بار كۇشپەن ۇمتىلىپ، ماڭىزدى ءومىر تاپسىرماسىن ورىندايىق
اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق ەمدەۋ - قۇتقارۋعا بەلگىلەگەن شيپاحاناسىندا ەمدەۋ - كۇتىمدەۋ قىزمەتكەرلەرى اتويلاپ الدا ءجۇرىپ، جاۋىنگەردەي باتىلدىقپەن، قايسارلىقپەن شيپاگەردىڭ بورىشىن امالياتتا ايگىلەدى. ناۋقاستار ولاردىڭ قولىن قىسا ۇستاپ، ولارعا نىق سەنىممەن قاراعان سايىن، ولار ماڭىزدى ءومىر تاپسىرماسىن ورىنداۋعا بار كۇشپەن ۇمتىلدى.
ەڭ سوڭعى قورعانىس شەبىن جاقسى ساقتادى
8 - ايدىڭ 21 - كۇنى تاڭ سارىدە ەندى كوتەرىلگەن كۇننىڭ العاشقى ساۋلەسىمەن، شينجياڭ مەديتسينا داشۋەسىنە قاراستى وسپە اۋرۋلار شيپاحاناسىنىڭ سالماقتى ناۋقاس مەديتسيناسى ءبولىمىنىڭ مەڭگەرۋشىسى چۋان رۇڭشي جاڭا ءبىر كۇندە ناۋقاستار بولمەسىن ارالاپ تەكسەرۋگە كىرىستى.
7 - ايدىڭ 27 - كۇنى ساعات 13تە، چۋان رۇڭشي بولىمدەگى 10نان استام تىرەكتى ماماندى ەرتىپ بەلگىلەنگەن شيپاحاناعا كومەككە كەلدى. شيپاحانا ورتاسىمەن تانىسىپ ۇلگىرمەي، ولار 14 - ناۋقاستار اۋماعىن باسقارۋعا الىپ، تولىق دايىندىقپەن اۋاشالاۋ اۋماعىنا كىرىپ، ناۋقاس توسەكتەرىن ورنالاستىرۋدان زارارسىزداندىرۋعا، اۋاشالاۋعا دەيىنگى جۇمىستاردى ورىنداپ، سول كۇنى كەشتە ناۋقاستاردى قابىلداي باستادى.
كۇننىڭ شىعىسىمەن ىسكە كىرىسىپ، كۇن باتسا دا تىنىم المادى، تاڭعا جاقىن ساعات 3 − 4تەردە چۋان رۇڭشي ناۋقاستاردىڭ اۋرۋ جاعدايىنىڭ وزگەرىسىنە قاراي ەمدەۋ جوباسىن ەڭ جاقسى دەڭگەيگە دەيىن رەتتەۋمەن بولدى.
بەلگىلەنگەن شيپاحانادا ICU3 ناۋقاستار اۋماعى قۇرىلدى، چۋان رۇڭشي تىعىز - تاياڭ ساتتە مىندەت ارقالاپ، شاعىن قوسىنداعى ءبىر ءبولىم ادامدى ەرتىپ، ICU3 ناۋقاستار اۋماعىندا شايقاس جۇرگىزۋگە اۋىستى. بۇل ناۋقاستار اۋماعىنداعى ەمدەۋ - كۇتىمدەۋ قىزمەتكەرلەرى شينجياڭنىڭ جەر - جەرىنەن كەلگەن، ءار ناۋقاستىڭ ەڭ جاقسى ەم قابىلداۋىنا كەپىلدىك ەتۋ ءۇشىن، چۋان رۇڭشي ءاربىر ەمدەۋ - كۇتىمدەۋ قىزمەتكەرىنىڭ ەكپەتتەپ جاتقىزىپ تىنىس الدىرۋ سياقتى ەمدەۋ ادىستەرىن جاتىق يگەرۋىنە سابىرلىلىقپەن جەتەكشىلىك ەتتى.
8 - ايدىڭ 3 - كۇنى ناۋقاستار اۋماعى ءبىر قارت ناۋقاستى ەمدەۋگە الدى، شيپاحاناعا تۇسكەننەن سوڭ - اق تىنىس جولىنا تۇتىك وتكىزىلگەن ناۋقاس تىنىس الۋ اپپاراتىنىڭ كومەگىمەن تىنىس الدى. ابىرجىپ، مازاسى كەتىپ، سويلەۋدەن قالعان ول چۋان رۇڭشيدىڭ قولىن قىسا ۇستاي الدى.
