روزىقاري ەگىنشىدەن ونەركاسىپ جۇمىسشىسىنا اينالدى
كونەءشار اۋدانى زەمىن اۋىلىنداعى ءبىر ەگىنشىلەر كاسىپتىك سەلبەستىك كووپەراتيۆىندە روزىقاري تۇرسۇندى كەزدەستىرگەنىمىزدە، ول قولىنداعى شارۋاسىن ەندى عانا اياقتاتىپ، اق تەر - كوك تەر بولىپ وتىر ەكەن. ول قۋانىشپەن تىلشىگە: ”جۇمىستى، ءوندىرىستى قالپىنا كەلتىرگەننەن بەرى، سەلبەستىك كووپەراتيۆتىڭ تاپسىرىسى كوبەيە ءتۇستى، كوپشىلىك توتەنشە تەبىندى ىستەپ جاتىر، ويتكەنى كوپ ىستەگەندەر كوپ اقشا تابادى“، - دەدى.
كونەءشار اۋدانىنداعى كاسىپتىك شەبەرلىككە تاربيەلەۋ - باۋلۋ ورتالىعىنان وقۋ تاۋىسقاننان كەيىن، روزىقاري ەگىنشىدەن ونەركاسىپ جۇمىسشىسىنا اينالدى، كاسىپتىك شەبەرلىككە يە بولدى، ءتىپتى ورنىقتى كىرىسى بار بولدى.
وتباسىنداعى ءاربىر ادامنىڭ ءبارىنىڭ ىستەيتىن جۇمىسى، تاباتىن اقشاسى بار بولدى
بىلتىر 11 - ايدا روزىقاري سەلبەستىك كووپەراتيۆىنە كەلىپ جۇمىسقا شىقتى، ول تىگىن ماشيناسىن ىستەتە الاتىندىقتان، كەلە سالا جۇمىسقا ارالاسىپ، قىزمەت ونىمدىلىگى ءبىرشاما جوعارى بولىپ، ايىنا ءبىرتالاي اقشا تاپتى. ”ول قىزمەتكە وتە بەلسەندى، كوللەكتيۆ قيمىلدارعا قاتىناسۋدى جاقسى كورەدى، قىزمەتتەستەرىمەن توتەنشە شىعىسىمدى“، - دەيدى سەلبەستىك كووپەراتيۆىنىڭ جاۋاپتىسى مامەتتۇرسىن مامۇت.
”تۇراقتى كىرىسىم بولعان سوڭ، كوڭىلىم وتە ورنىقتى. قازىر ۇيدەگى ەكى بالامدى قوسپاعاندا، ءاربىرىمىزدىڭ ىستەيتىن جۇمىسىمىز، كىرىسىمىز بار“. بيىل 29 جاسقا كەلگەن روزىقاري ءوزىنىڭ ايەلى مەن شەشەسىنىڭ سەلبەستىك كووپەراتيۆىندە جۇمىس ىستەيتىندىگىن، اپەكە - جەزدەسى دە جۇمىسقا يە بولعاندىعىن، ءىنىسى اكەسىنە ەرىپ سىلاقشىلىق ىستەپ جۇرگەندىگىن ايتتى.
”اكەم اۋدانىمىزدىڭ سىلاقشىسى“، - دەدى روزىقاري توتەنشە ماقتانىشپەن. ”سىلاقشىلىق وڭىرگە بولىنە مە؟“، - دەپ سۇرادى ءتىلشى قايران قالىپ. مامەتتۇرسىن كومەكتەسىپ تۇسىندىرە جونەلدى: روزىقاريدىڭ ايتپاقشىسى، ونىڭ اكەسىنىڭ قولونەرى كەرەمەت بولعاندىقتان، اۋىل - قىستاقتاردا عانا قارسى الىنىپ قويماي، اۋدان قالاشىعىنان دا جۇمىس تاۋىپ ىستەي الادى.
بۇرىن وتباسى ەگىنشىلىككە سۇيەنىپ كۇنەلتەتىن، ايەلى وتباسىندا بولىپ، ءبىراز سيىر، قوي باعاتىن، قولدارىندا كوپ اقشا بولمايتىن. ال قازىر ايەلى ەكەۋىنىڭ جىلدىق كىرىسى بۇرىنعىدان ءبىر ەسەلەندى.
بۇل سەلبەستىك كووپەراتيۆى بۇرىن مال شارۋاشىلىعىن نەگىز ەتەتىن، 2016 - جىلى كيىم - كەشەك تىگۋمەن اينالىسىپ، ۇكىمەتتىڭ كومەكتەسىپ - سۇيەمەلدەۋىندە تاپسىرىس مول بولدى، بۇگىنگى كۇندە 240 جۇمىسشى قىزمەت ىستەيدى، 280 تىگىن ماشيناسىنىڭ كوبى توقتاماي جۇمىس ىستەيدى، تىگىلىپ بولعان مەكتەپ كيىمى، سپورت كيىمدەرى قاشقار ايماعىنىڭ اۋدان - قالالارىنا ۇزدىكسىز تاسىلىپ تۇرادى.
