نۇرالي وسى زامانعى تۇرمىستىڭ راقاتىن سەزىندى

نۇرالي وسى زامانعى تۇرمىستىڭ راقاتىن سەزىندى

　　اس - سۋ دۇكەندەرىن سىرتتان تاماق جەتكىزۋ تۇعىرىنا قوسىلۋعا، قاريدارلارعا سىرتتان تاماق جەتكىزىپ بەرۋگە، كاسىپورىنداردى بەت - الپەتىن تانىتىپ اقشا تولەۋ تەرمينالىن جالپىلاستىرۋعا ءناسيحاتتادى... العاشىندا تارتىنشاقتاۋدان قازىر نىق سەنىم ورناتتى، ينتەرنەت ءداۋىرىنىڭ شارۋاشىلىق قۇرۋ كەڭىستىگى نۇرالي نۇردى تەز جەتىلدىردى، 23 جاستاعى وسى جاس جىگىت وسى زامانعى تۇرمىستىڭ راقاتىن سەزىندى.

سىرتتان تاماق جەتكىزۋ تۇعىرىنىڭ ساۋداسى كۇسەت بولدى

　　نۇرالي ەكى قۇرداسىمەن بىرگە جاڭاءشار اۋدان قالاشىعىندا سىرتتان تاماق جەتكىزۋ تۇعىرىن اشتى، سەرىكتەستىكتىڭ اۋدان قالاشىعىنىڭ دۋماندى وڭىرىندە كەڭسەسى بار. 4 - ايدىڭ 28 - كۇنى ءتىلشى ۋادە بويىنشا ونىڭ كەڭسەسىنە كەلدى. قاراپايىم دا زاماناۋي اشەكەيلەنىپتى، ۇزىن ۇستەلگە شاقپاقشا ورنەك تۇسىرىلگەن ۇستەل جاپقىش جابىلىپتى، ۇستەلدىڭ ورتاسىنا گۇل، توڭىرەگىنە ارقالى ورىندىق قويىلىپتى. ”سىرتتان تاماق جەتكىزۋشىلەردىڭ بارلىعى قاربالاس ءجۇر، بوس ۋاقىتتا ءبىز وسى ارادا جيىن اشامىز، باۋلۋ جۇرگىزەمىز، سونداي - اق قىزمەتكەرلەردىڭ تۋعان كۇنىن وتكىزىپ، ءان ايتىپ، ءبي بيلەپ، تورت جەپ، ءماز - مايرام بولامىز“، - دەدى نۇرالي.

　　كەڭسەنىڭ قابىرعاسىنا ۋيچاتتىڭ ەكى ولشەمدى كوددى جاپسىرىلىپتى. ”سىرتتان تاماق جەتكىزۋشىلەر تۇعىرىنا كوڭىل بولەتىن الەۋمەتتىك ءنومىردى جايمالاڭىز، بىزدە 90 مىڭنان استام جانكۇيەر بار، اۋدان قالاشىعىنداعى 200دەن استام اس - سۋ دۇكەندەرىنىڭ تەڭ جارىمىنا جۋىعى تۇعىرعا قوسىلدى“، - دەدى نۇرالي ماقتانىشپەن.

　　نۇرالي اقشا تابۋ ”شاراسىن“ ەگجەي - تەگجەيلى تانىستىردى. ينتەرنەت تۇعىرىن قۇرىپ، سەلبەسۋ وبيەكتىلەرىن كەڭ كولەمدە قاراستىرىپ، اسحانانىڭ، تاعامجايدىڭ تاماعىن جەتكىزىپ قالماستان، تانىستىرۋ - ساتۋ قيمىلىن ۇيىمداستىرامىز. ءبىر تاماق ساتقاندا سەرىكتەستىك ％20 پايدا ۇلەسىن الادى. ”سىرتتا تاماق جەتكىزۋ اسحانانىڭ كولەم شەكتەمەسىنە ۇشىرامايدى، اسحانا ازعانتاي پايدا الىپ، كوپ ساتادى، سەرىكتەستىك تە اقشا تابادى، سىرتتان تاماق جەتكىزۋشىلەر ءار ايدا ەڭ كوپ بولعاندا 3500 يۋان تابادى“، - دەدى نۇرالي.

　　سىرتتان تاماق جەتكىزۋ تۇعىرىندا 18 جەتكىزۋشى قىزمەتكەر بار، باسىم كوبى جاقىن ماڭداعى شارۋالار. سەرىكتەستىك ءبىر تۇتاس قىزمەت كيىمىمەن قامدايدى، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى ورىستەتىلگەننەن بەرى ساقتانۋ - تىزگىندەۋ شاراسىن قاتاڭ اتقارىپ، زارارسىزداندىرۋ، قول جۋۋ سياقتى تارتىپتەردىڭ بىرىن دە قالدىرماي ورىندادى.