بۇل قول ۇستاسۋ − ناۋقاستىڭ ءۇمىت - تىلەگى، ونان دا ماڭىزدىسى، ءومىردىڭ ماڭىزدى تاپسىرماسى ەدى. ءار رەت ناۋقاستار بولمەسىن ارالاپ تەكسەرۋدە چۋان رۇڭشي قارتتىڭ احۋالىنا قايتا - قايتا ساراپتاۋ جۇرگىزىپ، ونان سوڭ ەڭ جاقسى ەمدەۋ جوباسىن بەلگىلەپ وتىردى. ەمدەۋ - كۇتىمدەۋ قىزمەتكەرلەرىنىڭ عىلمي قۇتقارۋ - ەمدەۋىندە جانە دەن قويا كۇتىمدەۋىندە قارتتىڭ اۋرۋ جاعدايى بىرتىندەپ جاقسارىپ، اقىرى تىنىس جولىنا وتكىزىلگەن تۇتىك، تىنىس الۋ اپپاراتى الىنىپ تاستالدى.
8 - ايدىڭ 15 - كۇنى قارت جاي ناۋقاستار بولمەسىنە اۋىسىپ، دەنساۋلىعىن قالپىنا كەلتىرۋ بويىنشا ەمدەلۋىن جالعاستىردى. بولمە اۋىساتىن ساتتە، قارت ەكى الاقانىن ءتيىستىرىپ ءوزىن اجال اۋزىنان الىپ قالعان اق حالاتتى پەرىشتەلەرگە العىسىن ءبىلدىردى.
”ICU ءومىردى اجالدان الىپ قالۋدىڭ ەڭ سوڭعى قورعانىس شەبى، ءبىز، بۇل قورعانىس شەبىن، ءسوزجوق، ويداعىداي ساقتايمىز“، - دەيدى چۋان رۇڭشي.
ءسوزجوق، جەڭىپ شىعاتىن سەنىممەن شايقاس جۇرگىزدى
8 - ايدىڭ 21 - كۇنى، بەلگىلەنگەن شيپاحانانىڭ ICU3 ناۋقاستار اۋماعىنىڭ سىرتىندا، فان مىڭ زارارسىزداندىرۋ، قوقىستاردى جيناۋ، لاستانعان ساقتانۋ - قورعانۋ كيىمىن دورباعا سالۋ جۇمىستارىمەن قاربالاس...
قىزمەتتەسى ەسكەرتكەن كەزدە عانا فان مىڭ اققان تەردىڭ ساقتانۋ - قورعانۋ كيىمىن دەرلىك شىلقا سۋ ەتكەنىن بايقادى. ”ساقتانۋ - قورعانۋ كيىمى شىلقا سۋ بولسا قورعاۋ رولىن جوعالتىپ، لاستاۋشى زاتپەن جۇعىمدالۋ قاتەرى تۋىندايدى“. فان مىڭ شايقاس مايدانىنان شەگىنىپ شىقتى.
7 - ايدىڭ 24 - كۇنى وسىلاي اتتانىپ، بەلگىلەنگەن شيپاحاناعا كەلگەننەن بەرى، فان مىڭ ICU3 ناۋقاستار اۋماعىنان تاپجىلعان جوق، فان مىڭدى ءبىر نىق سەنىم جەتەلەپ كەلەدى: ”جەڭىسكە جەتپەي ۇيگە قايتپايمىن!“.
بيىل 29 جاستاعى فان مىڭ حوتان ايماقتىق حالىق شيپاحاناسى باۋىر - ءوت حيرۋگيالىق ءبولىمىنىڭ جاۋاپتى سەستراسى، 2 - ايدا ول شينجياڭنان حۋبەيعا كومەككە بارعان ەمدەۋ اترەتىنىڭ ءبىر مۇشەسى بولىپ ۋحانعا اتتانعان، ونداعى قيان - كەسكى شايقاس ونىڭ كاسىپتىك قابىلەتى مەن پسيحيكالىق ساپاسىن ايتارلىقتاي جوعارىلاتتى. بۇل رەت ىندەت تۋىلعان سوڭ، فان مىڭ مەن جاۋىنگەر سەرىكتەرى ىرىقتى تۇردە ءبىرىنشى شەپكە شايقاسقا شىعۋعا سۇراندى.
”مەن كانديدات پارتيا مۇشەسىمىن، ۋحانداعى شايقاستا دا بولىپ قايتقانمىن، تاجىريبەم بار. نەعۇرلىم وسىنداي كەزدە، ءبىز، سولعۇرلىم ەشتەڭەدەن تايسالماۋىمىز كەرەك“، - دەيدى فان مىڭ باتىل بەينەدە.
فان مىڭنىڭ كۇيەۋى حوتان ايماقتىق حالىق شيپاحاناسىنىڭ شيپاگەرى، ول قىزمەت ورنىنان باستان - اياق تاپجىلعان ەمەس. قىزمەتتەن سىرت كەزدە، بەينەجازبا ءتۇسىرىپ كەلىنشەگىنە دەم بەرىپ وتىرادى. ”كوپشىلىكتىڭ بىرگە قۇلشىنۋىندا، ناۋقاستاردىڭ بارلىعىنىڭ الاپات اۋرۋدى جەڭىپ شىعۋىن تىلەيمىن“، - دەيدى فان مىڭ.
