رايونىمىز ناقتى شارالار قولدانىپ، جۇمىستانۋدى جەبەدى، جۇمىستانۋدى ورنىقتىردى
توردا قىزمەتكەر قابىلدادى، كاسىپورىندارعا كومەكتەسىپ، جۇمىس ورنىن ورنىقتىردى... بيىل جىل باسىنان بەرى، رايونىمىز جۇمىستاندىرۋدى الدىمەن ويلاسۋعا باستان - اياق تاباندى بولىپ، جۇمىستاندىرۋدى ورنىقتىرۋ شاراسىن جاپپاي كۇشەيتىپ، تۇتاس رايونىمىزدىڭ جۇمىستاندىرۋ كەلەلى جاعدايىنىڭ ورنىقتىلىعىنا شىنايى كەپىلدىك ەتتى.
”بۇلتتىق قىزمەت وتەۋ“ جۇمىستانۋدى جەبەدى
”مەن تەز ارادا كاسىپورىنعا بارىپ پراكتيكا جاسايمىن، الايدا جۇمىستانۋ جاعدايىن تۇسىنبەيمىن، بۇل رەتكى مەكتەپ ورىستەتكەن باۋلۋ ساباعى ءبىز جونىنەن وتە تاماشا ۇيرەنۋ ورايى بولدى“، - دەدى 4 - ايدىڭ 29 - كۇنى شينجياڭ قامداۋ - ساتۋ جوعارى دارەجەلى تەحنيك جۇمىسشىلار مەكتەبى وتكىزگەن ”2020 - جىلعى جۇمىستاندىرۋعا جەتەكتەۋ سيپاتتى كۋرستىڭ“ ساباق باستاۋ سالتىندا، 2018 - جىلدىق ەلەكترلى اۆتوماتتاندىرۋ كلاسىنىڭ وقۋشىسى الىم ادالىم.
مەكتەپ تاۋىسقان وقۋشىلاردىڭ جۇمىستانۋىنا اناعۇرلىم ويداعىداي كومەكتەسۋ ءۇشىن، تاياۋدا شينجياڭ قامداۋ - ساتۋ جوعارى دارەجەلى تەحنيك جۇمىسشىلار مەكتەبى ”ينتەرنەت جەلىسىندە + ينتەرنەت جەلىسىنەن تىس“ جۇمىستانۋعا جەتەكتەۋ سيپاتتى كۋرس اشىپ، ديڭديڭ ينتەرنەت جەلىسىندە تىكە تاراتۋ، ناقتى ۋاقىتتا ىقپالداسۋ، ينتەرنەت جەلىسىندە جاۋاپ بەرۋ سياقتى تاسىلدەر ارقىلى ساباق ءوتتى. ”كۋرس مازمۇنى مەكتەپ تاۋىساتىن وقۋشىلاردىڭ جۇمىستانۋ كوزقاراسىنا ءجون سىلتەۋ، جۇمىستانۋ جاعدايى مەن ساياساتقا تالداۋ جاساۋ، قىزمەت تابۋ شەبەرلىگى مەن ءادىسى سياقتىلاردى قامتىدى، وقۋشىلاردىڭ تاعى ينتەرنەت جەلىسى تەكشەسى ارقىلى قالاعان ۋاقىتتا، قالاعان ورىندا قايتالاپ كورۋىنە بولادى“، - دەدى وسى مەكتەپتىڭ ۇنەمىلىك تاربيە، باۋلۋ ءبولىمىنىڭ ورىنباسار مەڭگەرۋشىسى لين ۋىنشيۋ.
ىندەتتەن ساقتانۋ - تىزگىندەۋ كەزىندە جۇمىستاندىرۋ قىزمەتىن اناعۇرلىم ويداعىداي ىستەۋ ءۇشىن، رايونىمىزداعى ءارقايسى مەكتەپتەر، ءارقايسى تاراۋلار جۇمىستاندىرۋ ”بۇلتتىق تۇعىرىن“ بەلسەنە اشۋ، جۇمىستانۋ جونىنەن جەتەكشىلىك ەتۋدى ويداعىداي ىستەۋ، ينتەرنەت جەلىسىندە قىزمەتكەر قابىلداۋ قيمىلىن وتكىزۋ ارقىلى ءتۇرلى قىزمەتكەر قابىلداۋشى ورىندار مەن قىزمەت قاراستىرۋشىلارعا ”بۇلتتىق قىزمەت وتەدى“.
