باس شۋجي شي جينپيڭنىڭ نيڭشيادا قىزمەت تەكسەرگەندە سويلەگەن ماڭىزدى ءسوزى ادامدى جەلپىندىردى، رايونىمىزداعى ءار ۇلت كادرلارى مەن بۇقاراسىنىڭ سەنىمى تاسقىندادى، كوپشىلىك مىنالاردى ءبىلدىردى −
قۇلشىنا كۇرەس جاساپ، جاپپاي دوڭگەلەك داۋلەتتىلىككە بىرگە قادام تاستايمىز
”سوتسياليزم ەڭبەكتەنۋدەن كەلەدى، باقىت كۇرەسپەن كەلەدى، پارتيا مەن ۇكىمەتتىڭ ۇزدىكسىز قۇلشىنىسى باردا، ءار ۇلت بۇقاراسىنىڭ قاجىماس كۇرەسى باردا بۇدان كەيىنگى تۇرمىسىمىز، ءسوز جوق، اناعۇرلىم جاقسى، اناعۇرلىم باقىتتى بولادى“.
باس شۋجي شي جينپيڭنىڭ نيڭشيادا قىزمەت تەكسەرگەندە سويلەگەن ماڭىزدى ءسوزى ادامدى جەلپىندىردى، تيانشاننىڭ تۇستىگى مەن تەرىستىگىندەگى قالىڭ كادرلار مەن بۇقارانىڭ جىگەرىن تاسقىنداتىپ، سەنىمىن نىعايتتى. كوپشىلىك مىعىم قايراتقا كەلىپ، ايانباي شايقاس جۇرگىزىپ، كەدەيلىكتەن ارىلتۋ نىساناسىن دەر كەزىندە جۇزەگە اسىرۋعا شىنايى كەپىلدىك ەتىپ، جوعارى - تومەن ءبىر نيەتكە كەلىپ، ناقتى يگەرىپ، شىنايى ىستەپ، تاماشا، باقىتتى تۇرمىستى قول ۇستاسا بىرگە جاراتىپ، جاپپاي دوڭگەلەك داۋلەتتىلىككە بىرگە قادام تاستايتىندىقتارىن ءبىلدىردى.
ايانباي شايقاس جۇرگىزىپ، جاپپاي دوڭگەلەك داۋلەتتىلىككە جەتۋدىڭ شەشۋشى جەڭىسىنە قول جەتكىزەمىز
ءدال قازىر”جازعى جيىن - تەرىن، جازعى تۇقىم سەبۋ، جازعى باپتاۋ“ ەگىس جۇمىسىنىڭ قاربالاس كەزى، ءپايزاۋات اۋدانى قىزىلسۋ اۋىلى جانارىق قىستاعىنىڭ ءبيداي اتىزىنان قىستاق تۇرعىندارىنىڭ قاربالاس جۇرگەنىن كورۋگە بولادى. وسى مەزگىلدەگى قاربالاستىق اياقتاعاننان كەيىن، قىستاق تۇرعىندارى ارت - ارتىنان قىستاق قۇرعان رەڭدى كەرپىش زاۆودىنا، كيىم - كەشەك فابريكاسىنا، نان كووپەراتيۆىنە بارىپ كاسىپ جۇمىسكەرى بولادى. بۇگىنگى كۇنى قىستاق تۇرعىندارىنىڭ كىرىسى اناعۇرلىم كوپ نەگىزدى بولا ءتۇسىپ، ءبىر جىلدىڭ 4 ماۋسىمىندا دا ىستەيتىن كاسىبى، كىرگىزەتىن كىرىسى بار بولدى.
”باس شۋجي: كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزىپ، ’ەكىدەن تارىقتىرماۋعا، ءۇشتى قامتاماسىز ەتۋگە‘ تۋرالانىپ، كورنەكتى ماسەلەلەر مەن ءالسىز بۋىنداردى كوزدەپ، مىعىم قايراتقا كەلىپ، ايانباي شايقاس جۇرگىزىپ، كەدەيلىكتەن ارىلتۋ نىساناسىن دەر كەزىندە جۇزەگە اسىرۋعا شىنايى كەپىلدىك ەتۋ كەرەك دەپ باسا دارىپتەدى“، ”ءبىز باس شۋجيدىڭ تالابىنا ساي، قامالدىڭ قامالىن، قيىننىڭ قيىنىن كوزدەپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋدىڭ ءتۇرلى مىندەتتەرىن جوعارى ساپالى ورىنداپ، جاپپاي دوڭگەلەك داۋلەتتىلىككە قادام تاستايمىز“، - دەدى اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا وسى قىستاقتا تۇراتىن قىزمەت اترەتىنىڭ باستىعى وۋياڭ لينجياڭ.
