جىجياڭ كاسىپ سالاسى ارقىلى شينجياڭعا كومەكتەستى:
كاسىپ سالاسىنا قارجى قوسۋدى ۇشتاستىرۋ جيىنىندا 15 ميلليارد 100 ميلليون يۋاندىق بۇلتتىق كەلىسىمگە قول قويىلدى
6 - ايدىڭ 11 - كۇنى حاڭجوۋ قالاسى مەن اقسۋ قالاسىنداعى ەكى بۇلتتىق كەلىسىمگە قول قويۋ نەگىزگى جيىن الاڭىندا، سونداي - اق جىجياڭ ولكەسىنىڭ شينجياڭعا كومەكتەسەتىن ءارقايسى ايماق، قالالارىنداعى بۇلتتىق كەلىسىمگە قول قوياتىن بولىمشە جيىن الاڭدارىندا ءبىر ۋاقىتتا شينجياڭ اقسۋ ايماعى. بيڭتۋان 1 - شىسى ارال قالاسى − جىجياڭ كاسىپ سالاسىنا قارجى قوسۋدى ۇشتاستىرۋ جيىنى، ياعني سەلبەستىك نىساندارى جونىنەن بۇلتتىق كەلىسىمگە قول قويۋ سالتى وتكىزىلىپ، جالپى 30 كاسىپ سالاسى نىسانىنا قول قويىلىپ، كەلىسىم قارجى سوماسى 15 ميلليارد 104 ميلليون يۋانعا جەتتى.
وسى رەتكى بۇلتتىق كەلىسىمگە قول قويۋ سالتى، 22 - كەزەكتى جۇڭگو جىجياڭ قارجى قوسۋ، ساۋدا كەڭەسى قيمىلدارىنىڭ ءبىرى سانالادى. كاسىپ سالاسىنا قارجى قوسۋدى ۇشتاستىرۋ جيىنى ۋچان جۇڭدا توبى، گوماۋ توبى، حاڭجوۋ بولات - تەمىر توبى، اۋەجاي توبى سياقتى جىجياڭ ولكەسىنە قاراستى كاسىپورىنداردى، سونداي - اق جەر - جەردەگى 200 نەشە كاسىپورىندى قاتىسۋعا باۋرادى، قول قويىلعان نىساندار ەنەرگيا، حيميا ونەركاسىبى، توقىماشىلىق، كيىم - كەشەك، قۇرىلىس ماتەريالدارى، مەتال قورىتۋ، اۋىل شارۋاشىلىق قوسىمشا ونىمدەرىن مانەرلەۋ، ساۋدا، زات اينالىمى، ەلەكتروندى ساۋدا، مادەنيەت - ساياحات سياقتى سالالارعا سايدى، جەكە تۇردەگى نىسان كەلىسىمىنە قول قويىلۋ سوماسى ەڭ جوعارى بولعاندا 2 ميلليارد 500 ميلليون يۋانعا جەتتى.
جىجياڭ ولكەسىنىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابى پارتكومىنىڭ شۋجيى، قولباسشى جۋ لينسىن تانىستىرىپ بىلاي دەدى: بيىل جىجياڭ ولكەسىنىڭ 10 - توپتا شينجياڭعا كومەكتەسۋ قىزمەتى باستالعان جىل، جىجياڭ ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابى ”نەگىزدى بەكەمدەپ، ءورىس اشۋ جىلى“ نەگىزگى اۋەنىن بەلگىلەپ، كاسىپ سالاسى نىساندارى ارقىلى جەرگىلىكتى ەكونوميكانى جەتەكتەۋدى تۇتقا ەتىپ، ”ساۋداگەر شاقىرىپ قارجى ەنگىزۋدىڭ 100 كۇندىك قامال الۋ شايقاسىن“ باستادى. 5 - ايدىڭ سوڭىنان قازىرگە دەيىن 1 - توپتاعى ساۋداگەر شاقىرۋ بويىنشا حاڭجوۋ، نيڭبو، جينحۋا سياقتى 6 ايماق، قالانى ارالادى. الداعى 2 ايدا جىجياڭ ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابى تاعى شاعىن بولىمشە اترەت بويىنشا ساۋداگەر شاقىرۋ فورماسىمەن، جىجياڭدا اقسۋ ايماعىنىڭ، سونداي - اق بيڭتۋان 1 - شىسى ارال قالاسىنىڭ بايلىق باسىمدىعىن تانىستىرىپ، قوس باعىتتاعى سەلبەستىكتى نىعايتىپ، ورتاق دامۋدى جەبەيدى.
