شوكىرات زاكىر وتانشىلدىق تازالىق قيمىلى قىزمەتى جونىندەگى ارناۋلى ماجىلىستە بىلاي دەپ باسا دارىپتەدى
ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە جاپپاي قول جەتكىزۋگە تاماشا الەۋمەتتىك تازالىق ورتاسىن قالىپتاستىرۋ كەرەك
8 - ايدىڭ 13 - كۇنى تۇستەن كەيىن اۆتونوميالى رايون وتانشىلدىق تازالىق قيمىلى قىزمەتى جونىندە ارناۋلى ءماجىلىس اشتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى ءارى ءسوز سويلەدى. ول بىلاي دەپ اتاپ كورسەتتى: جەر - جەر، تاراۋلار باس شۋجي شي جينپيڭنىڭ وتانشىلدىق تازالىق قيمىلىن ورىستەتۋ جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، وتانشىلدىق تازالىق قىزمەتىن ويداعىداي ىستەۋدىڭ جاۋاپكەرلىك سەزىمىن، كوكەي تەستىلىك سەزىمىن جانە بورىشتىلىق سەزىمىن كۇشەيتىپ، وتانشىلدىق تازالىق قيمىلىن جالپى بەتتىك ىشكەرىلەي ورىستەتىپ، تاماشا تازالىق ادەتىنىڭ تۇتاس قوعامدا داعدىعا اينالۋىنا مۇمكىندىك جاساپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە جاپپاي قول جەتكىزۋگە تاماشا الەۋمەتتىك تازالىق ورتاسىن قالىپتاستىرۋ كەرەك.
شوكىرات زاكىر بىلاي دەپ اتاپ كورسەتتى: سوڭعى جىلدارى رايونىمىزدىڭ وتانشىلدىق تازالىق قىزمەتى اسا زور تابىستارعا قول جەتكىزىپ، تازالىقتا وزات ورىن قۇرۋ قيمىلىندا تىڭ تابىستارعا قول جەتكىزدى. اسىرەسە، ىندەتكە قارسى اتتانۋ بارىسىندا كادر - بۇقارانى قورشاعان ورتا تازالىعىن جونگە سالۋ، سالاماتتىق، تازالىق بىلىمدەرىن ۇگىتتەۋ، جالپىلاستىرۋ سياقتى قيمىلدارعا ۇيىمداستىرىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋگە بەرىك نەگىز قالاندى.
شوكىرات زاكىر بىلاي دەپ باسا دارىپتەدى: قازىر رايونىمىزدىڭ ىندەتتەن ساقتانۋ - تىزگىندەۋ قىزمەتى ەڭ جاپالى قامال الۋ كەزەڭىندە تۇر، وتانشىلدىق تازالىق قيمىلىن ورىستەتۋ ىندەتتەن ساقتانۋ - تىزگىندەۋ نەگىزىن نىعايتۋ، ىندەتتەن ساقتانۋ - تىزگىندەۋ قورعانىس شەبىن بەكەمدەۋ جونىنەن ەرەكشە ماڭىزدى. جەر - جەر، تاراۋلار وتانشىلدىق تازالىق قيمىلىن جالپى بەتتىك ورىستەتىپ، ەڭ بەرىك ساقتانۋ - تىزگىندەۋ جۇيەسىن قۇرىپ، قۋاتتى كۇش ۇيىستىرۋ كەرەك.
شوكىرات زاكىر مىنانى تالاپ ەتتى: جەر - جەر، تاراۋلار الدىن الۋدى نەگىز ەتكەن تازالىق جانە سالاماتتىق قىزمەت باعىتىنا تاباندى بولىپ، حالىق بۇقاراسىنىڭ سالاماتتىعىن وزەك ەتىپ، وتانشىلدىق تازالىق قيمىلىن تىڭعىلىقتى ىلگەرىلەتۋ؛ قونىستانۋ ورتاسىن جاپپاي جاقسارتىپ، قالا، اۋىلداردىڭ قورشاعان ورتا تازالىعىن رەتتەۋ - جونگە سالۋدى ىشكەرىلەي ىلگەرىلەتىپ، تازالىقتا وزات قالا - قالاشىق قۇرۋدى بەلسەنە ورىستەتۋ؛ وركەنيەتتى، سالاماتتى تۇرمىس ءتاسىلىن دارىپتەپ، تاماشا اس - سۋ تۇتىنۋ داعدىسىن قالىپتاستىرىپ، بولەك تاماقتانۋ قيمىلىن بەلسەنە ىلگەرىلەتىپ، اس - سۋ ىسىراپشىلدىعىن باتىل تەجەۋ؛ سالاماتتىق بىلىمدەرىن جالپىلاستىرۋدى ورىستەتىپ، وركەنيەتتى، سالاماتتى تۇرمىس ادەتىن جالپىلاستىرىپ، بۇقارانىڭ سالاماتتىق تانىمىن، وركەنيەت، تازالىق تانىمىن جانە وزىندىك دەنساۋلىق ساقتاۋ قابىلەتىن جوعارىلاتۋ؛ قوعامدىق سالاماتتىقتى كەشەندى جونگە سالۋدى كۇشەيتىپ، وتانشىلدىق تازالىق قىزمەتىنىڭ دەڭگەيىن جاپپاي جوعارىلاتىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن بار كۇشپەن قورعاۋ كەرەك.
شوكىرات زاكىر مىنانى اتاپ كورسەتتى: وتانشىلدىق تازالىق قيمىلى جالپى حالىق ات سالىساتىن، جابىلا يگەرىپ، بىرگە باسقاراتىن جۇيەلى قىزمەت. جەر - جەر، تاراۋلار باسشىلىقتى كۇشەيتىپ، تىعىز سايكەسىپ، كوپ بولىپ كۇش سالىپ، وتانشىلدىق تازالىق ۇيىمى جۇيەسى مەن قابىلەتى قۇرىلىسىن كۇشەيتىپ، ءارقايسى مۇشە ورىنداردىڭ سايكەسۋ، سەلبەسۋ رولىن ساۋلەلەندىرىپ، تاراۋلار سايكەسەتىن، جوعارى مەن تومەن قوسىلا ارەكەتتەنەتىن، جابىلا يگەرىپ، بىرگە باسقاراتىن وتانشىلدىق تازالىق قىزمەتى ارناسىن قالىپتاستىرىپ، قورشاعان ورتا تازالىعىن رەتتەۋ - جونگە سالۋدى ۇزدىكسىز ورىستەتىپ، حالىقتىڭ سالاماتتىعىن قورعاۋ شايقاسىن ويداعىداي جۇرگىزۋ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋ ءۇشىن اناعۇرلىم زور ۇلەس قوسۋ كەرەك.
اۆتونوميالى رايون باسشىلارىنان جاروللا يسامدين، ماڭلىك سەيىت قاتارلىلار ماجىلىسكە قاتىناستى.
