8 - ايدىڭ 11 - كۇنى اۆتونوميالى رايوندىق ۇكىمەتتىڭ اقپارات كەڭسەسى اشقان ىندەتتەن ساقتانۋ - تىزگىندەۋ قىزمەتى جونىندەگى اقپار جاريالاۋ ماجىلىسىنەن ۇعىسۋىمىزشا، ءۇرىمجى قالاسى الەۋمەتتىك اۋماقتارداعى كوكونىس، قوسىمشا ازىق - تۇلىكتەردى تىكە ساتۋ تۇيىندەرىندە قولايلى زات ساتۋ دۇكەندەرىندە ىندەتتەن ساقتانۋ - تىزگىندەۋ شارالارى، تالاپتارى قاتاڭ تياناقتاندىرىلىپ، كوكونىس، ەت سياقتى تۇرمىستىق قاجەتتى بۇيىمدارمەن حاۋىپسىز قامداۋعا كەپىلدىك ەتىلگەن.
تۇرمىستىق قاجەتتى بۇيىمداردى ەنگىزۋ، ساتۋ، جەتكىزۋ سياقتى ءارقايسى بۋىندارداعى ىندەتتەن ساقتانۋ - تىزگىندەۋ شارالارى قاتاڭ تياناقتاندىرىلدى. اۆتوكولىكتەر مەن ادامدار سالىستىرمالى تۇراقتاندىرىلىپ، زات جەتكىزۋ قاينارىن قاتاڭ يگەرىپ، اۆتوكولىكتەر ءار رەت سىرتقا شىققان سايىن زارارسىزداندىرىلدى؛ زات تاسىمالدايتىن اۆتوكولىكتەر بازارعا كىرگەن كەزدە سىرتقى بولىگى زارارسىزداندىرىلدى، سونداي - اق اۆتوكولىكتەر كىرىپ - شىققاندا تىزىمدەلىپ، كولىكتەگىلەردىڭ دەنە تەمپەراتۋراسى ولشەندى؛ زاتتىق ماتەريالدار جەتكىزىلۋدەن بۇرىن سىرتقى قورابى زارارسىزداندىرىلدى، ەرىكتىلەر تۇتاس بارىستا ماسكى تاقتى جانە قورعانۋ قولعابىن كيىپ، جاناسپاي جەتكىزۋ ءتاسىلى قولدانىلدى. الەۋمەتتىك اۋماقتارداعى كوكونىس، قوسىمشا ازىق - تۇلىكتەردى تىكە ساتۋ تۇيىندەرى، قولايلى زات ساتۋ دۇكەندەرى سياقتىلارعا دۇكەن ىشىندە، دۇكەن سىرتىندا سالىستىرمالى اۋاشالاۋ اۋماعىن بەلگىلەپ، زاتتاردى ىرىكتەۋشىلەر مەن جەتكىزۋشىلەر جاناسپادى، ايقاسىپ وتپەدى؛ كورنەۋ اشىق تۇراتىن ازىق - تۇلىكتەر جانە سەۋىپ، ءسۇرتىپ زارارسىزداندىرۋعا كەلمەيتىن استىق سياقتى تاۋارلاردان سىرت، بارلىق تاۋاردىڭ سىرتقى قورابى تۇگەلدەي زارارسىزداندىرىلدى؛ ەت ساتۋ اۋماعى، كوكونىس ساتۋ اۋماعى، اس تاقتاي، پىشاق قۇرال - سايماندار، تارازى جابدىقتار، زاتتى سالاتىن - قوراپتايتىن بۇيىمدار سياقتىلارعا ءتۇيىندى تۇردە زارارسىزداندىرۋ جاقسى ىستەلدى.
