ىندەتتەن ساقتانۋ - تىزگىندەۋگە بەلسەندىلىكپەن ات سالىسىپ، وقىتۋشى - وقۋشىلاردىڭ دەنساۋلىق جاعدايىن ءجىتى قاداعالاپ، مەكتەپ اۋلاسىنىڭ ورتاسىن، تازالىعىن رەتتەۋ - جونگە سالۋدى ۇيىمداستىرىپ ورىستەتتى... ىندەت تۋىلعاننان بەرى، مەملەكەتتىك حالىق قۇرىلتايىنىڭ ۋاكىلى، اقسۋ ايماعى ءۇشتۇرپان اۋدانى العا قالاشىعى مەملەكەتتە ءبىر تۇتاس قولدانىلاتىن ءتىل باستاۋىش مەكتەبىنىڭ باستىعى قۇربان نياز قاربالاستىقپەن بولدى.
مەملەكەتتىك حالىق قۇرىلتايى ۋاكىلى بولىپ سايلانعاننان بەرى، قۇربان نياز حالىق بۇقاراسىنىڭ اراسىنا تەرەڭ تامىر تارتىپ، جاۋاپكەرشىلىك ارقالاپ، ىسكەرلىك كورسەتىپ، ۋاكىلدىك رولىن تولىق ساۋلەلەندىردى.
2019 - جىلى 9 - ايدىڭ 27 - كۇنى قۇربان نياز مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسىنا قاتىناستى ءارى باس شۋجي شي جينپيڭنىڭ ماڭىزدى ءسوزىن تىڭدادى، حالىق قاھارماندارىنا گۇل شارباق قويۋ سالتى، مەملەكەت مەرەكەسىن قۇتتىقتاۋ قوناعاسى جانە مەملەكەت مەرەكەسىن قۇتتىقتاۋ اسكەري پاراتىن سالتاناتتاۋ سياقتى ءبىر قىدىرۋ قيمىلدارعا قاتىناستى.
”وتە اسەرلى جانە ەستەن كەتكىسىز بولدى! مەنىڭ بەيجيڭدە سيلىق العاندا ەڭ كوپ ويلاعانىم ومىرىمدە پارتياعا ىلەسۋىم ەڭ دۇرىس ءومىر تالعامىم بولعاندىعى بولدى. پارتيا مەن حالىقتىڭ ماعان وسىنشاما كوپ داڭق بەرگەنىنە العىس ايتامىن، مۇنان كەيىن اناعۇرلىم قۇلشىنا قىزمەت ىستەپ، ماڭگى پارتياعا العىس ايتامىن، پارتيانىڭ سوزىنە قۇلاق اسامىن، پارتياعا ىلەسەمىن“، - دەدى قۇربان نياز.
جايشىلىقتا ساباقحانادا قۇربان نياز وقۋشىلار مەن اتا - انالارعا ۇنەمى ”يۇيگۇڭنىڭ تاۋدى كوشىرۋى“، ”دا يۇيدىڭ سۋدى تىزگىندەۋى“ سياقتى جۇڭحۋا ۇلتىنىڭ ءداستۇرلى ادامعا شابىت بەرەتىن اڭگىمەلەرىن ايتىپ بەرەتىن؛ ءار جولعى كوكتەم مەرەكەسى، دۋان - ۋ مەرەكەسى جانە جۇڭچيۋ مەرەكەسى كەزىندە قۇربان نياز بالالارمەن بىرگە تۇشپارا ءتۇيىپ، قياق كۇرىش وراپ، ايكۇلشە جەپ، جۇڭحۋانىڭ تاڭداۋلى ءداستۇرلى مادەنيەتىنىڭ كوركەمدىگى مەن باۋراۋ كۇشىن سەزىنەدى. قازىر مەكتەپتەگى ءاربىر وقۋشى پۋتۇڭحۋانى جاتىق سويلەيدى، كوپتەگەن وقۋشىلار «اقىليانى»، «سانزىجيڭدى» جاتقا ايتا الادى.