مامەتتۇرسىن روزىقاريدىڭ توتەنشە قۇلشىناتىندىعىن، اۋىر جۇمىستاردى تالاسا ىستەيتىندىگىن، بىلعانىشتى، شارشاتاتىن جۇمىستاردى دا ىستەي بەرەتىندىگىن ايتتى. ”قازىرگى قىزمەتىمدى توتەنشە قاستەرلەيمىن، پارتيا مەن ۇكىمەتتىڭ شەبەرلىك ۇيرەنۋىمە جاعداي جاساعاندىعىنا، سونداي - اق بىزگە وسىنداي تاماشا جۇمىستانۋ ورايىن جاراتىپ بەرگەندىگىنە العىس ايتامىن“، - دەيدى روزىقاري.
ۇيرەنگەننەن كەيىن عانا بۇرىنعى ويلارىمنىڭ قانشالىقتى اقىماقتىق بولعاندىعىن ءتۇسىندىم
روزىقاري تىگىنشىلىك شەبەرلىگىن كونەءشار اۋدانىنداعى كاسىپتىك شەبەرلىككە تاربيەلەۋ - باۋلۋ ورتالىعىنان ۇيرەندى. ”سول كەزدەرى اكە - شەشەم ۇيرەنۋگە بار دەپ مازامدى الا بەرگەن سوڭ، سىناپ كورمەيمىن بە دەگەن ويمەن باردىم، ىشتەي ەگەر شارت - جاعدايى جاقسى بولماسا ۇيرەنبەي كەتىپ قالايىن دەگەنمىن“. روزىقاري: باۋلۋ ورتالىعىنىڭ ۇيرەنۋ، تۇرمىس ورتاسى جاقسى ەكەن، مۇعالىمداردىڭ ءتالىم بەرۋى مەن كوڭىل ءبولۋى ادامدى ءتىپتى دە اسەرلەندىرەدى ەكەن، - دەدى.
”اكە - شەشەڭىز نەلىكتەن سىزگە، ءسوز جوق، باۋلۋعا قاتىناسۋىڭ كەرەك دەگەن ەدى؟“، - دەپ سۇرادى ءتىلشى. روزىقاري ولار ۇلدارىن بارعان سايىن جات بولىپ، ءتىپتى ”قورقىنىشتى“ بولىپ بارا جاتقانداي سەزىنگەندىگىن ايتتى.
2015 - جىلى روزىقاري ۇشقارى يدەيامەن جۇعىمدالىپ، بىرتە - بىرتە بارلىق نارسەنى ”مۇسىلمانشا، مۇسىلمانشا ەمەس“ دەپ بولۋگە بولادى دەگەنگە سەنەدى. كەيىن كەلە روزىقاري ينتەرنەتتە وسىنداي ۇشقارى سوزدەردى تاراتادى، سونداي - اق ”جاپپاي مۇسىلمانشالاندىرۋداي“ ۇشقارى يدەيانى ءىس جۇزىندىك تۇرمىستا قولدانادى. ءبىر كۇنى ول قىستاق تۇرعىندار كوميتەتىنىڭ قاسىنان ءوتىپ بارا جاتقاندا، قىستاق كادرلارىنىڭ تۇرعىندارعا حيميالىق تىڭايتقىش تاراتىپ جاتقاندىعىن كورىپ، قىستاق تۇرعىندارىنا العىزباي، تاعى قىستاق كادرلارىمەن شارماياقتاسادى.
”حيميالىق تىڭايتقىش پەن’ مۇسىلمانشىلىقتىڭ‘ نە قاتىسى بار دەگەندەر ويىڭىزعا مۇلدە كىرىپ - شىقپايتىن شىعار، ءبىراق سول كەزدەرى مەن وسىنداي ويدا بولدىم“، - دەيدى روزىقاري. باۋلۋ ورتالىعىنا كىرىپ، نەگىزدىك تۇجىرىمداۋ قابىلەتىنە يە بولعان سوڭ، مۇنداي سوراقى تانىم سۋداعى كوبىكتەي جوق بولدى. بۇل ارادا ول مەملەكەتتە ءبىر تۇتاس قولدانىلاتىن ءتىل - جازۋدى جانە زاڭ بىلىمدەرىن ۇيرەنىپ، كوز اياسى كەڭىپ، جۇرەگىنە ساۋلە ءتۇستى. وتكەندەگى وي دۇنيەسىن الجاستىرعان ۇشقارى سوزدەرىن كۇلكىلى، سوراقىلىق سەزىندى.
