ۋاكىلدەر قىزمەت ورەسىن جوعارىلاتىپ، حالىق قۇرىلتايى قىزمەتىنىڭ جان - جاقتى العا باسۋىن جەبەيىك

日期:2020年06月30日
来源:新疆日报
【字体:

اۆتونوميالى رايوندىق حالىق قۇرىلتايى تۇراقتى كوميتەتى قىزمەت اۋىس - كۇيىس ءماجىلىسىن اشتى

  ۋاكىلدەر قىزمەت ورەسىن جوعارىلاتىپ، حالىق قۇرىلتايى قىزمەتىنىڭ جان - جاقتى العا باسۋىن جەبەيىك

   6 - ايدىڭ 29 - كۇنى تۇستەن بۇرىن اۆتونوميالى رايوندىق حالىق قۇرىلتايى تۇراقتى كوميتەتى قىزمەت اۋىس - كۇيىس ءماجىلىسىن اشىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ جەرگىلىكتى حالىق قۇرىلتايى جانە ونىڭ تۇراقتى كوميتەتىنىڭ قىزمەتى جونىندەگى ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، يدەيالىق نەگىزدى بەكەمدەپ، نازاريامەن قارۋلانۋدى كۇشەيتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن مىقتاپ ارقاۋ ەتىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، اۆتونوميالى رايوندىق حالىق قۇرىلتايىنىڭ ۋاكىلدەر قىزمەتىن كۇشەيتىپ جانە جاقسارتىپ، حالىق قۇرىلتايى ۋاكىلدەرىنىڭ شينجياڭنىڭ ورنىقتىلىعىن، دامۋىن ىلگەرىلەتۋ بارىسىنداعى ارتىقشىلعى مەن رولىن شىن مانىندە ويداعىداي ساۋلەلەندىردى.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ماجىلىسكە قاتىناستى ءارى ءسوز سويلەدى.

  ءماجىلىس مىنالاردى باسا دارىپتەدى: باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنۋ، دايەكتىلەندىرۋ − ۇزاق ۋاقىتتىق ساياسي مىندەت، ءار دارەجەلى حالىق قۇرىلتايى كادرلارى مەن حالىق قۇرىلتايى ۋاكىلدەرى جان - جاقتى جۇيەلى ۇيرەنىپ، دەر كەزىندە ىلەسە ۇيرەنىپ، ىشكەرىلەي وي جۇگىرتە ۇيرەنىپ، امالياتپەن بىرلەستىرە ۇيرەنىپ، جەتە ۇيرەنۋگە، جەتە يگەرۋگە، شىنايى تياناقتاندىرۋعا كۇش سالۋعا تاباندى بولىپ، حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جاۋاپكەرشىلىك سەزىمى مەن بورىشتىلىق سەزىمىن كۇشەيتىپ، اۋەلگى ماقساتتان جازباي، بورىش ارقالاپ، جاڭا داۋىردەگى اۆتونوميالى رايوندىق حالىق قۇرىلتايى قىزمەتىندە جاڭا جاعداي اشىپ، تىڭ تابىسقا جەتۋدى جەبەۋ كەرەك.

  ءماجىلىس مىنالاردى اتاپ كورسەتتى: باس شۋجي شي جينپيڭنىڭ جەرگىلىكتى حالىق قۇرىلتايى جانە ونىڭ تۇراقتى كوميتەتىنىڭ قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا، حالىق قۇرىلتايى ۋاكىلدەرىنىڭ تۇلعالىق ورنى مەن ماڭىزدى رولىن ىشكەرىلەي تانىپ، ۋاكىلدەر قىزمەتىنىڭ زاڭدىلىعىنا بويسۇنىپ جانە يگەرىپ، ۋاكىلدەر قىزمەتى مەحانيزمىن اقاۋسىزداندىرىپ، كەمەلدەندىرىپ، ۋاكىلدەر قىزمەتىن نىعايتىپ، جاقسارتىپ، جاڭا داۋىردەگى حالىق قۇرىلتايى قىزمەتىن جاقسى ىستەۋ نەگىزىن بەكەمدەپ، ومىرشەڭدىك كۇش قوسۋ كەرەك.