باس شۋجي شي جينپيڭ بىلاي دەپ باسا دارىپتەگەن: كەدەيلىكتەن ارىلتۋ تابىسىن بەكەمدەپ، جوعارىلاتىپ، قازىرگى اتقارىلىپ وتىرعان ساياساتتىڭ جالپى تۇلعالىق ورنىقتىلىعىن ساقتاپ، جاپپاي كەدەيلىكتەن ارىلتۋ مەن اۋىل - قىستاقتى گۇلدەندىرۋ ستراتەگياسىن ءونىمدى ۇشتاستىرۋدى ىلگەرىلەتۋ كەرەك. كەلپىن اۋدانىنىڭ ورىنباسار اكىمى ياڭ تاۋ مىنالاردى ءبىلدىردى: ءبىز قاتاڭ تۇردە ”ءتورتتى توقتاتپاۋ“ تالابى بويىنشا، جەرگىلىكتى ورىننىڭ جاعدايىنا قاراي، قىستاقتىڭ، وتباسىلارىنىڭ، جەكەنىڭ جاعدايىنا قاراي شارا اتقارىپ، كاسىپ سالاسىن گۇلدەندىرۋدى كەدەيلىكتەن ارىلتۋ تابىسىن بەكەمدەۋدىڭ، جوعارىلاتۋدىڭ، اۋىل - قىستاقتى گۇلدەندىرۋدىڭ نەگىزدىك قىزمەتى رەتىندە يگەرۋگە تاباندى بولىپ، شارۋالاردىڭ كىرىسىن ۇزدىكسىز ورنىقتى ارتتىرۋعا كەپىلدىك ەتەتىن باياندى مەحانيزمدى بىرتىندەپ ورناتىپ، كەدەيلىكتەن ارىلتۋدى نەگىز ەتىپ، اۋىل - قىستاقتى گۇلدەندىرۋدىڭ اسەم كارتيناسىن سالامىز.
6 - ايدىڭ 12 - كۇنى قاراقاش اۋدانى سايباق اۋىلى كامپا قىستاعىندا قىستاق تۇرعىنى نۇرمامەت اقاتباقى جىلىجايدا جۇپار ساڭىراۋقۇلاق تەرىپ جاتقان بولاتىن. جىل باسىندا قىستاق ”ەكى كوميتەتى“ كاسىپورىندارمەن بىرلەسىپ، قىستاق تۇرعىندارىن حىنانعا بارىپ جۇپارساڭىراۋقۇلاق ەگۋدى كورۋگە ۇيىمداستىرعان. جۇپار ساڭىراۋقۇلاعىنىڭ وراسان زور پايداسىنا قىزىققان نۇرمامەت ءوزى دە ەگۋ بەكىمىنە كەلەدى. بۇگىنگى كۇنى ول 4500 يۋانعا جۇپار ساڭىراۋقۇلاعىن ساتتى، ءار توقساندا 8000 يۋان بويىنشا ەسەپتەسەك، ءۇش توقساندا 24 مىڭ يۋان كىرىس كىرگىزەدى.
”باس شۋجي شي جينپيڭ باقىت كۇرەستەن كەلەدى دەگەن، بۇل ءسوزدى مەن ەسىمە بەرىك ساقتادىم. مۇنان بىلاي مەن باس شۋجي ءۇمىت ەتكەندەي ۇزدىكسىز قۇلشىنا كۇرەسىپ، قوس قولىممەن ءتىپتى تاماشا تىڭ تۇرمىس جاراتامىن“، - دەدى نۇرمامەت نىق سەنىممەن.
تاپسىرمانى ەستە بەرىك ساقتاپ، حالىقتى بارىنەن جوعارى قويۋعا تاباندى بولامىز
جازعا سالىم بۋىرشىن اۋدانىنىڭ قوستىق قالاشىعىنداعى 100 مۋ جەمىس باعىنىڭ جاۋاپتىسى يىن شيانجۇن باقتىڭ ىشىندەگى ءشوپ - شالاڭدى تازالاۋمەن قاربالاس، دۇڭبەي المۇرتى، الحورى بۇتاقتاردا سامسىپ تۇرعان باقتان بۇگىندە ساياحاتشىلاردىڭ اياعى ۇزىلمەيدى.
