تاياۋدا، تەڭىز دەڭگەيىنەن بيىكتىگى 4243 مەتر كەلەتىن چەرچەن اۋدانى ويجايلاۋ قالاشىعىنداعى اقسۋكول اۆتوماتتى اۋا رايى پۋنكتىنىڭ دەر كەزىندە باقىلاعان ساندى مالىمەتتەرى اۆتونوميالى رايوندىق اۋا رايى ينفورماتسيا ورتالىعىنا جولداندى، ءسويتىپ، وسى وڭىردە اۋا رايى جاعىنان قىزمەت وتەۋ باقىلاۋ ساندى مالىمەتى بولماۋ تاريحى اياقتالدى. ۇعىسۋعا قاراعاندا، اۆتونوميالى رايوندىق اۋا رايى مەكەمەسى تەڭىز دەڭگەيىنەن بيىكتىگى 3000 مەتردەن اساتىن ءۇستىرتتى، تاۋلى وڭىردە ىلگەرىندى - كەيىندى 67 اۆتوماتتى اۋا رايى پۋنكتىن قۇرعان.
قازىرگە دەيىن رايونىمىز 1869 اۆتوماتتى اۋا رايى پۋنكتىن قۇردى، مۇنىڭ 615ى كەدەي وڭىرلەردە.
سونىمەن بىرگە، اۆتونوميالى رايوندىق اۋا رايى مەكەمەسى كەدەي وڭىرلەردەگى اۆتوماتتى اۋا رايى پۋنكتتەرىنىڭ دارەجەسىن ءوسىرۋ تەبىنىن ارتتىرىپ، ەكى فاكتورلى (اۋا تەمپەراتۋراسى مەن جاۋىن - شاشىن مولشەرى) اۆتوماتتى اۋا رايى پۋنكتتەرىن التى فاكتورلى (اۋا تەمپەراتۋراسى، ىلعالدىق، اۋا قىسىمى، جەل باعىتى، جەل جىلدامدىعى، جاۋىن - شاشىن مولشەرى) جاڭا تيپتى اۆتوماتتى اۋا رايى پۋنكتىنە اينالدىردى، التى فاكتورلى، سونداي - اق ودان كوپ فاكتورلى پۋنكت تۇيىندەرىنىڭ ۇستاعان سالىستىرماسى ”12 - بەسجىلدىقتىڭ“ اياعىنداعى ％33تەن قازىرگى ％80كە كوتەرىلىپ، اپاتتى اۋا رايىن باقىلاۋ - ولشەۋ، ساقتاندىرۋ قابىلەتىن كۇشەيتىپ، جاۋىن - شاشىننان ءدال الدىن الا بولجال جاساۋ جانە قىسقا ۋاقىت ىشىندە تاياتىپ بولجال جاساۋ قابىلەتىن جوعارىلاتۋعا ءونىمدى تىرەك ازىرلەدى.
اۆتونوميالى رايوندىق اۋا رايى مەكەمەسى باقىلاۋ جانە ينتەرنەت جەلىسى باسقارماسىنىڭ جاۋاپتىسى تىلشىگە مىنانى ايتتى: رايونىمىز اۋىل شارۋاشىلىعى، قاتىناس، ەنەرگيا، ەكولوگيا، سۋ يگىلىگى، ساياحات سياقتى جاقتارعا اۋا رايى جاعىنان قىزمەت وتەۋ قاجەتىمەن ۇشتاستىرىپ، قولدانىلمالى اۋا رايىن باقىلاۋ پۋنكتى قۇرىلىسىن ىلگەرىلەتىپ، كەدەي وڭىرلەردەگى اكىمشىلىك قىستاقتاردى اۆتوماتتى اۋا رايى پۋنكتىمەن قامتۋ مولشەرىن ءتۇيىندى تۇردە جوعارىلاتىپ، اۋا رايىن باقىلاۋ پۋنكتتەرى تورىنىڭ جايعاسۋىن ونان ارى ساپالىلاندىرادى.
مۇنان سىرت، اۆتونوميالى رايوندىق اۋا رايى مەكەمەسى جەرگىلىكتى جاعدايعا قاراي اۋا رايىن باقىلاۋ جاعىنان كەدەيلەردى سۇيەمەلدەۋ الەۋمەتتىك يگىلىك جۇمىس ورنىن اشۋ ارقىلى كەدەي بۇقارانى دالمە - ءدال كومەكتەسىپ سۇيەمەلدەدى. 2019 - جىلدان قازىرگە دەيىن اۋا رايىن باقىلاۋ جاعىنان كەدەيلەردى سۇيەمەلدەۋ الەۋمەتتىك يگىلىك جۇمىس ورنىنان 100 نەشەسىن اشىپ، جەرگىلىكتى ورىنداعى كەدەي بۇقارانىڭ كەدەيلىكتەن ارىلىپ كىرىستى ارتتىرۋىنا ەسە قوستى.
