بۇقارانى كوكەيدە ساقتاپ، ۇساق - تۇيەك ىستەردى ەسكەردى
”بۇگىنگى كوكونىستەر اۋەلگىدەي جاس ەكەن، الەۋمەتتىك اۋماق قىزمەتكەرلەرىنە، ەرىكتىلەرگە تاعى دا ۇلكەن ماداق ايتامىز“. 8 - ايدىڭ 15 - كۇنى تۇستەن بۇرىن تۇرعىندارعا كوكونىس جەتكىزىپ بەرگەن ءۇرىمجى قالاسى سايباق رايونى حوتان كوشەسى اۋماعىن باسقارۋ كوميتەتى شىعىس 1 - كوشەسى الەۋمەتتىك اۋماعىنىڭ ەرىكتىسى ۋاڭ شينشۇي ۋيچات توبىن كورىپ ماقتانىشپەن جىميدى.
شىعىس 1 - كوشەسى الەۋمەتتىك اۋماعىنا قاراستى 21 شاعىن اۋماق، 3260 وتباسى بار، شاعىن اۋماقتاعى كوكونىس دۇكەندەرىنىڭ سانى شەكتى بولعاندىقتان، كوپشىلىكتىڭ جاقسى تاماقتانۋى ءۇشىن وسى الەۋمەتتىك اۋماقتىڭ ورىنباسار مەڭگەرۋشىسى ابدۇرازاق ابدۋالي ماڭىنداعى اۋىل شارۋاشىلىق ونىمدەرى ساۋدا بازارىن تۇگەل ارالاپ، زاتپەن قامداۋشى ساۋداگەرلەرمەن بايلانىس جاسادى. ”كوكونىس تۇسىرەتىن جالعىز، جەكە دارا عيماراتتاردان تىس، باسقا شاعىن اۋماقتارعا تۇگەلدەي زاتپەن قامداۋشى ءبىر ساۋداگەر ورنالاستىردىق“، - دەدى سايباق رايوندىق پارتكوم ۇيىمداستىرۋ بولىمىنەن شىعىس 1 - كوشەسى الەۋمەتتىك اۋماعىندا تۇراتىن ءبىرىنشى شۋجي، قىزمەت اترەتىنىڭ باستىعى فىڭ نان، - الەۋمەتتىك اۋماق اپتا سايىن ولاردى نۋكلەين قىشقىلىن، قوس انتيدەنەلەردى تەكسەرۋ - ولشەۋگە ءبىر تۇتاس ورنالاستىرىپ، ولاردىڭ ۋاعىندا جەتكىزىپ بەرۋلەرىنە كەپىلدىك ەتتى.
ءار كۇنى كەش تۇرعىندار ۋيچات توبىنىڭ ەڭ دۋماندى كەزى، ءار وتباسى الداعى 1 − 2 كۇنگە قاجەتتى ازىقتىق ماتەريالدارىن توپقا جولدايدى، كوكونس، جەمىس - جيدەك، سيىر - قوي ەتى، قوسىمشا ازىق - تۇلىك، تۇرعىنداردىڭ جەگىسى كەلگەنىنىڭ بارلىعىن ابدۇرازاق زاتپەن قامداۋشى ساۋداگەرمەن بايلانىس جاساپ، ولاردى مۇمكىندىگىنشە قاناعاتتاندىرىپ وتىردى.
كوكونىس ساتىپ الۋ، ءدارى - دارمەك ساتىپ الۋ، سۋ، توك ساتىپ الۋ، رەمونتتاۋ، شيپاحاناعا جەتكىزۋ... قاراماققا ۇساق - تۇيەك بولعان وسى ىستەر الەۋمەتتىك اۋماقتىڭ پارتيا مۇشەلەرى مەن كادرلارى جونىنەن ءاربىرى تۇرعىنداردىڭ تۇرمىسىنىڭ قالىپتى اينالىسىنا ساياتىن ءىرى ءىس سانالدى.
ىندەت تۋىلعاننان كەيىن، وسى الەۋمەتتىك اۋماق پارتكومى القاسىنداعىلار دەرەۋ جۇمىس ءبولىسىن جاسادى، فىڭ نان جان - جاقتىلى ءبىر تۇتاس جوسپارلاۋعا، باسقا تورتەۋى جەكە - جەكە ۇيدە اۋاشالانعاندارعا قىزمەت وتەۋگە، تۇرعىنداردى تۇرمىستىق بۇيىمدارمەن قامتاماسىز ەتۋگە، توتەنشە جاعدايدا قۇتقارۋ - كومەكتەسۋگە جانە تۇرعىنداردىڭ شاعىمىن قابىلداۋعا جاۋاپتى بولدى. سونىمەن بىرگە، ءاربىرى ءبىر توزكوزىمەن سايكەسىپ، ىندەتتەن ساقتانۋ - تىزگىندەۋدى ادامعا دەيىن تياناقتاندىردى.
