6 - ايدىڭ 11 - كۇنى مەملەكەتتىك كەڭەس ءوندىرىس حاۋىپسىزدىگى كوميتەتىنىڭ 12 - باعالاۋ، شارلاپ تەكسەرۋ گرۋپپاسى شينجياڭعا كەلىپ، ءوندىرىس حاۋىپسىزدىگى مەن ءورت ءوشىرۋ - ورتتەن ساقتانۋ قىزمەتتەرىنە باعالاۋ، شارلاپ تەكسەرۋ ورىستەتتى ءارى وسى كۇنى ارناۋلى تاقىرىپتا مالىمەت بەرۋ جيىنىن اشتى. اۆتونوميالى رايوننىڭ ءتوراعاسى، اۆتونوميالى رايوندىق ءوندىرىس حاۋىپسىزدىگى كوميتەتىنىڭ مەڭگەرۋشىسى شوكىرات زاكىر اۆتونوميالى رايوننىڭ ءوندىرىس حاۋىپسىزدىگى مەن ءورت ءوشىرۋ - ورتتەن ساقتانۋ قىزمەتتەرىنىڭ جاعدايىنان مالىمەت بەردى. مەملەكەتتىك كەڭەس ءوندىرىس حاۋىپسىزدىگى كوميتەتىنىڭ 12 - باعالاۋ، شارلاپ تەكسەرۋ گرۋپپاسىنىڭ باستىعى، مەملەكەتتىك مادەني ەسكەرتكىش مەكەمەسىنىڭ ورىنباسار باستىعى سۇڭ شينچاۋ جيىنعا قاتىناستى ءارى ءسوز سويلەدى.
شوكىرات زاكىر بىلاي دەدى: 2019 - جىلدان بەرى، اۆتونوميالى رايوندىق پارتكوم مەن ۇكىمەت شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ ءوندىرىس حاۋىپسىزدىگى جونىندەگى شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، حاۋىپسىز دامۋ ۇستانىمىنا تاباندى بولىپ، ءوندىرىس حاۋىپسىزدىگى قىزىل سىزىعىنان جازباي، جاۋاپكەرشىلىك ءتۇزىمىن قاتايتىپ، ناقتىلاندىرىپ، ارناۋلى جونگە سالۋدى تىڭعىلىقتى ىلگەرىلەتىپ، زاڭنىڭ اتقارىلۋىن تەكسەرۋدى ۇدايىلاندىرىپ ورىستەتىپ، ماڭىزدى فاكتورلاردى قامتاماسىزداندىرۋدى جانە ىسكە قوسۋدى كۇشەيتتى، بۇكىل رايونىمىزدىڭ ءوندىرىس حاۋىپسىزدىگى جاعدايى ۇزدىكسىز جاقسارىپ، شينجياڭنىڭ ورنىقتىلىق، دامۋ قىزمەتتەرىنە تاماشا حاۋىپسىز ورتا ازىرلەدى. شينجياڭ وسى رەتكى باعالاۋدى، شارلاپ تەكسەرۋدى وراي، قوزعاۋشى كۇش ەتىپ، جاۋاپكەرشىلىكتى تياناقتاندىرۋدى اناعۇرلىم كۇشەيتەدى، اسىرەسە، ەڭ باتىل پوزيتسيامەن، ەڭ قاتاڭ تالاپپەن، ەڭ پارمەندى شارامەن اڭىس ەتىلگەن ماسەلەلەردى رەتتەۋ - تۇزەتۋدى ويداعىداي يگەرىپ، رايونىمىزدىڭ ءوندىرىس حاۋىپسىزدىگى مەن ءورت ءوشىرۋ - ورتتەن ساقتانۋ قىزمەتتەرىندەگى ولقىلىقتاردى تولىقتاپ، شۇعىل جاعدايعا توتەپ بەرۋ دايىندىعىن جانە ناقتى شايقاس جاتتىعۋىن كۇشەيتىپ، ”التىنى ورنىقتىرۋ“ قىزمەتىن ويداعىداي ىستەۋ، ”التىنى قامتاماسىز ەتۋ“ مىندەتىن تياناقتاندىرۋ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ ءۇشىن بەرىك حاۋىپسىزدىك كەپىلدىگىن ازىرلەيدى.
