اۆتونوميالى رايوندىق استىق جانە زاتتىق ماتەريالداردى زاپاس ساقتاۋ مەكەمەسىنەن ۇعىسۋعا قاراعاندا، 6 - ايدىڭ 16 - كۇنى قاعىلىق اۋدانى جەتىلىقۇم اۋىلى ورتالىق استىق قامباسى جەرگىلىكتى ورىنداعى استىق ەگەتىن ديقاندار ساتۋعا اكەلگەن دۇمبە ءبيدايدى ساتىپ الا باستاعان. بۇل رايونىمىزدىڭ بيىلعى جازعى استىقتى ساتىپ الۋىنىڭ ءبىرىنشى تارازىسى بولىپ، تۇتاس شينجياڭنىڭ جازعى استىق ساتىپ الۋ قىزمەتىنىڭ باستالعاندىعىن كورسەتتى.
قازىر وڭتۇستىك شينجياڭنىڭ جەر - جەرىندەگى ساتىپ الۋ - ساقتاۋ پۋنكتتەرى بەلسەندىلىكپەن قويمالاردى بوساتىپ، قامبالاردى بىرىكتىرىپ، بوس قويمالارعا استىق جينادى، ساتىپ الۋدىڭ جۇمىس باسى ءتارتىپتى، تاماشا بولدى، قامباعا ەنگىزىلگەن استىقتىڭ ساپاسى مەملەكەتتىك 3 - دارەجەلى ولشەمنەن جوعارى بولدى. قاشقار ايماعىنداعى جەرگىلىكتى مەملەكەت يەلىگىندەگى استىق ساتىپ الۋ - ساتىپ بەرۋ كاسىپورىندارى 3 - دارەجەلى دۇمبە ءبيدايدىڭ ءار كيلوگرامىن 2.36 يۋان اينالاسىندا ساتىپ الدى، دارەجە پارقى 2 فىن بولىپ، وتكەن جىلعى تارازى باعاسىمەن سالىستىرعاندا، ءار كيلوگرامى 0.02 يۋان جوعارى بولدى.
اۆتونوميالى رايوندىق استىق جانە زاتتىق ماتەريالداردى زاپاس ساقتاۋ مەكەمەسىنىڭ باس ەكونوميسى ما شۋەيۋاننىڭ تانىستىرۋىنا قاراعاندا، ”التىنى ورنىقتىرۋ“ قىزمەتىن، ”التىنى قامتاماسىز ەتۋ“ مىندەتىن ويداعىداي ىستەپ، استىق ەگەتىن شارۋالاردىڭ مۇددەسىن قورعاۋ ءۇشىن، رايونىمىزداعى مەملەكەت يەلىگىندەگى استىق ساتىپ الۋ - ساتىپ بەرۋ كاسىپورىندارى ساتىپ الۋ ساياساتىن باستاماشىلدىقپەن اتقارىپ، قوردىڭ جاڭالانۋىنا باستاماشى بولۋ رولدارىن تولىق ساۋلەلەندىرىپ، ەڭ الدىمەن بازارعا كىرىپ ساتىپ الىپ، ساتىپ الۋعا جەتەكشىلىك ەتۋ، باعا قالىپتاستىرۋ جانە قامداۋدى قامتاماسىز ەتىپ، باعانى ورنىقتىرۋ رولىن ويداعىداي ساۋلەلەندىردى.
كەلەسى قادامدا تۇتاس رايونىمىزداعى استىق جانە زاتتىق ماتەريالداردى زاپاس ساقتاۋ تاراۋلارى استىق بازارىن ماكرولىق جاقتان رەتتەۋ - مەڭگەرۋدى جانە باقىلاۋدى، ساقتاندىرۋدى كۇشەيتىپ، رايونىمىزدىڭ استىق قورىنىڭ جەتكىلىكتى بولۋىنا، بازار قامداۋىنىڭ تولىق بولۋىنا، باعانىڭ ورنىقتى بولۋىنا قاتىستى ينفورماتسيالاردى دەر كەزىندە جاريالاپ، ءتۇرلى بازار تۇلعالارىن جازعى استىق ساتىپ الۋعا بەلسەنە قاتىناسۋعا باستاپ، رايونىمىز استىق بازارىنىڭ ورنىقتىلىعىن ساقتايدى. سونىمەن بىرگە استىق كاسىپورىندارىن ساتىپ الۋعا قىزمەت وتەۋ قىزمەتىن ويداعىداي ىستەۋگە بەلسەنە جەتەكتەپ جانە قولداپ، باعانىڭ تاقتاعا، ولشەمنىڭ قابىرعاعا، ۇلگىنىڭ تۇعىرعا شىعۋىن، ولشەۋ جابدىقتارىنىڭ ”كۋالىك بويىنشا قىزمەت وتەۋىن“ ورىنداپ، ساتىپ الۋدىڭ ۇيىمدىق فورماسىن اناعۇرلىم جاقسارتىپ، كۇنى بۇرىن كەلىسىپ ساتىپ الۋ ارقىلى ساتىپ الۋ ۋاقىتىن ۇزارتىپ، استىق ساتاتىن شارۋالاردىڭ جولدى از جۇرۋىنە، شىرەتكە از تۇرۋىنا، استىعىن تەز ساتۋىنا مۇمكىندىك جاسايدى.