　　جاڭاءشار شاعىن اۋدان قالاشىعى بولعانىمەن، تۇرمىس ريتىمى دە تەز، قالا رايونىنداعى تۇرعىنداردىڭ سىرتتان جەتكىزىلەتىن تاماققا دەگەن سۇرانىسى ءتىپتى دە كوبەيىپ كەلەدى. نۇرالي: باستابىندا تەك تۇسكى جانە كەشكى ۋاقىتتا قاربالاستىققا تۇسەتىنبىز، قازىر تاڭعى تاماقتىڭ دا ساۋداسى بار، - دەدى.

　　شارۋاشىلىق قۇرعان العاشقى تۇستا سىرتتان تاماق جەتكىزەتىندەر از بولاتىن، نۇراليدىڭ ءوزى دە سىرتتان تاماق جەتكىزەتىن. ”العاش رەت بەيتانىس ادامنىڭ ەسىگىن قاققانىمدا ءبىراز ىڭعايسىزدانىپ، بەتىم قىزارىپ كەتەتىن، ايتسە دە بىرنەشە رەتتەن كەيىن ونشالىقتى تارتىنبايتىن بولدىم“، - دەدى ول.

　　تۇعىر جاڭادان قۇرىلعان كەزدە حاباردار بولۋ سالىستىرماسى تومەن بولاتىن، نۇرالي مەن سەرىكتەرى جارناما شىعارىپ، بىرلەسپە اس - سۋ دۇكەندەرىندە تيىمدىلىك قيمىلىن وتكىزىپ، بىرتە - بىرتە الىس - جاقىنعا تانىلا ءتۇستى. جاڭاءشار اۋدانىندا بىرنەشە كولەمى ءبىرشاما زور سىرتتان تاماق جەتكىزۋ تۇعىرى بار، ولاردىڭ سەرىكتەستىگىنىڭ كاسىپ مولشەرى ءبىرىنشى ورىندا تۇرادى.

ۇلىنىڭ شارۋاشىلىق قۇرۋىن قولداعان اتا - اناسى وعان اماناتقا قويعان اقشاسىن شىعارىپ بەردى

　　”مەن كاسىپتىك شەبەرلىككە تاربيەلەۋ - باۋلۋ ورتالىعىندا ەلەكتروندى ساۋدا بىلىمدەرىن ۇيرەنگەندىگىمنەن عانا،’ينتەرنەتتەن اقشا تابۋدى‘ سىناپ كورۋگە باتىلدىق ەتتىم“. نۇرالي وزىندە ويدا جوق وزگەرىستەر بولعاندىعىن ايتتى. بىلسەڭىز، ول بۇرىن وسى زامانعى وركەنيەتتى تۇرمىسقا توتەنشە قارسى ەدى.

　　”مەن جاڭاءشار اۋدانى بارىن اۋىلىنىڭ ەگىنشىسىمىن، بۇرىن زاڭ تانىمىم تاياز بولعاندىقتان، دۇرىس پەن بۇرىستى پارىقتاۋ قابىلەتىم دە بولمادى، كەيىن كەلە ۇشقارى يدەيامەن جۇعىمدالدىم“. سول كەزدەردە ول ۇشقارى ەلەمەنتتەردىڭ ”ميىن جۋۋىمەن“ ءان ايتىپ، ءبي بيلەسە، تەلەۆيزور كورسە ”توزاققا تۇسەدى“ دەپ قارايدى، كەيىن كەلە ول وتباسىنداعىلاردىڭ تۇرمىسىنا كيلىگىپ، وتباسىنداعىلاردىڭ كوڭىل اشۋ قيمىلدارىنا قاتىناسۋىن شەكتەيدى ءارى كەيبىر ۇشقارى يدەيالاردى قۇلاقتارىنا قۇيادى، ماسەلەن، وتباسىنداعىلارعا ىندەتتەن ساقتانۋ تاراۋلارىنىڭ ۆاكسيناسىن سالدىرمايدى، ويتكەنى ”مۇسىلمانشا ەمەس“ دەپ قاراعان.

　　نۇرالي تاعى ناعاشى اپايىن بالاسىن مەكتەپتەن شىعارىپ الۋعا ماجبۇرلەيدى. ”ءبىر جولى ءىنىمنىڭ مۇعالىمى مەنى ىزدەپ كەلىپ يدەيالىق قىزمەت ىستەدى، مەن اقىلىمنان اداسىپ، مۇعالىمدى ياناتتاپ ۇيدەن قۋىپ شىقتىم“. وتكەندەگى تۇرمىسىنا ايالداعاندا، نۇرالي قاتتى وكىندى.