بىلتىر قۇربان نياز اۆتونوميالى رايوندىق حالىق قۇرىلتايى تۇراقتى كوميتەتى وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ قىزمەتى كوميتەتى ورىستەتكەن زاڭ اتقارۋدى تەكسەرۋ جانە تەكسەرۋ - زەرتتەۋىنە قاتىناسقان كەزدە، قۇمىل قالاسى، بۇراتالا قالاسى سياقتى جەرلەردىڭ مادەنيەت تاربيەسىن كۇشەيتۋ جاعىندا وتە جاقسى بۇقارالىق نەگىزگە جانە مول مادەنيەت مايەگىنە يە ەكەنىن بايقادى. سونىمەن ول جەرگىلىكتى ورىنداعى چينچياڭ مۇعالىمدارىن، جيڭجۇي مۇعالىمدارىن العا قالاشىعىنا ۇسىنىس ەتىپ، مۇعالىمدار مەن وقۋشىلارعا دارا ەرەكشەلىككە يە ءداستۇرلى دراما مادەنيەتىن ءتۇسىندىرىپ، تاڭداۋلى جۇڭحۋا مادەنيەتىنىڭ تۇقىمىن بالالاردىڭ جۇرەگىنە تەرەڭ ءسىڭىردى.
وسى 2 جىلدان بەرى، اۆتونوميالى رايوندىق حالىق قۇرىلتايى تۇراقتى كوميتەتىنىڭ ۇيىمداستىرۋىمەن قۇربان نياز ىلگەرىندى - كەيىندى حوتان، قاشقار، بايىنعولين موڭعۇل اۆتونوميالى وبلىسى، بۇراتالا موڭعۇل اۆتونوميالى وبلىسى، تارباعاتاي، التاي، سانجى حۇيزۋ اۆتونوميالى وبلىسى، ءۇرىمجى سياقتى جەرلەرگە بارىپ، وقۋ - اعارتۋ، مادەنيەت، ەمدەۋ - دەنساۋلىق ساقتاۋ، قوعامدىق قامتاماسىزداندىرۋ سياقتى جاقتاردا تەكسەرۋ - زەرتتەۋ جۇرگىزدى جانە كوزدەن كەشىردى.
”قايدا بارسام دا، مەن نەگىزگى ساتىنى ىشكەرىلەي ارالاپ، جەرگىلىكتى بۇقارانىڭ اتىزدارىنا بارىپ، اۋىلداستاردىڭ ۇيلەرىنە كىرىپ سۇپىدا وتىرىپ ولارمەن اڭگىمەلەسىپ، دوستاسىپ، ولاردىڭ ويلاعانىن، ارمان - تىلەگىن ۇعىنىپ، ولاردىڭ كوڭىل سوزدەرىن تىڭداپ، ولاردىڭ ارىز - ارمانى مەن ءۇمىت - تىلەگىن دەر كەزىندە اڭىس ەتىپ، حالىق قۇرىلتايى ۋاكىلىنىڭ مىندەت جاۋاپكەرشىلىگىن ويداعىداي اتقاردىم“. قۇربان نياز بىلاي دەدى: بۇقارا مەن پارتيا، ۇكىمەت اراسىندا ناعىز تىلەكتەستىك كوپىرىن سالۋ ءۇشىن، ءار رەتكى نەگىزگى ساتىعا بارىپ تەكسەرۋ - زەرتتەۋ جۇرگىزۋ ورايىن قاستەرلەپ، كوڭىلدە نەگىزگى ساتىنى ويلاپ، نەگىزگى ساتىعا بارىپ، نەگىزگى ساتىدا ىستەپ، بۇقارانىڭ وي قالاۋىن، قوعامنىڭ قىزۋ ءتۇيىنىن شىنايى اڭىس ەتىپ، حالىق تۇرمىسىنا، حالىق تىلەگىنە ساياتىن جوعارى ساپالى ۇسىنىستاردى العا قويۋ كەرەك، وسىلاي ىستەگەندە عانا حالىق قۇرىلتايى ۋاكىلىنىڭ مىندەت جاۋاپكەرشىلىگىن ادا ەتۋگە، حالىق بۇقاراسىنىڭ ءۇمىتىن اقتاۋعا بولادى.
