تاسقىن مەزگىلىندەگى سۋ قويمالارى جۇمىسى جونىندە بەينە ەكراندا ورنالاستىرۋ ءماجىلىسى
تاسقىن مەزگىلىندەگى تاسقىننان ساقتانۋدان، قۋاڭشىلىققا قارسى اتتانۋدان قامال الۋ شايقاسىن كۇش سالا جاقسى جۇرگىزۋدى تالاپ ەتتى
6 - ايدىڭ 19 - كۇنى اۆتونوميالى رايون 2020 - جىلعى تاسقىن مەزگىلىندەگى سۋ قويمالارى جۇمىسى جونىندە بەينە ەكراندا ورنالاستىرۋ ءماجىلىسىن اشتى. ءماجىلىس مىنالاردى تالاپ ەتتى: جەر - جەر، تاراۋلار تومەنگى شەك ويىن مىقتاپ ورناتىپ، تاۋقىمەت تانىمىن كۇشەيتىپ، تاسقىن مەزگىلىندەگى تاسقىننان ساقتانۋدان، قۋاڭشىلىققا قارسى اتتانۋدان قامال الۋ شايقاسىن كۇش سالا جاقسى جۇرگىزىپ، ءار ۇلت بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە كەپىلدىك ەتۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: بيىل ەلنينو قۇبىلىسىنىڭ ۇزدىكسىز اسەرىنە ۇشىراۋدان كليمات قالىپسىز بولىپ، اۋا رايىنىڭ تۇراقسىز فاكتورلارى كورنەكتى ارتتى. جەر - جەر، تاراۋلار تاسقىننان ساقتانۋداعى ءالسىز بۋىنداردى، سونداي - اق ءىرى، ورتا سۋ قويمالارىن ىڭعايلاستىرىپ پايدالانۋدى، شاعىن سۋ قويمالارىنىڭ تاسقىننان حاۋىپسىز ءوتۋىن ءتۇيىن ەتىپ، ينجەنەريالاردى ىڭعايلاستىرىپ پايدالانۋعا دايىندالۋ، تاسقىن مەزگىلىندەگى حاۋىپسىزدىك جاۋاپكەرشىلىك ءتۇزىمىن تياناقتاندىرۋ، ءتۇرلى شۇعىل جاعدايلاردا حاۋىپتەن قۇتقارۋ دايىندىق جوبالارىن وزگەرتىپ كەمەلدەندىرۋ، جاۋىن - شاشىن جاعدايىن باقىلاۋ - ولشەۋ، ساقتاندىرۋ قۇرىلعىلارىنىڭ جۇمىس جۇرگىزۋ جاعدايى سياقتىلارعا جاپپاي تەكسەرۋ جۇرگىزىپ، ءتۇرلى دايىندىق جوبالارىنىڭ اتقارىلۋىن جانە ماشىعىن كۇشەيتۋدى قۋزاۋ كەرەك.
ءماجىلىس مىنالاردى تالاپ ەتتى: سۋ قويمالارىنىڭ الدىن الا ولشەۋ، ساقتاندىرۋ جۇيەسىن ۇزبەي اقاۋسىزداندىرىپ، كەمەلدەندىرىپ، سۋ قويمالارىن باسقارۋ جاۋاپكەرشىلىگىن تياناقتاندىرۋدى شىن مانىندە كۇشەيتۋ كەرەك. ءار دارەجەلى سۋ يگىلىگى تاراۋلارى سۋ قويمالارىن باسقارۋ جۇيەسىن اقاۋسىزداندىرىپ، كۇندەلىكتى شارلاپ تەكسەرۋدى، قورعاۋدى جۇيەلەندىرۋ ءارى كۇشەيتۋ كەرەك.
ءماجىلىس مىنالاردى باسا دارىپتەدى: سۋ قويمالارىن ورنالاستىرۋ جوباسىن عىلمي بەلگىلەپ، ورنالاستىرۋدى دەن قويا ۇيىمداستىرىپ، ورنالاستىرۋ ءتارتىبىن قاتايتۋ كەرەك. قۋاڭشىلىققا قارسى اتتانۋدا سۋمەن قامداۋعا كەپىلدىك ەتۋدى تىڭعىلىقتى ىستەپ، ادامداردىڭ اۋىز سۋ حاۋىپسىزدىگىنە جانە نەگىزگى ىشەر استىق حاۋىپسىزدىگىنە كەپىلدىك ەتۋدى قۋاڭشىلىققا قارسى اتتانۋ قىزمەتىنىڭ ماڭداي الدى ورنىنا قويۋ كەرەك. ءارقايسى مۇشە ورىندار تىعىز سايكەسىپ، قىزمەتتىڭ مىعىم بىرىككەن كۇشىن قالىپتاستىرۋ كەرەك.
ماجىلىستە ۇلىعاتا سۋ تورابى، توۋتۇنحى سۋ قويماسى سياقتى 19 سۋ تورابى ورىندارى حاۋىپسىزدىكتى تەكسەرۋ، سۋ قويمالارىنىڭ حاۋىپسىزدىك جاۋاپكەرشىلىگىن تياناقتاندىرۋ سياقتى جاعدايلاردان مالىمەت بەردى.