　　نۇرالي بۇرىن ءوزىنىڭ قانشاما سىڭار ەزۋلىك تانىتسا دا، پارتيا مەن ۇكىمەتتىڭ ءوزىن ءبىر جاققا تاستاپ قويماعاندىعىن، ءوزىن قۇلامانىڭ شەتىنەن قۇتقارىپ العاندىعىن ايتتى. 2018 - جىلى 10 - ايدا ول اكە - شەشەسىنىڭ ءناسيحاتتاۋىمەن جاڭاءشار اۋدانىنداعى كاسىپتىك شەبەرلىككە تاربيەلەۋ - باۋلۋ ورتالىعىنا بارىپ ۇيرەنۋگە قاتىناسادى. مۇعالىمنىڭ شىن پەيىلىمەن ءتالىم بەرۋىنىڭ جانە قامقورلىقپەن كومەكتەسۋىنىڭ ارقاسىندا، نۇرالي بىرتە - بىرتە ماسەلەنىڭ شيەسىن شەشتى. ”ۇيرەنۋ ارقىلى ۇشقارى يدەيانىڭ زالالىن ايقىن تانىدىم، مەنىڭ تار ورىستىلىگىم مەن قينالىسىمنىڭ ءتۇپ توركىنى ۇشقارى يدەيادا جاتىپتى، ەندىگارى قاتەلەسكىم كەلمەيدى“، - دەدى ول.

　　شىت جاڭا ءومىرىن باستاۋ ءۇشىن، نۇرالي مەملەكەتتە ءبىر تۇتاس قولدانىلاتىن ءتىل - جازۋدى جانە زاڭ بىلىمدەرىن قۇلشىنا ۇيرەندى ءارى ”ءوتىمدى“ شەبەرلىك ۇيرەنۋدى ارمانداپ، ەلەكتروندى ساۋدا كاسىبىن تاڭدادى. ول مۇعالىمىنا، ءسوز جوق، ۇيرەنگەن بىلىمدەرى مەن شەبەرلىگىنەن پايدالانىپ ويداعىداي شارۋاشىلىق قۇرىپ، تاماشا تۇرمىس كەشىرەتىندىگىن ايتتى.

　　”ەگەر دەر كەزىندە قۇتقارىلماعان بولسام، ۇشقارى ەلەمەنتتەر مەن لاڭكەس ەلەمەنتتەردىڭ قول شوقپارى بولىپ كەتۋىم مۇمكىن ەدى، ونىڭ زاردابىن مولشەرلەۋ قيىن“، - دەيدى نۇرالي. وسى زامانعى وركەنيەتكە قارسى بولۋدان وسى زامانعى تۇرمىسقا قويان - قولتىق ارالاسۋعا دەيىنگى نۇراليدىڭ ءوسىپ - جەتىلۋ وزگەرىسىنە اتا - اناسىنىڭ كوڭىلى جاي تاۋىپ قالدى، 2019 - جىلى ۇلدارى وقۋ تاۋىسقاننان كەيىن، اتا - اناسى اماناتقا قويعان اقشاسىن الىپ شىعىپ ونىڭ شارۋاشىلىق قۇرۋىن قولدادى.

اۆتوكولىكتى دە، ءۇيدى دە ساتىپ الىپ، بولە ىنىسىنە ۇلگى بولدى

　　”بولە ءىنىڭ قايتتى، سول كەزدە وقۋدان قول ءۇزىپ كەتتى مە؟“، - دەپ سۇرادى ءتىلشى. نۇرالي: باقىتقا جاراي ناعاشى اپايىم مەنىڭ سوزىمە قۇلاق اسپادى، بولە ءىنىم قازىر تولىق ورتانىڭ 3 - جىلدىعىندا وقيدى، وقۋ ناتيجەسى نەداۋىر جاقسى، جوعارى مەكتەپكە ەمتيحان تاپسىرۋعا بارىن سالىپ جاتىر، - دەدى. ولار كىشكەنتايىنان بىرگە ويناپتى، وتە تاتۋ ەكەن. نۇرالي ۇشقارى يدەيامەن جۇعىمدالعاننان كەيىن، ناعاشى اپايى بالاسىن مۇنىمەن بىرگە جۇرۋدەن شەكتەيدى، ال قازىر ول بولە ىنىسىنە ۇلگى بولىپ وتىر.

