ بولىمىندەگى، شينجياڭعا كومەكتەسۋ كەڭسەسىندەگى، ءارقايسى كومەككە يە بولعان ورىندارداعى قاتىستى جاۋاپتى جولداستار، ت.ب، جينالىسقا قاتىناستى.