”تاياۋدا ءبىز قوسىننان قايتقان اسكەريلەردى ارناۋلى ينتەرنەتتە قابىلداۋ جينالىسى، ايەل دارىندىلاردى جانە ولاردى جۇمىستانۋ بويىنشا ارناۋلى ينتەرنەتتە قابىلداۋ جينالىسى، ەمدەۋ - دەنساۋلىق ساقتاۋ كاسىپتەرى بويىنشا ارناۋلى ينتەرنەتتە قابىلداۋ جينالىسى سياقتىلاردى ىركەس - تىركەس وتكىزىپ، ءتۇرلى جۇمىستاناتىن شوعىرلار ءۇشىن فورماسى الۋان ءتۇرلى ينتەرنەت جەلىسىندە قىزمەتكەر قابىلداۋ جانە جۇمىستانۋ قىزمەت وتەۋىمەن قامدادىق“. 5 - ايدىڭ 6 - كۇنى اۆتونوميالى رايوندىق ادام كۇشى بايلىعى بازارى بازار ءبولىمىنىڭ باستىعى ما يانليڭ بىلاي دەدى: رايونىمىز 10 ميلليون جۇمىس ورنىنا ينتەرنەتتە قىزمەتكەر قابىلداۋدىڭ 100 كۇندىك ارناۋلى ارەكەتىن وتكىزىپ، تۇتاس شينجياڭنىڭ ءارقايسى ايماق، وبلىس، قالالارىنداعى قىزمەتكەر قابىلداۋشى ورىندارعا جانە ءتۇرلى قىزمەت قاراستىرۋشىلارعا باعىتتاي وتىرىپ، الەۋمەتتىك يگىلىك ينتەرنەتتە قىزمەتكەر قابىلداۋ قىزمەت وتەۋىن ازىرلەدى، نەشە مىڭداعان قىزمەتكەر قابىلداۋشى ورىن بۇعان قاتىناستى.
ءتۇرلى ينتەرنەت جەلىسىندە قىزمەتكەر قابىلداۋ مەن جۇمىستانۋعا قىزمەت وتەۋ جۇمىستانۋدى قامتاماسىز ەتۋ، جۇمىستانۋدى ورنىقتىرۋ، جۇمىستانۋدى جەبەۋ جونىنەن ماڭىزدى رول اتقاردى. 4 - ايدىڭ اياق شەنىنە دەيىن، رايونىمىز ءتۇرلى ينتەرنەت جەلىسىندە قىزمەتكەر قابىلداۋ قيمىلىنان جالپى 2100دەن استام مايدان - رەت وتكىزىپ، 162 مىڭ جۇمىس ورنىمەن قامدادى.
كاسىپورىنداردىڭ اۋىرتپالىعىن جەڭىلدەتىپ، جۇمىستانۋدى ورنىقتىردى
”2 - ايدان باستاپ ءبىز قوعامدىق قامسىزداندىرۋ قاراجاتىن كەزەڭدىك سيپاتتى ازايتۋ، كەشىرىم ەتۋ ساياساتىنان يگىلىكتەندىك، ءار ايدا 100 نەشە مىڭ يۋان از تاپسىرامىز، كاسىپورىننىڭ اۋىرتپالىعى جەڭىلدەدى“، - دەدى 5 - ايدىڭ 5 - كۇنى باي اۋدانى تيانشان تابيعي گاز شەكتى سەرىكتەستىگىنىڭ باس ديرەكتورى ۋاڭ ۋىنحۋ.