القا قۇرامىنداعىلاردىڭ باستاۋىندا الەۋمەتتىك اۋماقتىڭ پارتيا مۇشەلەرى، كادرلارى بەلسەنە ارەكەتكە كەلىپ، ىندەتتەن ساقتانۋ - تىزگىندەۋدەن قامال الۋ شايقاسىندا جەڭىسكە جەتۋ ءۇشىن بار كۇشتەرىن ارنادى.
”مەيلى قاي ۋاقىتتا تەلەفون شالسا دا، الەۋمەتتىك اۋماقتا قابىلدايتىن ادام بار“. 8 - ايدىڭ 14 - كۇنى ءتۇن ورتاسىن اۋىزعا العاندا اليا ابدۇۋايىت تاعى دا قىستىعا جىلادى. ونىڭ اكەسى بيىل 83 جاستا، وپەراتسيادان كەيىن نەسەپ اعىزعىش تۇتىكشەسى سۇعىلعان. 8 - ايدىڭ 14 - كۇنى ساعات 4 مولشەرىندە كاريانىڭ نەسەپ اعىزعىش تۇتىكشەسى كەنەت شىعىپ كەتەدى، قىسىلتاياڭ ساتتە اليا فىڭ نانعا تەلەفون جالعايدى. 10 نەشە مينۋتتان كەيىن قۇتقارۋ - كومەكتەسۋ ماشيناسى ول تۇرعان عيماراتتىڭ الدىنا بارىپ، كاريانى شيپاحاناعا جەتكىزەدى.
رايون اتتاپ شيپاگەرگە كورىنۋ، ونىڭ ۇستىنە جاۋاپتى شيپاگەرىن تابۋ ءۇشىن سول ءبىر 10 نەشە مينۋتتا الەۋمەتتىك اۋماق قىزمەتكەرلەرىنىڭ قانشا مەكەمە - ورىندى، قانشا ادامدى سايكەستىرگەنىن اليا بىلمەيدى، الايدا، ول وسى الەۋمەتتىك اۋماق قىزمەتكەرلەرىنىڭ نازارىندا ماڭىزدى ورىن يەلەيتىندىگىن بىلەتىن ەدى.
قيىن - قىستاۋ ساتتەردە قيىندىقتى بىلەك بىرىكتىرە جەڭدى، تۇرعىندار ارت - ارتىنان الەۋمەتتىك اۋماقتان ەرىكتى بولىپ شايقاسقا قاتىناسۋدى ءوتىندى. ءاربىر ادامنىڭ ارتىقشىلىعىنا قاراي الەۋمەتتىك اۋماق پارتكومى 315 تۇرعىندى تاڭداپ، شيپاحاناعا جەتكىزۋ، ءدارى - دارمەك جەتكىزۋ، كوكونىسپەن قامتاماسىز ەتۋ، پسيحولوگيالىق كەڭەس بەرۋ، قوجالىق رەمونتى، سۋ، توك، تابيعي گاز ساتىپ الىپ بەرۋ سىندى 5 قىزمەت وتەۋ اترەتىن ۇيىمداستىردى، الەۋمەتتىك اۋماق پارتيالى كادرلارى، پارتيالى ەرىكتىلەر باستاماشىلدىق ەتىپ، تومەنگى شەكتەن تۇسىرمەي، قىسىلعاندا قول ۇشىن بەرىپ، حالىق تۇرمىسىن قامتاماسىز ەتتى.
ەرىكتى گاۋ بين 11 جىلدىق پارتيالىق ستاجعا يە، حوتان 1 - كوشەسىندە اسحانا اشادى. وسى مەزگىلدە ول اسحاناسىنداعى سەرىكتەستەرىمەن بىرگە قاراستى اۋماقتاعى ۇيدە جالعىز تۇراتىن 5 كاريانىڭ تۇسكى اسىن كوتەرىپ الىپ، ءار كۇنى ىستەپ اكەلىپ وتباسىلارىن كوتەرمەگە العان كادرعا تاپسىرىپ بەردى. ”ىندەت كەزىندە ءاربىر ادام ارەكەتكە كەلۋى ءتيىس، پارتيا مۇشەسى بولعاندىعىمىزدان، ءسوز جوق، اتويلاپ الدا ءجۇرۋىمىز كەرەك، جەڭىستىڭ الدا ەكەنىنە سەنەمىن“، - دەدى گاۋ بين.