　　نۇرالي 20 مىڭ يۋاننىڭ ۇستىندە جۇمساپ وتكەرمەلى اۆتوكولىك ساتىپ الدى ءارى اكە - شەشەسىنە اۋدان قالاسىنان كەپىلدى قارىزبەن 90 نەشە شارشى مەترلىك ءۇي ساتىپ الىپ بەردى، قازىر اشەكەيلەتىپ جاتىر ەكەن. ”ءۇيدى اكە - شەشەم تاڭدادى، ولار جاقتىرتقان سوڭ، مەن بارىپ راسمياتتارىن ءبىتىردىم. الدىن الا 20 نەشە مىڭ يۋان تاپسىردىم، 180 مىڭ يۋانىن بانكەدەن قارىزعا الدىم، 5 جىلدا قايتارىپ بولامىن، تۇك تە اۋىرتپالىعى جوق“، - دەيدى نۇرالي قۋانا سويلەپ.

　　قۇلشىنا اقشا تابۋ ءۇشىن، نۇرالي ءتۇرلى ساۋدا ورايىن قاراستىردى. ول بەت - الپەت ارقىلى تولەۋدىڭ ءىرى قالالاردا كەڭىنەن قولدانىسقا تۇسكەنىن ءبىلىپ، تىڭشۇن سەرىكتەستىگىنىڭ قول استىنداعى سەرىكتەستىكپەن بايلانىس ورناتقاننان كەيىن، سىناپ كورۋ بەكىمىنە كەلىپ، 10 تەرمينال ساتىپ اكەلىپ، تاعامجايلارعا، دۇكەندەرگە جالپىلاستىرادى. ”وتە وڭاي، ءبىرىنشى رەت پايدالانعان كەزدە بانكە كارتچكاسىنا، قول تەلەفون نومىرىنە بايلايسىڭ، ەكىنشى رەتتە - اق بەت - الپەت ارقىلى تولەۋگە بولادى“، - دەيدى ول.

　　ءتىلشى كوشە بويلاپ ساۋدا دۇكەندەرىن ارالادى، ولاردىڭ كوبى نۇراليدىڭ سەلبەسكەن سەرىكتەرى ەكەن. ءبىر كاۋاپ - ارالاسپا تاعامدار دۇكەنىندە دۇكەن قوجايىنى لياۋ شياڭپيڭ بىلاي دەدى: سەلبەسۋدەن ەكى الىپ بيگە شىقتىم، سىرتتان تاماق جەتكىزۋ تۇعىرىنا پايدا ۇلەسىن بەرەتىن بولعانىممەن، تاعامجايىمىزدا بىرنەشە ۇستەل عانا بار، قاۋىرت تاماقتاناتىن ۋاقىت شەكتى بولعاندىقتان، تيجارات كولەمىن كەڭەيتۋىمىز قيىن بولدى، سىرتتان تاماق جەتكىزۋ وسى ماسەلەنى شەشتى.

　　ءبىر پالاۋحانادان ءتىلشى بەت - الپەت ارقىلى تولەۋ تەرمينالىن بايقادى. دۇكەن قوجايىنى كەرىم اكرام ءبىرىنشى بولىپ نۇراليدىڭ ايتقانى بويىنشا وسىنى ورناتقان ەكەن. ول: جاستار بەت - الپەت ارقىلى تولەۋدى ۇناتادى، دۇكەنىمىزدىڭ ساۋداسى كۇسەت، ساۋدامىز قىزىپ كەتكەندە جەتىسە الماي قالامىز، اقشا تولەتۋ بۋىنى وڭايلاسقان سايىن جاقسى بولادى ەكەن. ونىمدىلىك جوعارى، وڭاي - وسپاق قاتەلەسپەيسىڭ، - دەدى.

　　نۇرالي ساۋداگەرلەردىڭ تەرمينال ارقىلى اقشا تولەتۋدەن بۇعان پايدا ۇلەسىن بەرەتىندىگىن، قىزمەتتى، ءوندىرىستى قالپىنا كەلتىرگەن ءبىر ايعا جەتپەيتىن ۋاقىتتا 1300 يۋان كىرىس تاپقاندىعىن، بۇدان كەيىن تەرمينالدان پايدالانۋدىڭ قامتۋ اياسىن جالعاستى كەڭەيتەتىندىگىن ايتتى. ”بۇگىنگى كۇندە اقشا تابۋدىڭ ورايى كوپ، تەك جۇرەكتىلىكپەن ىستەسەڭ، باتىلدىقپەن سىناپ كورسەڭ بولعانى، تۇرمىسىڭ بارعان سايىن جاقسارادى ەكەن“، - دەيدى ول.