  ءماجىلىس مىنالاردى اتاپ كورسەتتى: پارتيانىڭ حالىق قۇرىلتايى ۋاكىلدەر قىزمەتىنە باسشىلىعىنا تاباندى بولۋ كەرەك. تۇراقتى كوميتەت قۇرامىنداعىلار ۋاكىلدەرمەن بايلانىس جاساۋ، ۋاكىلدەر حالىق بۇقاراسىمەن بايلانىس جاساۋ ءتۇزىمىن ونان ارى كەمەلدەندىرىپ، تياناقتاندىرىپ، ۋاكىلدەردىڭ تۇراقتى كوميتەت ءماجىلىسى مەن اڭگىمە ماجىلىسكە سىرتتاي قاتىناسۋ ءتۇزىمىن تياناقتاندىرىپ، كوپ ساتىلارمەن، الۋان جولمەن، ءتۇرلى فورمامەن بايلانىس جاساۋدى كۇشەيتىپ، بايلانىس جاساۋ ارنالارىن ۇزدىكسىز كەڭەيتىپ، بايلانىس جاساۋ مازمۇندارىن بايىتىپ، بايلانىس جاساۋ ناقتى ونىمدىلىگىن كۇشەيتىپ، حالىق قۇرىلتايى ۋاكىلدەرى مەن حالىق بۇقاراسىنىڭ تىعىز بايلانىسىن ساقتاۋ كەرەك. ءار دارەجەلى حالىق قۇرىلتايى تۇراقتى كوميتەتتەرى قىزمەت مەحانيزمىن كەمەلدەندىرىپ، ۋاكىلدەردىڭ كەڭەستىك جوبا، ۇسىنىس قىزمەتىن جوعارى ساپامەن جاقسى ىستەۋ كەرەك. ءار دارەجەلى حالىق قۇرىلتايى تۇراقتى كوميتەتتەرىنىڭ جۇمىس قۇرىلىمدارى مەن قىزمەت قۇرىلىمدارى ۋاكىلدەرگە قىزمەت ەتۋ تانىمىن كۇشەيتىپ، ۋاكىلدەرگە قىزمەت وتەۋ قىزمەتى دەڭگەيىن ۇزدىكسىز جوعارىلاتۋ قاجەت. ءار دارەجەلى حالىق قۇرىلتايى ۋاكىلدەرى ساياسي دەڭگەيدى جوعارىلاتىپ، وزىنە قاتاڭ تالاپ قويىپ، قىزمەت مىندەتتەرى مەن جاۋاپكەرشىلىكتەرىن زاڭ بويىنشا وتەپ، باقىلاۋدى سانالىلىقپەن قابىلداپ، پارتيا مەن مەملەكەتتىڭ حالىق بۇقاراسىمەن تىعىز بايلانىس جاسايتىن كوپىرى جانە دانەكەرى بولۋ كەرەك.

  ماجىلىستە، بايىنعولين موڭعۇل اۆتونوميالى وبلىستىق، قۇمىل قالالىق، قارامايلى قالالىق حالىق قۇرىلتايى تۇراقتى كوميتەتتەرى، قاشقار ايماقتىق حالىق قۇرىلتايى قىزمەت كوميتەتى، اۆتونوميالى رايوندىق حالىق قۇرىلتايىنىڭ ۋاكىلدەرى ءراناحان ابدىرەشيت پەن ي سانتاي اۋىس - كۇيىس جاساپ لەبىز ءبىلدىردى.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى جۋ حايلۇن، لي شۋەجۇن، باداي، گۇلشات ءابدىقادىر، سو يۋە ماجىلىسكە قاتىناستى.

  اۆتونوميالى رايوننىڭ ورىنباسار ءتوراعاسى جاۋ چۇڭجيۋ، اۆتونوميالى رايوندىق باقىلاۋ - تەكسەرۋ كوميتەتىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ قاتىستى جاۋاپتىلارى ماجىلىسكە قاتىناستى.