شەكارا اتتاعان ەلەكتروندى ساۋدا TIR حالىقارالىق تاس جول ەكسپورت تاسىمالى ۇرىمجىدە باستالدى
شەكارا اتتاعان ەلەكتروندى ساۋدا TIR حالىقارالىق تاس جول ەكسپورت تاسىمالى 6 - ايدىڭ 13 - كۇنى شينجياڭنىڭ ءۇرىمجى قالاسىندا باستالدى. بۇل ەلىمىزدىڭ TIR حالىقارالىق تاس جول تاسىمالىندا شەكارا اتتاعان ەلەكتروندى ساۋداعا باعىتتالعان اۋە تاسىمالى، تەڭىز تاسىمالى جانە تەمىر جول تاسىمالىنان سىرت ءتورتىنشى ءتۇرلى يكەمدى، تەز تاسىمال تاسىلىمەن تولىقتاعاندىعىن كورسەتەدى.
جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىندا، اۋە تاسىمالى مەن تەمىر جولدىڭ الەمدىك قامداۋ تىزبەگى اۋىر كەدەرگىگە ۇشىرادى. شەكارا اتتاعان ەلەكتروندى ساۋدا تاسىمالىنا تۇسەتىن قىسىمدى جەڭىلدەتۋ، سىرتقى ساۋدانىڭ ارتۋىنا دەم بەرۋ ءۇشىن، شينجياڭ حالىقارالىق قۇرلىقتىق پورت توبى سول كۇنى ”شەكارا اتتاعان ەلەكتروندى ساۋدا TIR حالىقارالىق تاس جول ەكسپورت تاسىمالىنىڭ“ جاڭا ۇلگىسىن باستادى.
شينجياڭ حالىقارالىق قۇرلىقتىق پورت توبىنىڭ ورىنباسار باس ديرەكتورى جوۋ كاي بىلاي دەدى: TIR حالىقارالىق تاس جول ەكسپورت تاسىمال ۇلگىسى ارقىلى جۇك اۆتوموبيلدەرى تاس جولمەن ۇرىمجىدەن جولعا شىعىپ، جۇڭگو - قازاقستان شەكاراسىنداعى الاتاۋ ساعاسى شەكارا وتكەلىنەن ءوتىپ، نيدەرلاندتىڭ امەستردامىنا بارادى، بۇعان تەك 10 كۇن شاماسىندا عانا ۋاقىت كەتەدى.
TIR جۇيەسى − بىردەن - ءبىر الەمدىك شەكارا اتتاعان زات تاسىمالى كەدەننەن وتكىزۋ جۇيەسى، ول بىرلەسكەن مەملەكەتتەر ۇيىمىنىڭ «TIR شارتى» نەگىزىندە، كەدەننەن وتكىزۋ ءتارتىبىن ىقشامداپ، كەدەننەن وتكىزۋ ونىمدىلىگىن جوعارىلاتۋ ارقىلى كوپ جاقتى ساۋدا مەن حالىقارالىق تاسىمالدىڭ قولايلىلاسۋى مەن حاۋىپسىزدىگىن ىلگەرىلەتەدى. ەلىمىز 2016 - جىلى «TIR شارتىنا» رەسمي كىردى. بىرلەسكەن مەملەكەتتەر ۇيىمى حالىقارالىق جول تاسىمال وداعى (IRU) الەمدە TIR جۇيەسىن باسقارۋ ۇقىعىن بەرگەن، TIR كۋالىگى بار، بەكىتۋدەن وتكەن اۆتوموبيلدەر TIRدى اتقارعان مەملەكەتتەر اراسىندا قولايلى تۇردە كەدەننەن وتە الادى.