جۇمىستانۋدى ورنىقتىرۋدىڭ تەتىگى كاسىپورىنداردى ورنىقتىرۋدا، اسىرەسە، ورتا، شاعىن، ۇساق كاسىپورىنداردى ورنىقتىرۋدا. ىندەت تۋىلعاننان كەيىن، كاسىپورىنداردىڭ تيجارات قيىنشىلىعىن شەشۋ، كاسىپورىنداردىڭ جۇمىس ورنىن ورنىقتىرۋىنا كومەكتەسۋ، كاسىپورىنداردىڭ جۇمىستى، ءوندىرىستى اناعۇرلىم تەز قالپىنا كەلتىرۋىن جەبەۋ ءۇشىن، رايونىمىز كاسىپورىنداردىڭ قوعامدىق قامسىزداندىرۋ قاراجاتىن كەزەڭدىك سيپاتتى ازايتۋ، كەشىرىم ەتۋ ساياساتىن جىلدام شىعارىپ، 2 - ايدان باستاپ كاسىپورىنداردىڭ تاپسىراتىن زەينەتكەرلىك، جۇمىسسىزدىق، جۇمىس ۇستىندە جارالانۋ سىندى 3 ءتۇرلى قوعامدىق قامسىزداندىرۋىندا مەكەمە - ورىنداردىڭ تاپسىراتىن قاراجات بولىگىنە كەشىرىم ەتۋ، ازايتۋ، كەشەۋىلدەتۋ شاراسىن اتقاردى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، 2 - ايدان 4 - ايدىڭ 15 - كۇنىنە دەيىن رايونىمىز قوعامدىق قامسىزداندىرۋ قاراجاتىنان جالپى 3 ميلليارد 416 ميلليون يۋاندى ازايتقان، كەشىرىم ەتكەن، تۇتاس رايونىمىزدا 100 مىڭ 200 ادام ىستەتۋشى ورىن بۇدان يگىلىكتەنگەن.
كاسىپورىنداردىڭ قوعامدىق قامسىزداندىرۋ قاراجاتىن كەزەڭدىك سيپاتتى ازايتۋ، كەشىرىم ەتۋ ساياساتىنىڭ تەز تياناقتانۋى كاسىپورىندارعا ناقتى تيىمدىلىك جەتكىزدى. ”30 مىڭ يۋانعا تاياۋ قوعامدىق قامسىزداندىرۋ قاراجاتىن از تاپسىردىم، بۇل اقشا ءبىز سياقتى شاعىن، ۇساق كاسىپورىندار جونىنەن از سان ەمەس. ءبىز وسى اقشانى جۇمىستى، ءوندىرىستى قالپىنا كەلتىرۋ، قىزمەتكەرلەردىڭ ەڭبەكاقىسىن تاراتۋ سياقتىلارعا جۇمساپ، قىزمەتكەرلەر قوسىنىن ورنىقتىردىق، كاسىپورىننىڭ قالىپتى اينالىمىن قامتاماسىز ەتتىك“، - دەدى شينجياڭ ءالحۇت بيو عىلىم - تەحنيكا شەكتى سەرىكتەستىگىنىڭ باس ديرەكتورى گۇلجاميلام نياز.
ارنانى اشىپ، جۇمىستانۋدى كەڭەيتتى
5 - ايدىڭ 3 - كۇنى سانجى قالاسى وڭتۇستىك باقشاسىنىڭ باتىس جولى ماڭىنداعى ءبىر كاۋاپ، ءلاڭمان اسحاناسىندا تيجاراتشى شى يۇنحاۋ قىزمەتكەرلەرمەن بىرگە سىرتقا ساتۋ تاپسىرىسىن دايىنداۋمەن قاربالاستاندى. 2018 - جىلى شى يۇنحاۋ شينجياڭ قاتىناس كاسىپتىك - تەحنيكالىق شۋەيۋانىنان مەكتەپ تاۋىسقاننان كەيىن، ءوز الدىنا شارۋاشىلىق قۇرىپ، اسحانا اشادى، ساۋداسى كۇسەت بولدى، تۇتقيىل كەلگەن جاڭا تيپتى ايدارشا ۆيرۋس وكپە قابىنۋ ىندەتى سەبەپتى اسحانانىڭ تيجاراتى قيىنشىلىققا جولىقتى.
