دۋان - ۋ مەرەكەسى كەزىندە سولتۇستىك شينجياڭدا، شىعىس شينجياڭدا اۋا تەمپەراتۋراسى جوعارى بولادى
سىرتقا شىققاندا قورعانۋدى جاقسى ىستەۋدى ۇسىنىس ەتەمىز
اۆتونوميالى رايوندىق اۋا رايى ستانسياسىنان ۇعىسۋىمىزشا، دۋان - ۋ مەرەكەسى دەمالىسى كەزىندە ( 6 - ايدىڭ 25 - كۇنىنەن 27 - كۇنىنە دەيىن) كورنەكتى سۋىق اۋا اعىسى جوق، سولتۇستىك شينجياڭدا، شىعىس شينجياڭدا اۋا تەمپەراتۋراسى جوعارى بولادى، تەك ىلە قازاق اۆتونوميالى وبلىسىندا جانە تيانشان تاۋلى وڭىرىندە، كۇنلۇن تاۋىنىڭ تەرىستىك بەتكەيىندە ۇزدىك - سوزدىق وتكىنشى جاڭبىر جاۋادى، بۇلاردىڭ مەرەكەدەگى ساپارعا ىقپالى زور بولمايدى ەكەن.
6 - ايدىڭ 26 - كۇنى كۇندىزدە بۇراتالا موڭعۇل اۆتونوميالى وبلىسىنىڭ شىعىس بولىگىندە، تارباعاتاي ايماعىنىڭ وڭتۇستىك بولىگىندە، قارامايلى قالاسى، شىحىزى قالاسى، سانجى حۇيزۋ اۆتونوميالى وبلىسى، تۇرپان قالاسى، قۇمىل قالاسى سياقتى جەرلەردە ℃35تان جوعارى شىلىڭگىر ىستىق بولادى، تۇرپان قالاسىندا ەڭ جوعارى اۋا تەمپەراتۋراسى ℃40تان جوعارى بولادى. 6 - ايدىڭ 27 - كۇنى كۇندىز قارامايلى قالاسى، شىحىزى قالاسى، سانجى وبلىسى، تۇرپان قالاسى، قۇمىل قالاسى سياقتى جەرلەردە اۋا تەمپەراتۋراسى ℃35تان جوعارى بولادى، تۇرپان قالاسىندا ەڭ جوعارى اۋا تەمپەراتۋراسى ℃40تان اسادى؛ ىلە وزەنى اڭعارىنىڭ باسىم بولىكتەرى، بۇراتالا وبلىسىنىڭ تاۋلى وڭىرلەرى، تارباعاتاي ايماعىنىڭ وڭتۇستىك بولىگىندەگى تاۋلى وڭىرلەر سياقتى جەرلەردە سەبەزگى جانە از وتكىنشى جاڭبىر جاۋادى، ءىشىنارا وڭىرلەردە ورتا جانە قالىڭ جاڭبىر جاۋادى. تۇتاس شينجياڭنىڭ باسقا وڭىرلەرىندە كۇن اشىق، كەيدە بۇلتتى بولادى، جەل كۇشى زور بولمايدى.
ءۇرىمجى قالاسىنىڭ قالا رايونىندا مەرەكە دەمالىسى كەزىندە كۇن اشىق تۇرىپ، سوڭىنان بۇلتتايتىن اۋا رايى نەگىز بولادى، كۇندىك ەڭ جوعارى اۋا تەمپەراتۋراسى ℃32 − 29قا دەيىن بولادى، ەڭ تومەن اۋا تەمپەراتۋراسى ℃21 − 19قا دەيىن بولادى، جەل كۇشى زور بولمايدى.
اۆتونوميالى رايوندىق اۋا رايى ستانسياسى مىنانى ەسكەرتەدى: دەمالىس كەزىندە سولتۇستىك شينجياڭنىڭ، شىعىس شينجياڭنىڭ كوپتەگەن جەرلەرىندە كۇندىك ەڭ جوعارى اۋا تەمپەراتۋراسى ℃35تان اسادى، ونىڭ ۇستىنە ۋلترا كۇلگىن ساۋلە ءبىرشاما كۇشتى بولادى، كوپشىلىككە سىرتقا شىققاندا قورعانۋ جۇمىسىن جاقسى ىستەۋدى ۇسىنىس ەتەمىز. مۇنان سىرت، ىلە وبلىسىندا جانە تيانشان تاۋلى وڭىرىندە، كۇنلۇن تاۋىنىڭ تەرىستىك بەتكەيىندە ۇزدىك - سوزدىق وتكىنشى جاڭبىر جاۋادى، ءىشىنارا جەرلەردە قىسقا ۋاقىتتىق قاتتى جاڭبىر، نايزاعاي، بوران سياقتى كۇشتى اۋىسپالى اۋا رايى تۋىلادى، ءىشىنارا ورىنداردا سەل جانە تاۋ كوشكىنى، لاي كوشكىن سياقتى گەولوگيالىق اپات تۋىلۋدان ساقتانۋ كەرەك.