بولماشى ىستەردەن اسەرگە بولەندى
8 - ايدىڭ 21 - كۇنى ساعات 8دەن 30 مينۋت وتكەندە، اۆتونوميالى رايوندىق حالىق شيپاحاناسى تىنىس الۋ جانە سالماقتى ناۋقاس مەديتسيناسى ورتالىعىنىڭ تىنىس الۋ بويىنشا ەمدەۋشىسى لاشىن دوحتىربەك ءبىر كۇنگى قىزمەتىنە كىرىستى.
7 - ايدىڭ 24 - كۇنى شيپاحانا 1 - عيماراتىنىڭ 4 - ناۋقاستار اۋماعىنا كەلگەننەن بەرى 29 جاستاعى ول قاربالاستىقتان باس المادى.
تىنىس الۋ بويىنشا ەمدەۋشى رەتىندە، لاشىننىڭ قىزمەتى ۇساق، شاش ەتەكتەن ەدى. ”ءار كۇنى ناۋقاستىڭ تىنىس جولىنان شىعاتىن زاتتارعا جانە تىنىس العانداعى شىعاتىن گازدارعا جۋىسامىز“، - دەيدى لاشىن، تىنىس الۋ بويىنشا ەمدەۋشى ءار كۇنى حاۋىپ - قاتەرى جوعارى جۇمىستارعا ءدوپ كەلەدى، دەسەدە، ناۋقاستاردىڭ ءتۇسىنۋى مەن سايكەسۋى وعان ءبىرتالاي اسەرلى ءسات سيلادى.
بەلگىلەنگەن شيپاحاناعا كەلگەن 2 - كۇنى، ناۋقاستار اۋماعى جاسى ۇلعايعان ءبىر ناۋقاستى قابىلدادى. ەمدەۋ - كۇتىمدەۋ قىزمەتكەرلەرىنىڭ 20 نەشە كۇن دەن قويا قۇتقارۋ - ەمدەۋىنەن كەيىن، قارت ساۋىعىپ شيپاحانادان شىقتى. بۇل جاقسى حابار ناۋقاستار اۋماعىنداعى بارلىق ەمدەۋ - كۇتىمدەۋ قىزمەتكەرلەرىن جانە ناۋقاستاردى شابىتتاندىردى. 20 نەشە كۇندە، قارتتىڭ تۇلا بويى تولى وڭ ەنەرگياسى لاشىندى باستان - اياق اسەرگە بولەپ وتىردى.
لاشىننىڭ ەسىندە اپ - انىق، العاش رەت قارتتى كوكىرەك ءبولىمى CT تەكسەرۋىنە اپاراتىن بولىپ، لاشىن دوڭگەلەكتى اربانى يتەرىپ ناۋقاستار بولمەسىنىڭ ەسىگىنە كەلگەندە، قارت وعان: ”مىناعان وتىرىپ قايتەم، ءجۇرىپ بارا سالام“ دەيدى.
”ناۋقاستار بولمەسىنە كىرگەن سايىن، بۇل كىسىنى ءوز اتام سياقتى جاقىن سەزىنەمىن. ول بارلىق ادامعا كۇلە قارايدى، ونىڭ بەلسەندى ۇمىتكەرلىگى ءبىزدى جىلى شۋاققا بولەپ، ىنتالاندىرىپ وتىردى“، - دەيدى لاشىن. ناۋقاستار اۋماعىنداعى ەڭ قاربالاس ءبىر كۇندە، ول 28 ناۋقاستى دوڭگەلەكتى اربامەن CT تەكسەرۋىنە اپارىپ، ساقتانۋ - قورعانۋ كيىمىنىڭ ىشىندەگى كيىم شىلقا سۋ بولدى. قايتىپ كەلگەن سوڭ، لاشىن وعان قالپىنا كەلتىرۋ بويىنشا ەمدەۋ جاساعان كەزدە اتاي ءوزىنىڭ جاس كەزىندە پارتياعا كىرگەن اڭگىمەسىن بايانداپ، ونى ۇزدىكسىز تاباندى بولۋعا ىنتالاندىردى.
جاسى ۇلعايعان ناۋقاستاردىڭ ساقال - مۇرتىن الۋ، ءدامدى اس - تاعام اكەلىپ بەرۋ، بىرنەشە اۋىز جىلى ءسوز ايتۋ... ۇساق - تۇيەك ىستەر ناۋقاستار بولمەسىنە جىلى شۋاق شاشىپ، لاشىن ءوز قىزمەتىن ونان ارى قاستەرلەي ءتۇستى.
