اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 17 - رەتكى ءماجىلىسى 6 - ايدىڭ 17 - كۇنى شينجياڭ حالىق سارايىندا وتكىزىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى.
تۇراقتى كوميتەت قۇرامىنداعىلاردان 49 ادام ماجىلىسكە قاتىناستى، بۇل زاڭدا بەلگىلەنگەن ادام سانىنا ۇيلەسەدى.
ءماجىلىس اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 17 - رەتكى ءماجىلىسىنىڭ كەڭەستىك تارتىپتەرىن ماقۇلدادى؛ كادرلاردى مىندەتكە تاعايىنداۋ جانە مىندەتتەن قالدىرۋ ىستەرى جونىندەگى تۇسىنىكتى تىڭداپ، وسى ەسىمدىكتى داۋىسقا سالىپ ماقۇلدادى؛ اۆتونوميالى رايوندىق حالىق قۇرىلتايى تۇراقتى كوميتەتىنىڭ داي ۋجۇننىڭ اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ مۇشەسى سياقتى مىندەتتەردەن بوساۋ ءوتىنىشىن قابىلداۋ جونىندەگى قاراردى داۋىسقا سالىپ ماقۇلدادى.
ماجىلىستە اۆتونوميالى رايوننىڭ جاڭادان تاعايىندالعان مەملەكەت قىزمەتكەرلەرىنە مىندەتكە تاعايىنداۋ كۋالىگى تاراتىلدى ءارى نەگىزگى زاڭ الدىندا سەرت بەرۋ سالتى وتكىزىلدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى جۋ حايلۇن، لي شۋەجۇن، ۋاڭ يۇڭميڭ، دۇڭ شينگۋاڭ، باداي، گۇلشات ابدىقادىر، سو يۋە ماجىلىسكە قاتىناستى.
اۆتونوميالى رايوننىڭ ورىنباسار ءتوراعاسى جاروللا يسامدين، اۆتونوميالى رايوندىق باقىلاۋ - تەكسەرۋ كوميتەتىنىڭ قاتىستى جاۋاپتىلارى، اۆتونوميالى رايوندىق جوعارى حالىق سوتى مەكەمەسىنىڭ باستىعى باھارگۇل سامەت، اۆتونوميالى رايوندىق حالىق پروكۋراتۋراسىنىڭ باس پروكۋرورى لي يۇڭجۇن جيىنعا سىرتتاي قاتىناستى.
سول كۇنى تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ 91 - رەتكى مەڭگەرۋشىلەر ءماجىلىسى تۇراقتى كوميتەت ءماجىلىسىنىڭ ءتۇرلى كەڭەستىك تاقىرىپتاردى قاراۋ احۋالى جونىندەگى مالىمەتىن تىڭدادى، تۇراقتى كوميتەت جالپى ءماجىلىسىنىڭ داۋىسقا سالۋىنا تاپسىراتىن كەڭەستىك جوبانى ۇيعاردى.
