تاياۋدا اۆتونوميالى رايوندىق عىلىم - تەحنيكا مەڭگەرمەسى، اۆتونوميالى رايوندىق دەنساۋلىق ساقتاۋ، سالاماتتىق كوميتەتى بىرلەسىپ ۇقتىرۋ باسىپ تاراتىپ، ”شينجياڭ جۇرەك قان تامىرلار اۋرۋلارى كلينيكالىق مەديتسينا زەرتتەۋ ورتالىعى“ سياقتى 8 ورتالىقتى 1 - توپتاعى اۆتونوميالى رايوندىق كلينيكالىق مەديتسينا زەرتتەۋ ورتالىعى رەتىندە تۇراقتاندىردى. سالىنىپ ىسكە قوسىلۋ ۋاقىتى 3 جىل، ۋاقىتى تولعاندا تەكسەرىپ وتكىزىپ الىپ، تولىمدى بولسا رەسمي ماڭدايشالىق اسادى.
وسى 8 اۆتونوميالى رايوندىق كلينيكالىق مەديتسينا زەرتتەۋ ورتالىعى مىنالار: شينجياڭ مەديتسينا داشۋەسىنە قاراستى 1 - شيپاحانانى سۇيەنىش ەتىپ قۇرىلعان شينجياڭ جۇرەك قان تامىرلار اۋرۋلارى كلينيكالىق مەديتسينا زەرتتەۋ ورتالىعى، شينجياڭ سۇيەك اۋرۋلارى كلينيكالىق مەديتسينا زەرتتەۋ ورتالىعى، شينجياڭ جىلاۋىق قۇرت، سونداي - اق باۋىر، ءوت اۋرۋلارى كلينيكالىق مەديتسينا زەرتتەۋ ورتالىعى، شينجياڭ نەرۆ جۇيەسى اۋرۋلارى كلينيكالىق مەديتسينا زەرتتەۋ ورتالىعى، اۆتونوميالى رايوندىق حالىق شيپاحاناسىن سۇيەنىش ەتىپ قۇرىلعان شينجياڭ جوعارى قان قىسىم (جۇرەك - مي قان تامىرلارى) اۋرۋلارى كلينيكالىق مەديتسينا زەرتتەۋ ورتالىعى، شينجياڭ بۇيرەك اۋرۋلارى كلينيكالىق مەديتسينا زەرتتەۋ ورتالىعى، قاشقار ايماقتىق 1 - حالىق شيپاحاناسىن سۇيەنىش ەتىپ قۇرىلعان شينجياڭ جۇقپالى اۋرۋلار (تۋبەركۋلەز) كلينيكالىق مەديتسينا زەرتتەۋ ورتالىعى، قارامايلى قالالىق ورتالىق شيپاحاناسىن سۇيەنىش ەتىپ قۇرىلعان شينجياڭ اس قورىتۋ جۇيەسى وسپەسىن دالمە - ءدال ەمدەۋ كلينيكالىق مەديتسينا زەرتتەۋ ورتالىعى.
ۇعىسۋىمىزشا، «مەملەكەتتىك كلينيكالىق مەديتسينا زەرتتەۋ ورتالىعىنىڭ 5 جىلدىق (2017 − 2021) دامۋ جوباسىن» جانە «”سالاماتتى شينجياڭ 2030“ جوبا باعدارلاماسىن» دايەكتىلەندىرىپ، تياناقتاندىرىپ، شينجياڭ مەديتسيناسىنىڭ عىلىم - تەحنيكادا جاڭالىق اشۋ جۇيەسى قۇرىلىسىن ونان ارى كۇشەيتۋ ءۇشىن، 2019 - جىلى اۆتونوميالى رايوندىق عىلىم - تەحنيكا مەڭگەرمەسى مەن اۆتونوميالى رايوندىق دەنساۋلىق ساقتاۋ، سالاماتتىق كوميتەتى اۆتونوميالى رايوننىڭ تۇڭعىش توپتاعى كلينيكالىق مەديتسينا زەرتتەۋ ورتالىعىن قۇرۋ قىزمەتىن باستاعان.
كلينيكالىق مەديتسينا زەرتتەۋ ورتالىعى − بۇكىل شينجياڭنىڭ اۋرۋدىڭ الدىن الۋ - ەمدەۋ سۇرانىسىنا ساي، كلينيكادا قولدانۋدى باعدار، ەمدەۋ قۇرىلىمىن نەگىزگى تۇلعا، ينتەرنەتپەن سايكەسۋدى تىرەك ەتىپ، كلينيكالىق زەرتتەۋ ورىستەتەتىن، سايكەسىپ جاڭالىق اشاتىن، ءىلىمي اۋىس - كۇيىس جاسايتىن، دارىندىلاردى تاربيەلەيتىن، جەتىستىكتەردى جالپىلاستىرىپ قولداناتىن تەحنيكالىق جاڭالىق اشۋ جانە جەتىستىكتەردى كادەگە جاراتۋ تۇرىندەگى مەملەكەتتىك جانە اۆتونوميالى رايوندىق عىلىم - تەحنيكادا جاڭالىق اشۋ جاڭا بازاسى.
