كونە شاعىن اۋماقتاردى جاڭالاپ، يگى ءىستى شىنايى ىستەيىك
5 - ايدىڭ 7 - كۇنگى «شينجياڭ گازەتىندەگى» حابارعا نەگىزدەلگەندە، بيىل رايونىمىزدىڭ كونە شاعىن اۋماقتاردى جاڭالاۋى 1800دەن استام شاعىن اۋماقتى قامتىپ، 310 مىڭعا جۋىق وتباسىنداعى تۇرعىنعا يگىلىك جەتكىزىپ، بۇقارانىڭ ”جانعا جايلى قونىسى بولۋ“ جونىندەگى تاماشا تۇرمىسقا دەگەن تالپىنىسىنا بەيىمدەلىپ قانا قويماي، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ارتتىرۋعا اناعۇرلىم سەپتىگىن تيگىزىپ، شىن مانىندەگى حالىق تۇرمىسى ينجەنەرياسى، حالىق تىلەگى ينجەنەرياسى بولادى ەكەن.
كونە شاعىن اۋماقتاردى جاڭالاۋ − جۇيەلى ينجەنەريا، سان مىڭداعان وتباسى جونىنەن العاندا جۇرتتىڭ ءبارىن رازى ەتۋ قيىن. بۇقارالىق لۋشيانمەن جاقسى ءجۇرىپ، ىجداعاتتىلىقپەن ىستەپ، ءاربىر شاعىن اۋماقتىڭ، ءاربىر تۇرعىننىڭ ءىس جۇزىندىك جاعدايىن نەگىز ەتىپ، تۇرعىنداردىڭ ويلاعانىنا، كوكسەگەنىنە تولىق قۇرمەت ەتكەندە عانا، يگى ءىستى جاقسى ىستەۋگە، ناقتى ءىستى شىنايى ىستەۋگە، بۇقارانىڭ مويىنداۋىنا قول جەتكىزۋگە بولادى.
رايونىمىز كونە شاعىن اۋماقتاردى جاڭالاۋدا تۇرعىندار ەڭ كوڭىل ءبولىپ وتىرعان، ەڭ كوكەي تەستى ءىس جۇزىندىك قاجەتتى قاناعاتتاندىرۋدى نەگىز ەتىپ، ”تاپسىرىس ۇلگىسىندەگى“ جاڭالاۋدى جولعا قويىپ، ”نەنى جاڭالاۋ“، ”قالاي جاڭالاۋ“ جاعىندا تۇرعىنداردىڭ ويىنا تولىق قۇرمەت ەتىپ، تۇرعىنداردىڭ تالابىن بارىنشا قاناعاتتاندىرىپ، كونە شاعىن اۋماقتاردى جاڭالاۋ قىزمەتىنە ”شينجياڭ ۇلگىسىن“ ازىرلەدى.
كونە شاعىن اۋماقتاردى جاڭالاۋدى ىلگەرىلەتۋ تۇرعىنداردىڭ قونىس شارت - جاعدايىن جاقسارتۋدىڭ وبيەكتيۆ قاجەتى بولىپ قانا قويماي، ىشكى سۇرانىستى ارتتىرۋدىڭ ناقتى شاراسى دا سانالادى، ”التىنى ورنىقتىرۋ“ قىزمەتىن جاقسى ىستەۋ، ”التىنى قامتاماسىزداندىرۋ“ مىندەتىن تياناقتاندىرۋ تۇرعىسىندا تۇرىپ، وسى قىزمەتتى دەن قويا، سۇيىسپەنشىلىكپەن، كۇش سالا جاقسى ىستەپ، كونە شاعىن اۋماقتاردان تىڭ ومىرشەڭدىكتى قاۋلاتىپ، ەكونوميكانىڭ دامۋىنا تىڭ قوزعاۋشى كۇش قوسىپ، ءار ۇلت بۇقاراسىن ءتىپتى كوپ قۇت - ىرىستان يگىلىكتەندىرۋ كەرەك.