سۇڭ شينچاۋ بىلاي دەپ اتاپ كورسەتتى: ءوندىرىس حاۋىپسىزدىگى مەن ءورت ءوشىرۋ - ورتتەن ساقتانۋ قىزمەتتەرىن باعالاۋدى، شارلاپ تەكسەرۋدى ويداعىداي ىستەۋ − باس شۋجي شي جينپيڭنىڭ ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرۋدىڭ، تياناقتاندىرۋدىڭ ناقتى ارەكەتى، اۋىر، ەرەكشە ۇلكەن شىرعالاڭداردان ساقتانۋدىڭ، تىزگىندەۋدىڭ ماڭىزدى تۇتقاسى، ءار جاقتىڭ تياناقتاندىرۋدى يگەرۋ جاعىنا ۇزدىكسىز كۇش سالۋىن ىلگەرىلەتۋدىڭ ماڭىزدى شاراسى. وسى رەتكى باعالاۋدا، شارلاپ تەكسەرۋدە، باعالاۋ گرۋپپاسى اۆتونوميالى رايوننىڭ باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى بايىمداۋلارىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرۋ، تياناقتاندىرۋ جاعدايىن باعالاۋدىڭ، شارلاپ تەكسەرۋدىڭ ماڭداي الدى ورنىنا قويىپ، جەر - جەردەگى پارتكومدار مەن ۇكىمەتتەردىڭ ”پارتيا مەن ۇكىمەت تەڭ جاۋاپتى بولۋ، ءبىر قىزمەت ورنىندا ەكى جاۋاپكەرشىلىك ارقالاۋ، تەڭ يگەرىپ، بىرگە باسقارۋ، مىندەتىن اتقارماعانداردىڭ جاۋاپكەرشىلىگىن قۋزاستىرۋ“ جانە ”كاسىپ سالاسىن باسقارعاندا، ءسوز جوق، حاۋىپسىزدىكتى باسقارۋ، جۇمىستى باسقارعاندا، ءسوز جوق، حاۋىپسىزدىكتى باسقارۋ، ءوندىرىستى، تيجاراتتى باسقارعاندا، ءسوز جوق، حاۋىپسىزدىكتى باسقارۋ“ پرينسيبىن تياناقتاندىرعان - تياناقتاندىرماعاندىعى سياقتى جاعدايلاردى ءتۇيىندى تۇردە شارلاپ تەكسەرەدى، ءوندىرىس حاۋىپسىزدىگىن ارناۋلى رەتتەۋدىڭ، جونگە سالۋدىڭ 3 جىلدىق ارەكەت جوسپارىنىڭ ورنالاستىرىلۋ، ورىستەتىلۋ جاعدايىن كورنەكتى تۇردە ءتۇيىندى باعالايدى، شارلاپ تەكسەرەدى. قازىر اپات، شىرعالاڭ كوپ تۋىلاتىن مەزگىل، اۆتونوميالى رايوننىڭ باعالاۋ، شارلاپ تەكسەرۋ قىزمەتىن سايكەسىپ ويداعىداي ىستەۋمەن بىرگە، ءوندىرىس حاۋىپسىزدىگى مەن ءورت ءوشىرۋ - ورتتەن ساقتانۋ قىزمەتتەرىن قاتاڭ، تىڭعىلىقتى، ويداعىداي يگەرىپ، حاۋىپسىزدىكتەن ساقتانۋ شارالارىن قاتايتىپ، كومەسكى كىناراتتاردى تەكسەرۋگە، رەتتەۋ - تۇزەتۋگە قۋزاپ، ءار ءتۇرلى شىرعالاڭداردىڭ تۋىلۋىنان قاتاڭ ساقتانۋىن ءۇمىت ەتەمىن.