شى يۇنحاۋ قايتەرىن بىلمەي قامىققان كەزدە، اۆتونوميالى رايون شىعارعان جۇمىستانۋدى، شارۋاشىلىق قۇرۋدى قولداۋ ساياساتى ونى 10 مىڭ يۋاندىق شارۋاشىلىق قۇرۋ قوسىمشا قاراجاتىنان جانە 6000 يۋاندىق ءۇي جالاقىسى قوسىمشا قاراجاتىنان يگىلىكتەندىردى. ”مەنىڭ ەكونوميكالىق اۋىرتپاشىلىعىمدى ازايتۋىما شىنايى كومەك كورسەتتى، قازىر اسحانا تيجاراتى قالپىنا كەلدى، بارعان سايىن جاقسارىپ، اناعۇرلىم كوپ ادامداردى جۇمىستانۋعا جەتەكتەۋدى ءۇمىت ەتەمىن“، - دەدى شى يۇنحاۋ.
بەلسەنە ارنانى اشىپ، جۇمىستانۋدى كەڭەيتۋ ءۇشىن، رايونىمىز شاعىن، ۇساق كاسىپورىنداردىڭ شارۋاشىلىق قۇرۋ كەپىلدەمەلى قارىز اقشاسىنا ءوتىنىش بەرۋ شارتىن تومەندەتۋ، شارۋاشىلىق قۇرۋ كەپىلدەمەلى قارىز اقشا ساياساتىن اتقارۋ تەبىنىن ارتتىرۋ، يكەمدى جۇمىستانعاندارعا قوعامدىق قامسىزداندىرۋ قوسىمشا قاراجاتىن بەرۋ سياقتى كوپ ءتۇرلى شارالار ارقىلى كاسىپورىنداردى جۇمىستانۋعا باۋراۋعا شابىتتاندىردى، شارۋاشىلىق قۇرىپ جۇمىستانۋعا دەم بەرۋدى كۇشەيتتى، ەڭبەكشىلەردىڭ كوپ ارنامەن يكەمدى جۇمىستانۋىن قولدادى.
قاراقاش اۋدانىنداعى اۋىل شارۋاشىلىق ءوندىرىس قۇرال - جابدىقتارىن ساتۋمەن شۇعىلداناتىن ابدۇقابەر وشۇر يكەمدى جۇمىستانعانداردىڭ قوعامدىق قامسىزداندىرۋ قوسىمشا قاراجاتى ساياساتىنان يگىلىكتەندى. ”مەن ءبىر ايدا 1078.4 يۋان قوعامدىق قامسىزداندىرۋ قاراجاتىن تاپسىرامىن، تۇتاس سوماداعى قوسىمشا قاراجات ساياساتى اتقارىلعاننان كەيىن، مەن ءبىر جىلدا 13 مىڭ يۋانعا تاياۋ اقشا ۇنەمدەيتىن بولدىم“، - دەدى ابدۇقابەر.
قاراقاش اۋداندىق قوعامدىق قامسىزداندىرۋدى باسقارۋ مەكەمەسىنىڭ باستىعى ۋاڭ جيانجۇڭ بىلاي دەپ تانىستىردى: اۋدانىمىزدا ابدۇقابەر سياقتى يكەمدى جۇمىستانعانداردان 700 نەشە ادام بار، وسى قوسىمشا قاراجات بەرۋ ساياساتىنان تۇگەلدەي يگىلىكتەنەدى. ۋاڭ جيانجۇڭ بۇدان كەيىن وسى حالىققا تيىمدىلىك جاساۋ ساياساتىنىڭ تياناقتانىپ اتقارىلۋىن كۇش سالا ىلگەرىلەتىپ، اناعۇرلىم كوپ يكەمدى جۇمىستانعانداردى قامسىزداندىرۋعا قاتىناسۋعا شابىتتاندىراتىندىعىن ءبىلدىردى.
