ادامدار ۇيىندە وتىرىپ - اق شار تاراپتان كەلگەن زاتتاردى قابىلداي الادى. زات اينالىمى كاسىبى ءوندىرىس پەن تۇتىنۋدىڭ دانەكەرى، ونىڭ بازار شارۋاشىلىعىنداعى ورنىنىڭ ماڭىزدىلىعى بارعان سايىن ارتا تۇسۋدە.
سوڭعى جىلدارى جاڭا جابدىق، ۇلكەن ساندى مالىمەت، بۇلتتىق ەسەپتەۋ سياقتىلاردىڭ كەڭىنەن قولدانىسقا ەنۋىنە بايلانىستى، شينجياڭنىڭ زات اينالىمى كاسىبى ءداستۇرلى كاسىپتەن وسى زامانعى كاسىپكە وزگەردى. ءبىر جاعىنان، شينجياڭنىڭ ”جاقسى تاۋارلارى“ بۇرىن بولماعان جىلدامدىقپەن ىشكى وڭىرلەرگە قادام تاستاپ، مەملەكەت قاقپاسىنان شىعىپ جاتسا؛ ەندى ءبىر جاعىنان، ”پوچتا اقىسى تولەنگەن“، ”جەدەل جەتكىزىلەدى“ دەگەن سوزدەر دە شينجياڭداعى اناعۇرلىم كوپ تۇتىنۋشىلارعا جاقىننان تانىس بولا باستادى.
جاڭا جابدىقتار جۇمىس ونىمدىلىگىن ايتارلىقتاي جوعارىلاتتى
اۆتوماتتى ىرىكتەۋ - ءبولۋ ماشيناسىنىڭ تاسىمالداعىش تاسپاسىندا جولدامالار قاز - قاتار كەزەككە تۇرىپ ءبىر قالىپتى جىلدامدىقپەن العا جىلجىپ، ينفرا قىزىل ساۋلەنىڭ سكانەرلەۋىنەن وتكەندە جولداما ينفورماتسياسى اۆتوماتتى تۇردە تانىلىپ جاتادى. تاسىمالداعىش تاسپانىڭ ەكى جاعىندا سارى ءتۇستى 100دەن استام جونەلتۋ - جەتكىزۋ كەسىگى بار، سكانەردەن وتكەن جولدامالار سايكەستى كەسىكتى ءدال تاۋىپ سىرعىپ تۇسەدى. ونان سوڭ، قىزمەتكەرلەر جولدامانى الىپ تاباقتى كولىككە ءۇيىپ، اۆتوموبيلگە تيەپ جونەلتۋ - جەتكىزۋ تۇيىنىنە جىبەرەدى.
ءۇرىمجى قالاسىنىڭ پوچتا جولدامالارىن ءبىر جاقتى ەتۋ ورتالىعىندا، 100 مەترگە جۋىق تولىق اۆتوماتتى وسى ىرىكتەۋ - ءبولۋ ماشيناسى 5 مينۋتقا جەتپەيتىن ۋاقىتتا ءبىر جولدامانى ىرىكتەپ - ءبولىپ شىعا الادى، ونىڭ ءبىر جاقتى ەتۋ جىلدامدىعى ادام قولىمەن ىستەۋدەن ءبىر ەسە تەز بولۋمەن قويماي، قاتە ءبولۋ مولشەرىن دە تومەندەتكەن.
جەدەل جەتكىزۋدىڭ جۇمىس مولشەرى جەدەل ارتىپ، ەلەكتروندى ساۋدانىڭ زات اينالىمى مەن ءبىرىنشى دەڭگەيدەگى جەدەل جەتكىزۋ سەرىكتەستىكتەرى زات اينالىمىنىڭ اۆتوماتتانۋ دارەجەسىن جوعارىلاتۋعا اناعۇرلىم ءمان بەرىپ، اۆتوماتتى ىرىكتەۋ - ءبولۋ جابدىقتارىن كەڭ كولەمدە قولدانۋعا كوشتى.
