8 - ايدىڭ 12 - كۇنى ساعات 21دەن 50 مينۋتتا شينمەي تولتىرا تيەلگەن ءبىر كەزەكشى ۇشاق قاشقاردان ۇشىپ شي - انعا قوندى، ونان سوڭ شينمەي ونىمدەرى شي - اننان ۇلەستىرىلىپ، ەل ىشىندەگى باسقا قالالارعا جەتكىزىلەدى. بۇل قاشقار شينمەيىنىڭ تۇڭعىش رەت ۇشاق جالداۋ تاسىلىمەن زور مولشەردە ىشكى وڭىرلەرگە تاسىمالدانۋى.
قازىر ءدال قاشقار شينمەيى زور مولشەردە بازارعا شىعارىلاتىن ماۋسىم. جاڭا تيپتى ايدارشا ۆيرۋس وكپە قابىنۋ ىندەتىنىڭ ساتۋعا تيگىزگەن ىقپالىن جەڭىپ، جاس شينمەيدى تەز ارادا تاسىمالداپ شينجياڭنان شىعارۋ ءۇشىن، 8 - ايدىڭ 12 - كۇنى شينجياڭ اۋەجاي توبى تيانيۋان حالىقارالىق زات اينالىمى شەكتى سەرىكتەستىگى وڭتۇستىك اۆياتسيا سەرىكتەستىگىمەن بىرگە قاشقار - شي - ان جولاۋشىلار ۇشاعىن شينمەي تاسيتىن جالدامالى ۇشاققا اينالدىرىپ قاتىناتتى.
سول كۇننەن باستاپ، وڭتۇستىك اۆياتسيا سەرىكتەستىگى ءار كۇنى قاشقار مەن شي - انعا بارىپ - كەلەتىن شينمەي جالدامالى ۇشاعىنان ءبىر دە ەكەۋىن ۇشىرىپ، جالپى 60 كەزەكشى ۇشاق ۇشىرىپ، مولشەرمەن 900 توننا تاسيدى.
قاشقار شينمەيىنىڭ ءدامى ءتاتتى بولعاندىقتان، ىشكى وڭىرلەردەگى تۇتىنۋشىلار قاتتى ۇناتادى. جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا ۇشىراعاندىقتان، شينمەيدى سىرتقا ساتۋدا قيىنشىلىقتار تۋىلدى. قاشقار ايماقتىق پارتكوم مەن اكىمشىلىك مەكەمەسى ەگىمشىلىك وتباسىلارىنىڭ شۇعىل قيىنشىلىعىن شەشۋگە ۇمتىلىپ، بار امالدى ىسكە قوسىپ شينمەيدى سىرتقا ساتۋ ارناسىن ىركىلىسسىزدەندىردى. كوپ جاقتىڭ سايكەسۋىمەن، قاشقار ايماقتىق دامۋ جانە رەفورما كوميتەتى قاتىستى قوسىمشا قاراجات بەرۋ ساياساتىن شىعاردى، شينجياڭ جياۋجيان زات اينالىمى سەرىكتەستىگى بازار اشۋعا جاۋاپتى بولىپ، تيانيۋان حالىقارالىق زات اينالىمى سەرىكتەستىگى قامتاماسىز ەتىپ سايكەستىرۋگە جاۋاپتى بولىپ، وڭتۇستىك اۆياتسيا سەرىكتەستىگى ۇشاق جالداۋ مىندەتىن اتقارىپ، قاشقار شينمەيىنىڭ دەر كەزىندە ەلىمىزدىڭ جەر - جەرىنە تاسىلۋىنا بىرگە كۇش قوستى.
وڭتۇستىك اۆياتسيا سەرىكتەستىگى شينجياڭ بولىمشە سەرىكتەستىگى قاشقار تيجارات ءبولىمىنىڭ زات تاسىمالىنا جاۋاپتى ديرەكتورى لي جيان مىنالاردى تانىستىردى: شينمەي شي - انعا جەتكىزىلگەن سوڭ تەز ارادا ۇلەستىرىلىپ، بۇكىل ەلدىڭ جەر - جەرىنە جەتۋىنە شىنايى كەپىلدىك ەتۋ ءۇشىن، وڭتۇستىك اۆياتسيا زات اينالىمى سەرىكتەستىگى شينجياڭ تيجاراتى ءبولىمى قاشقار، شي - ان اۋەجايلارىمەن ديناميكالى بىرگە ارەكەتتەنىپ، دەر كەزىندە زاتتى جەتكىزىپ، ينفورماتسيامەن قامتاماسىز ەتىپ، زات اينالىمى قىزمەت وتەۋ تىزبەگىن رەتتەپ، زاتتىڭ ءبۇلىنۋىن ەڭ تومەنگى شەككە ءتۇسىرىپ، ۇشاق جالداۋشى جاقتىڭ دەر كەزىندە زاتتى تاپسىرىپ الۋىنا، تۇتاس بارىستا ساڭلاۋسىز ۇشتاسۋعا مۇمكىنىك جاسادى.
ۇعىسۋعا قاراعاندا، كەلەسى قادامدا وڭتۇستىك اۆياتسيا سەرىكتەستىگى ءىس جۇزىندىك تاسىمال قاجەتىنە ساي تاسىمال كۇشىن ۋاقىتقا قاراي رەتتەپ، كەدەيلەردى سۇيەمەلدەۋ ارناۋلى اۋە جولىن اشىپ، شينجياڭنىڭ اناعۇرلىم كوپ تاڭداۋلى اۋىل شارۋاشىلىعى ونىمدەرىنىڭ سىرتقا شىعارىلۋىنا مۇمكىندىك جاساپ، كەدەيلىكتەن ارىلتۋدان قامال الۋعا كۇش قوسادى ەكەن.