”باس شۋجي شي جينپيڭ وسى زامانعى ەرەكشە اۋىل شارۋاشىلىعىن جانە مادەنيەت - ساياحات كاسىبىن دامىتۋدا، ءسوز جوق، حالىقتى وزەك ەتكەن دامۋ يدەياسىن دايەكتىلەندىرىپ، شارۋالاردىڭ نەگىزگى تۇلعالىق ورنىن كورنەكتىلەندىرىپ، شارۋالاردىڭ مۇددەسىن قامتاماسىز ەتۋدى ءبىرىنشى ورىنعا قويۋ كەرەك دەپ باسا دارىپتەدى. مەن مۇنى ەسىمە بەرىك ساقتايمىن“. يىن شيانجۇن بىلاي دەدى: باقتا 7 − 8 قىستاق تۇرعىنى ۇزاق جىل بويى جۇمىس ىستەپ كەلەدى، مۇنان بىلاي عىلىم - تەحنيكالىق دەڭگەيدى جوعارىلاتۋ جاعىنان كوپتەپ كۇش سالىپ، ۇزدىكسىز قىستاق تۇرعىندارىنا ۇلگى كورسەتىپ، قىستاق تۇرعىندارىن باستاپ ىستەپ، ءتىپتى كوپ شارۋانى وسى زامانعى اۋىل شارۋاشىلىعىن دامىتۋدان يگىلىكتەندىرەمىن.
سوڭعى جىلدارى، ءۇرىمجى اۋدانى ”بارلىق قىستاققا جەتكىزۋ“ الەۋمەتتىك قاتىناس جەلىسىن اشىپ، حاۋىپسىز اۋىز سۋ تۇتىنۋ بويىنشا وزگەرتۋ جانە ەلەكتردەن پايدالانۋعا كەپىلدىك ەتۋ بويىنشا جەلىنى جاڭالاۋ ينجەنەرياسىن اتقارىپ، قيىنشىلىعى بار بۇقارانىڭ تۇرمىسىن قامتاماسىز ەتۋدى كۇش سالا جاقسى ىستەپ، نەگىزگى حالىق تۇرمىسىن تومەنگى شەكتەن تۇسىرمەدى.
ءۇرىمجى اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى جين شين مىنالاردى ءبىلدىردى: ءبىز حالىقتى وزەك ەتكەن دامۋ يدەياسىنا تاباندى بولىپ، بۇقارا كوڭىل بولگەن، بۇقارانى مازالاعان، ۋايىمداتقان، الاڭداتقان ىستەردى شىن مانىندە شەشىپ، قىزمەتتى بۇقارانىڭ كوڭىلىنەن ورىن الارلىقتاي ىستەيمىز.
باس شۋجي شي جينپيڭ قوعامدىق جونگە سالۋدى كۇشەيتۋ جانە وندا جاڭالىق اشۋ كەرەك دەپ باسا دارىپتەدى. بۇل مەملەكەتتىك تۇڭعىش توپتاعى ”فىڭچياۋ ۇلگىسىندەگى قوعام حاۋىپسىزدىگى ساقشى بولىمشەسىنىڭ“، ءۇرىمجى قالالىق قوعام حاۋىپسىزدىگى مەكەمەسى سايباق رايوندىق بولىمشە مەكەمەسى حۇڭمياۋزى ساقشى بولىمشەسىنىڭ باستىعى جاڭ پىڭعا جاۋاپكەرشىلىكتىڭ اناعۇرلىم اۋىر ەكەنىن سەزىندىردى. ”ءبىز حالىقتى بارىنەن جوعارى قويۋعا تاباندى بولىپ، ’فىڭچياۋ تاجىريبەسىنە‘ ۇزدىكسىز مۇراگەرلىك ەتىپ جانە دامىتىپ، بۇقارانى ىنتىماقتاستىرۋ، جۇمىلدىرۋ ارناسىن ۇزبەي كەڭەيتىپ، بۇقاراعا قىزمەت وتەۋ ءتاسىلىن مولايتىپ، بۇقارانىڭ مەكەنىن اناعۇرلىم تىنىش، جاراسىمدى ەتەمىز“، - دەدى ول.