بىلتىر شينجياڭ جياڭنان شىنتۇڭ زات اينالىمى شەكتى سەرىكتەستىگى ءۇرىمجى قالاسىنداعى وتكەرمەلەۋ ورتالىعىندا ايقاسپا تاسپالى اۆتوماتتى ىرىكتەۋ - ءبولۋ جۇيەسىن قولدانىپ، ءبىر ساعاتتا 15 مىڭداي جەدەل جەتكىزۋ جولداماسىن ءبىر جاقتى ەتە الاتىن بولدى، بۇل ادام ەڭبەگىن ۇنەمدەپ قالماستان، ءبىر جاقتى ەتۋ مولشەرىن ％30تىڭ ۇستىندە كوبەيتتى. ”جولدامالار اۆتوموبيلدەن تۇسىرىلگەننەن ىرىكتەلىپ - بولىنگەنگە، ونان قايتا اۆتوموبيلگە تيەلگەنگە دەيىنگى جۇمىستاردىڭ بارلىعىندا جابدىقتار جاردەمدەسەدى، جەلىلەنگەن جۇمىس جولدامالاردى ءبىر جاقتى ەتۋدى اناعۇرلىم تەز، قولايلى، سونداي - اق اناعۇرلىم حاۋىپسىز ەتتى“، - دەيدى اتالعان سەرىكتەستىكتىڭ جاۋاپتىسى.
الدەقاشان كەلىپ جەتكەن زات اينالىمىنىڭ گۇلدەنۋ زامانى الدىندا، شينجياڭ پوچتا ىستەرى جانە زات اينالىمىمەن اينالىساتىن ءارقايسى ساۋدالىق ورىندار ىركەس - تىركەس تولىق اۆتوماتتى، جارتىلاي اۆتوماتتى ىرىكتەۋ - ءبولۋ جابدىقتارىن ىسكە قوسۋ تەبىنىن ارتتىرىپ، اۆتوماتتاندىرىلعان دامۋدىڭ جەدەلدەتۋ پەرنەسىن باسىپ، جۇمىس ونىمدىلىگىن ايتارلىقتاي جوعارىلاتتى.
جاڭا تۇعىر كاسىپ سالاسىنىڭ تيبىن وزگەرتۋدى، دارەجەسىن جوعارىلاتۋدى جەدەلدەتتى
زەردەلىلىك تەك جابدىقتاردىڭ دارەجەسىنىڭ ءوسۋى مەن جاڭالانۋىنان عانا ايگىلەنىپ قالعان جوق.
حوتاننان كەلگەن توڭازىتىلعان تاۋىق، التايدىڭ جاڭا سويىلعان قوي، سيىر ەتى، تارباعاتايدىڭ ماروجنيى سياقتىلاردىڭ بارلىعى سۋىق تىزبەكتى زات اينالىمى ارقىلى ءۇرىمجى حايحۇڭ حالىقارالىق ازىق - تۇلىك، زات اينالىمى پورتىنا كەلىپ ساۋداعا تۇسۋدە.
”زات اينالىمىمەن شۇعىلدانعانىمىزبەن، بىزدە دە ينتەرنەتتىك گەن بار“. 7 - ايدىڭ 13 - كۇنى حايحۇڭ حالىقارالىق ازىق - تۇلىك، زات اينالىمى پورتىنىڭ باس ديرەكتورى يان لينلۇڭ بىلاي دەدى: ”زات اينالىمى پورتى سيفرلاندىرۋ قۇرىلىسىن كۇشەيتۋ ارقىلى، تاراتىپ ساتۋ - جەتكىزىپ بەرۋدىڭ تۇتاس بارىسىندا سۋىق تىزبەكتى كورنەكى جۇمىستى جۇزەگە اسىردىق، ناقتى ۋاقىتتاعى تاسىمال ساندى مالىمەتتەرى بۇكىل ەلدەگى اۋىل شارۋاشىلىعى ونىمدەرىنىڭ سۋىق تىزبەكتى اينالىسىن باقىلاۋ - مەڭگەرۋ تۇعىرىنا جالعانعان، الەۋمەتتىك ينفورماتسيا تۇعىرىن قۇرىپ، سۋىق قامبانىڭ تەمپەراتۋراسىن، سۋىق تىزبەك اۆتوموبيلىنىڭ تەمپەراتۋراسىن ناقتى ۋاقىتتا مەڭگەرۋگە، ازىق - تۇلىك ينفورماتسياسىن جالپى بارىس بويىنشا قۋزاستىرۋعا بولاتىن ەتتىك“.