روزىقاري بىلاي دەدى: دۇرىس پەن بۇرىستى ايىرا الاتىن بولعان ەكەنسىڭ، جالعاستى قاتەلەسۋدىڭ ءجونى جوق قوي، بۇدان كەيىن ويداعىداي ءومىر وتكىزەمىن دەپ ويلاعاندىعىمنان، تىگىنشىلىك شەبەرلىگىن مۇقيات ۇيرەنىپ، قولونەرىمە سۇيەنىپ ءبىر جۇمىس تاۋىپ الايىن دەدىم. ”ءتىپتى جۇمىس ىزدەۋىمنىڭ قاجەتى دە بولعان جوق، وقۋ بىتىرگەننەن كەيىن، ءۇيىمنىڭ ىرگەسىنەن - اق جۇمىس تابىلدى، ۇيرەنگەن شەبەرلىگىم دە ىسكە جارادى“. روزىقاري مۇنى ايتىپ كوزىنە جاس الدى.
جاڭا تەحنيكاعا يە بولۋمەن بىرگە، جاڭا ۇيگە كوشەتىن بولدى
ءسوز اراسىندا، روزىقاريدىڭ ايەلى كۇمىسايىم مامەت تە شارۋاسىن تىندىرىپ، ونى بىرگە ۇيىنە قايتىپ، ءۇيدىڭ اشەكەيلەنۋ جاعدايىن كورىپ كەلۋگە شاقىردى.
كۇمىسايىم جارقىراعان رەڭدى شاش قىسقىش تاعىپ، مەرۋەرت سىرعا سالىپ الىپتى، تىرناقتارىن بالزامگۇلىمەن قىپ - قىزىل عىپ بوياپتى. وتكەندە ول بۇلايشا جاسانۋعا باتىلدىق ەتە المايتىن، سىرتقا شىعىپ جۇمىس ىستەۋى ءتىپتى مۇمكىن ەمەس ەدى، روزىقاريدىڭ يدەياسىندا وزگەرىس بولعاننان كەيىن، ونىڭ ەمىن - ەركىن جۇرۋىنە مۇمكىندىك تۋىلدى. ”باۋلۋ ورتالىعىندا روزىقاري تاعى ءبي كلاسىنا قاتىناسىپتى. بۇرىن ءان ايتىپ، ءبي بيلەۋ، ايەلدەردىڭ سىرتقا شىعىپ جۇمىس ىستەۋى دەگەندەردى ول مۇلدە قابىلداي المايتىن ەدى، قازىر توتەنشە قولدايدى“، - دەيدى كۇمىسايىم.
روزىقاري الدىمەن قازىرگى ءوزى ىستەتىپ وتىرعان ماشينانى تىلشىگە كورسەتۋگە اسىقتى. بۇل ءبىر وتە ۇلكەن سەح بولىپ، دوعاشا لاپاسقا جاباتىن ىلعالدىق ساقتاۋ جارعاعىن وندىرەدى ەكەن. ”مۇنىڭ شيكىزاتى تۇگەلدەي كيىم - كەشەك وندىرۋدەن اسقان جاراقسىز زاتتار، بۇل دەگەنىڭىز اسقان سۇڭعىلالىق قوي!“، - دەيدى ول قۋانا.
بىلتىر جىل اياعىندا لاپاس جارعاعىن ءوندىرۋ جەلىسى ىسكە قوسىلعاننان كەيىن، ول ءبىرىنشى بولىپ جاڭا ماشينانى ىستەتۋدى ۇيرەنۋگە تىزىمدەلىپتى، ىشكى وڭىرلەردە وندىرگەن زاۆودتىڭ تەحنيكتەرى كەلىپ تەحنيكا ۇيرەتكەندە، 5 ادامنىڭ اراسىندا ونىڭ ىلگەرىلەۋى ەڭ تەز بولادى. ”جۇمىس قالپىنا كەلگەننەن كەيىن، مۇعالىم قايتا كەلىپ ءبىزدى بايقاپ كورىپ، مەنىڭ تەز تۇسىنگەندىگىمدى، ىستەتۋ تەحنيكامنىڭ جاقسى بولعاندىعىن ايتتى“، - دەيدى روزىقاري.
روزىقاري تەز ارادا كوشەتىن بولىپ جاتىر. بۇرىن ول اكە - شەشەسىمەن بىرگە تۇرمىس كەشىرەتىن، جۋىقتان بەرى سالىپ قويعان بەيقۇت ءۇيىن اشەكەيلەتىپ، ەندى ءۇي جيھازدارىن تاڭداپ ءجۇر. ول ينتەرنەتتەگى نۇسقالارىن كورىپ، ساتىپ الا السا الىپ، ساتىپ الا الماسا ءوزى جاسايدى ەكەن.
ءتىلشى ولارعا ەرىپ ۇيلەرىنە بارىپ كوردى، ءۇيدىڭ قابىرعالارىنا ادەمى رەڭ بەرىلىپتى، ول ينتەرنەتتەن قىزىل رەڭدى ءۇي جيھازدارىن كورىپ ۇناتىپ قالىپتى. ءتىلشىنىڭ كوزىنە بوياۋلاردىڭ قانىقتىق دارەجەسى نەداۋىر جوعارى سەكىلدەنگەنىمەن، ءبىراق روزىقاريدىڭ باسىنا كەلگەن تاماشا تۇرمىسىنا دەگەن قۋانىشتى كوڭىل كۇيىنە باپ كەلەتىندەي كورىندى.