سەنىمدى بەكەمدەپ، ۇزدىكسىز ەكپىندەي العا باسامىز
باس شۋجي شي جينپيڭ بىلاي دەپ اتاپ كورسەتتى: بەرىك مۇرات - سەنىم ءبىزدى ماڭگى ەرلىكپەن العا باسۋعا، قيىندىقتى جەڭىپ، جەڭىسكە جەتۋگە ىنتالاندىراتىن سارقىلماس كۇش - قۋات قاينارى. اۆتونوميالى رايوندىق ايەلدەر بىرلەستىگى پارتيا باسشىلىق گرۋپپاسىنىڭ ورىنباسار شۋجيى، ءتوراعاسى اينۇر ماقسات بىلاي دەدى: مۇرات - سەنىم كوممۋنيستەردىڭ رۋحاني ”كالتسيى“، مۇرات - سەنىم بولعاندا عانا، پارتيا ىستەرى، ءسوز جوق، تابىسقا جەتەدى.
”ايەلدەر بىرلەستىگى ۇيىمى باس شۋجي شي جينپيڭنىڭ تاپسىرماسىن ەستە بەرىك ساقتاپ، بۇكىل رايونداعى ءار ۇلت ايەلدەرىن ’جەلەكتىلەردىڭ كەدەيلىكتەن ارىلتۋ ارەكەتىن‘ ىشكەرىلەي اتقارۋعا ىنتىماقتاستىرىپ، باستاپ، ايەلدەردىڭ كەدەيلىكتەن ارىلتۋدان قامال الۋ بارىسىنداعى وزگەشە ارتىقشىلىعىن جانە ماڭىزدى رولىن ونان ارى ساۋلەلەندىرىپ، بىردە - ءبىر كەدەي ايەل زاتىن جاپپاي دوڭگەلەك داۋلەتتىلىككە جەتۋ جولىندا استە قاتاردان قالدىرمايدى“، - دەدى ول.
باس شۋجي شي جينپيڭ بىلاي دەپ باسا دارىپتەدى: قالىڭ پارتيا مۇشەلەرىنىڭ ، كادرلاردىڭ كۇرەس جۇرگىزۋ رۋحىن تاسقىنداتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ءونىمدى اتقارىلاتىن شارالار ارقىلى ويداعىداي تياناقتاندىرىپ، رەفورمانىڭ، دامۋدىڭ، ورنىقتىلىقتىڭ ءتۇرلى قىزمەتتەرىن ويداعىداي ىستەۋ كەرەك. شونجى اۋداندىق پارتكومنىڭ شۋجيى ما شۇيدۇڭ بىلاي دەدى: شونجى اۋدانىنداعى قالىڭ كادرلار مەن بۇقارا جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن بۇلجىماي دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىنا تاباندى بولىپ، ءۇش ءىرى قامال الۋ شايقاسىن باتىلدىقپەن ويداعىداي جۇرگىزىپ، ”التىنى ورنىقتىرۋ“ قىزمەتىن تىڭعىلىقتى ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ تامىر تارتۋىنا شىنايى كەپىلدىك ەتەدى.
”’حالىققا باقىت جاراتۋدى ەڭ ماڭىزدى ساياسي ناتيجەگە بالاپ، كادرلاردى جاۋاپكەرشىلىك ارقالاۋعا، ىسكەرلىك كورسەتۋگە شابىتتاندىرۋ مەحانيزمىن ورناتىپ، اقاۋسىزداندىرىپ، فورماشىلدىققا، تورەشىلدىككە باتىل قارسى تۇرۋ كەرەك‘. باس شۋجي وسىلاي دەپ ايقىن تالاپ قويدى، ءبىز، ءسوز جوق، باتىل تياناقتاندىرامىز“. بۋرىلتوعاي اۋداندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى شۇي گۋاڭحۋا بىلاي دەدى: ناقتى ىستەۋدى قاستەرلەيتىن، جاۋاپكەرشىلىك ارقالاۋعا جەتەكتەيتىن، قايراتتانا تالپىندىراتىن وڭ باعىتتاعى شابىتتاندىرۋ جۇيەسىن ورناتامىز، كەمەلدەندىرەمىز، سونىمەن قاتار كادرلاردىڭ ستيل قۇرىلىسىن ۇزدىكسىز كۇشەيتىپ، باس نىسانانى ورىنداۋعا پارمەندى ستيل كەپىلىن ازىرلەيمىز.