سانجى قالاسى سانگۇڭ قالاشىعىنداعى جۇڭجياڭ زات اينالىمى باقشا رايونىندا، جۇڭجياڭ زات اينالىمى ىندەتتەن ساقتانۋ - تىزگىندەۋدى ۇدايىلاندىرۋ كەزىندە ”جۇڭجياڭ ساندى مالىمەت الماسۋ ورتالىعى“ زەردەلى تۇعىرىن ونان ارى كەمەلدەندىرىپ قۇرىپ، اۆتوموبيلدەردىڭ حاۋىپسىزدىگىن باقىلاۋ - باسقارۋ، تەمىر جول تاسىمالى مەن كەدەن باقىلاپ - باسقاراتىن قويمالاردى ءتۇيىستىرۋ، زاتتاردى جەتكىزىپ بەرۋ سياقتى ءار بۋىنداعى ينفورماتسيالاردى دالمە - ءدال الماستىرۋدى جانە ورنالاستىرۋدى جۇزەگە اسىرىپ، زاتتاردى ۇلەستىرۋ، تاسىمالداۋ جۇمىسىنىڭ ءتارتىپتى جۇرگىزىلۋىنە مۇمكىندىك جاسادى. بيىل الدىڭعى جارتى جىلدا، جۇڭجياڭ زات اينالىمى 6 ميلليون 500 مىڭ توننادان استام زاتتىق ماتەريال تاسىمالدادى، بۇل بىلتىرعى سايكەس مەزگىلدەگىدەن ％65 ارتىق.
زەردەلى جىلدام كولىك قاشقار يۋانفاڭ حالىقارالىق زات اينالىمى كاسىپ باقشاسىن الىپ، ۇشقان قۇستاي زىمىراپ كەلەدى. باقشا رايونىندا قۇرىلعان زات اينالىمى ينفورماتسياسىن ورتاق پايدالانۋ تۇعىرى ينتەرنەت جەلىسىنەن تىسقارى الارماندار بايلىعىن شوعىرلاندىرىپ، كەلەشەكتەگى ساندى مالىمەتتەردى ينتەرنەتكە كىرگىزۋ، جۇك اۆتوموبيلدەرىن ورنالاستىرۋ، زات بايلىعىن جايعاستىرۋ ءۇشىن ورنىقتى تۇعىر ازىرلەدى، بۇل ىشكى وڭىرلەردەگى باقشا رايوندارىمەن ۇلاسۋدى، ىقپالداسۋدى، بايلىقتان ورتاق پايدالانۋدى جۇزەگە اسىرا الادى.
زەردەلى زات اينالىمى ءار زاتتى، تاسىمال قۇرالىن، قويمانى سيفرلى نۇكتەلەرگە اينالدىرىپ، زات اينالىمى ينتەرنەت جەلىسىندە وسى نۇكتەلەردى سىزىق ەتىپ جالعاستىرىپ، سىزىقتاردى تۇتاستىرىپ جازىق بەت قالىپتاستىرىپ، بىرگە سەلبەسىپ، وسى كاسىپتىڭ ارشىندى قاداممەن العا باسۋىن جەبەدى.
