ءۇرىمجى قالاسى باعىمشىلىق بازالارىنان تۇرعىنداردىڭ داستارقانىنا دەيىنگى قامداۋ تىزبەگىن ىركىلىسسىزدەندىردى
2014 ۇزارتىلعان قامتاماسىز ەتۋ ءتۇيىنى ەت ونىمدەرىن جەتكىزۋ قىزمەت وتەۋىمەن جاپپاي قامتىدى
8 - ايدىڭ 18 - كۇنى ءۇرىمجى قالالىق ساۋدا ىستەرى مەكەمەسىنىڭ (استىق مەكەمەسى) باستىعى يان جۇننىڭ تانىستىرۋىنا قاراعاندا، ءۇرىمجى قالاسى باعىمشىلىق بازالارىنان تۇرعىنداردىڭ داستارقانىنا دەيىنگى قامداۋ تىزبەگىنىڭ بارلىق بۋىنىن ىركىلىسسىزدەندىرىپ، ۋاقىتتىق شاتىر تىگۋ، شاتىرلى اۆتوموبيلدەردى جۇرگىزۋ سياقتى فورمالار ارقىلى 2014 ۇزارتىلعان قامتاماسىز ەتۋ ءتۇيىنىن قۇرىپ، داعدىلى ءوزى سالعان ءۇي سياقتى اۋماقتارعا ەت ونىمدەرىنىڭ جەتكىزىلمەي قالۋى ماسەلەسىن شەشىپ، جەتكىزىپ بەرۋ، قامتاماسىز ەتۋ قىزمەت وتەۋىمەن جاپپاي قامتىدى.
ءۇرىمجى قالاسى تيانشان رايونى، سايباق رايونى، شۇيموگوۋ رايونى، جوعارى، جاڭا تەحنيكا رايونى (جاڭا قالا رايونى)، ەكونوميكالىق - تەحنيكالىق اشۋ رايونى (توۋتۇنحى رايونى)، ميدۇڭ رايونى سياقتى 6 رايونعا توڭازىتقىش اۆتوموبيلدەردى سەپتەپ، تەگىن جەتكىزىپ بەرۋدى قامتاماسىز ەتتى. الەۋمەتتىك اۋماق قىزمەتكەرلەرىنىڭ، وتباسىلاردى كوتەرمەگە العان كادرلاردىڭ، ەرىكتىلەردىڭ رولىن تولىق ساۋلەلەندىرىپ، تۇرعىنداردىڭ ۋيچات توبى، تەلەفون سياقتى تاسىلدەر ارقىلى تۇرعىنداردىڭ قاجەتىن الدىن الا جيناقتاپ، تولاسسىز دالمە - ءدال جەتكىزىپ بەرۋدى ورىستەتتى. لايىقتى ۋاقىتتا تۇتاس قالاداعى ەڭ تومەنگى تۇرمىسى قامتاماسىزداندىرىلاتىن، ت . ب قيىنشىلىعى بار وتباسىلارعا جاس ەت ونىمدەرىن تەگىن تاراتتى، قازىر جيىنى 104 توننا جاس ەتتى تەگىن تاراتىپ، قالا، اۋىلداعى ەڭ تومەنگى تۇرمىسى قامتاماسىزداندىرىلاتىن، ت . ب قيىنشىلىعى بار 9223 وتباسىنا يگىلىك جەتكىزدى.
ەت ونىمدەرىمەن قامداۋ باعاسىنىڭ ورنىقتى بولۋى ءۇشىن، ءۇرىمجى قالاسى بەلگىلەنگەن سويىس كاسىپورىندارىنا، تولايىم ساتۋ بازارلارىنا جانە ەت تۇرلەرىن تاسىمالدايتىن كاسىپورىندارعا تىكەلەي قوسىمشا قاراجات بەرىپ، ەت ونىمدەرىنىڭ تولايىم ساتۋ باعاسىن تومەندەتتى ءارى ەت ونىمدەرىنىڭ بولشەك ساتۋ باعاسىنا شەك قويدى؛ سويىس ورتاسىنىڭ ىندەتتەن ساقتانۋ - تىزگىندەۋ جاۋاپكەرشىلىگىن قاتاڭ تياناقتاندىرىپ، الاڭعا كىرگەن اۆتوموبيلدەر مەن زاۆود ءىشى ورتاسىن قاتاڭ زارارسىزداندىرىپ، الاڭعا كىرگىزىلەتىن مال - قۇستاردى تەكسەرۋدى، سويۋدان بۇرىنعى شارلاپ تەكسەرۋدى، سويۋ بارىسىنداعى جانە ونىمدەردى كارانتيندەۋ - تەكسەرۋ قىزمەت سەرپىنىن ارتتىرىپ، بازارعا شىعارىلعان ونىمدەردىڭ ساپاسىنىڭ حاۋىپسىزدىگىنە شىنايى كەپىلدىك ەتتى؛ ساتۋ، جەتكىزىپ بەرۋ بۋىنىندا ءتۇرلى ىندەتتەن ساقتانۋ شارالارىن قاتاڭ تياناقتاندىرىپ، ساتۋ، تاسىمالداۋ اۆتوموبيلدەرىن ءار كۇنى كەم دەگەندە 2 رەت زارارسىزداندىرىپ، اۆتوموبيلمەن بىرگە جۇرەتىن ادامداردىڭ دەنە تەمپەراتۋراسىن تەكسەرۋدى ويداعىداي ىستەدى. جەتكىزىپ بەرۋدىڭ الدىندا سىرتقى قورابىن زارارسىزداندىرۋدى قاتاڭ جۇرگىزدى، جەتكىزىپ بەرۋشىلەر جالپى بارىستا ماسكى تاعىپ، قولعاپ كيىپ، جاناسپاۋ فورماسىندا جەتكىزىپ بەردى.
قازىر ءۇرىمجى قالاسىندا ءار كۇنگى سويۋمەن قامداۋدىڭ ورتاشا مولشەرى تۇراقتى 220 توننا شاماسىندا، سىرتقى جەرلەردەن جاس قوي ەتىنىڭ ءار كۇنگى تاسىمالدانىپ كىرۋ مولشەرى 80 توننا اينالاسىندا، ءار كۇنگى قامدالاتىن جاس ەت مولشەرى 300 توننا توڭىرەگىندە بولدى، مۇنىڭ ىشىندە سيىر، قوي ەتىمەن قامداۋ مولشەرى جارتىسىنان استامىن ۇستاپ، ىندەت تۋىلۋدان ىلگەرگى مەزگىلمەن نەگىزىنەن قارايلاس بولدى.