جاڭا ۇلگى كاسىپ ءۇشىن ”قالىپ جاساپ، مودەل تۇلعالادى“
7 - ايدىڭ 20 - كۇنى اقسۋ قالاسى ەلەكتروندى ساۋدا جەدەل جەتكىزۋ زات اينالىمى ىرىكتەۋ - ءبولۋ ورتالىعىندا، شينجياڭ شۇنفىڭ جەدەل تاسىمال شەكتى سەرىكتەستىگى اقسۋ جيناۋ - تاراتۋ تۇيىنىندەگى جۇمىسشىلار قوراپتالىپ بولعان ەرەكشە اۋىل شارۋاشىلىعى ونىمدەرىن تاسىمالداعىش تاسپا ارقىلى تولاسسىز سىرتقا شىعارىپ، اۆتوموبيلگە تيەپ جاتتى. ”قازىر، باستىسى، اۆياتسيا ارقىلى ەرەكشە اۋىل شارۋاشىلىعى ونىمدەرىن جونەلتەمىز، الارماندار ينتەرنەتتە تاپسىرىس بەرسە، بۇل جاقتا اتىز باسىنان جيناپ اكەلىپ تىكەلەي قوراپتاپ جونەلتەمىز، انە - مىنە دەگەنشە جەتىپ بارادى، ءار كۇنى شىعارىلاتىن زات مولشەرى 15 تونناعا جەتەدى“، - دەيدى جيناۋ - تاراتۋ ءتۇيىنىنىڭ جاۋاپتىسى ۋاڭ يۇڭكاڭ.
”قازىر، اقسۋ قالاسى ەلەكتروندى ساۋدا جەدەل جەتكىزۋ زات اينالىمى ىرىكتەۋ - ءبولۋ ورتالىعىندا، شۇنفىڭ، جيڭدۇڭ، دىباڭ، يۋانتۇڭ قاتارلى 9 جەدەل جەتكىزۋ زات اينالىمى سەرىكتەستىگى جانە 85 ەلەكتروندى ساۋدا كاسىپورنى ىرگە تەۋىپ، شارۋاشىلىق جۇرگىزۋدە“، - دەيدى اقسۋ ساۋدا، زات اينالىمى كاسىپ باقشاسىن باسقارۋ كوميتەتىنىڭ مەڭگەرۋشىسى شۇي لينبين. بيىل 5 - ايدا اقسۋ ساۋدا، زات اينالىمى كاسىپ باقشاسى 1 - توپتاعى اۆتونوميالى رايون دارەجەلى زات اينالىمى ۇلگى كورسەتۋ باقشاسى بولىپ تاڭدالعان.
رايونىمىزدىڭ زات اينالىمى ۇلگى كورسەتۋ باقشا رايوندارىن تانۋدا زات اينالىمى باقشا رايوندارىنىڭ قۇرىلىس، باسقارۋ جانە قىزمەت وتەۋ دەڭگەيىن جوعارىلاتۋدى، زات اينالىمىنىڭ وزىندىك قۇنىن تومەندەتىپ، زات اينالىمى ونىمدىلىگىن جوعارىلاتۋدى ماقسات ەتىپ وتىر. تاڭدالعان زات اينالىمى باقشا رايوندارى ۇزاق جىل ىشكى قۋاتتارىن نىعايتۋدان كەيىن، ساندى مالىمەتتەر جيناۋ، فينانستىق تولەۋ، ينفورماتسيالاندىرىپ باسقارۋ، قاينار - تەگىن قۋزاستىرۋ جۇيەسى سياقتى جاقتاردا ءونىمدى ىزدەنىستەر جاسادى.
بولاشاقتا، رايونىمىزداعى ءتۇيىندى زات اينالىمى باقشا رايوندارى جاڭالىق اشۋ ارقىلى دامۋعا دەم بەرۋدى كۇشەيتىپ، بۇرىنعى جالاڭ تاسىمالداۋ، قويمادا ساقتاۋ، ساۋدا سياقتى ءداستۇرلى ۇلگىلەر بويىنشا شارۋاشىلىق جۇرگىزۋدەن بىرتىندەپ ۇلكەن ساندى مالىمەت، زات ينتەرنەتى، زەردەلىلەنگەن قاتتى بولشەك جابدىقتارى سياقتى جاڭا تيپتى زات اينالىمىنا قاراي تيبىن وزگەرتەدى، سونداي - اق ”ينتەرنەت + زات اينالىمى“، ”زات اينالىمى + ساۋدا“ سياقتى كوپ نەگىزدى كاسىپ كۇيلەرىنە قاراي داميدى.
