ورايدى مىقتى يگەرىپ، ءىرى ينجەنەريا نىساندارى قۇرىلىسىن جەدەل ىلگەرىلەتەيىك

اۆتونوميالى رايون ءىرى ينجەنەريا نىساندارىنىڭ الدىڭعى مەرزىمدىك قىزمەتىن ىلگەرىلەتۋ اڭگىمە ءماجىلىسىن اشتى

ورايدى مىقتى يگەرىپ، ءىرى ينجەنەريا نىساندارى قۇرىلىسىن جەدەل ىلگەرىلەتەيىك

 4 - ايدىڭ 7 - كۇنى تۇستەن بۇرىن اۆتونوميالى رايون ءىرى ينجەنەريا نىساندارىنىڭ الدىڭعى مەرزىمدىك قىزمەتىن ىلگەرىلەتۋ اڭگىمە ءماجىلىسىن اشتى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي پىڭشين ءماجىلىستى باسقاردى ءارى ءسوز سويلەدى.

ءماجىلىس مىنالاردى اتاپ كورسەتتى: قارجى قوسۋ ەكونوميكانىڭ ارتۋىن جەبەۋ، بايلىقتىڭ جايعاستىرىلۋىن ساپالىلاندىرۋ، حالىق تۇرمىسىن جاقسارتۋ، جۇمىستانۋدى كەڭەيتۋ سياقتى جاقتاردا ماڭىزدى رول اتقارۋدا. نىسان جونىندە كۇشتى تانىم ورناتىپ، كوز الداعى داعدارىس پەن قيىنشىلىقتان وراي تابۋعا جانە جاراتۋعا شەبەر بولىپ، مەملەكەتتىڭ قارجى قوسۋدى جەبەۋ، ارتۋدى ورنىقتىرۋ ساياساتىنان ۇتىمدى، ويداعىداي پايدالانىپ، ءىرى، دايىن نىسانداردىڭ تەز ارادا جۇمىس باستاۋ شارت - جاعدايىن قاناعاتتاندىرۋىن بەلسەنە ىلگەرىلەتىپ، ەرتەرەك جۇمىس باستاپ، قۇرىلىس جۇرگىزىپ، تۇتاس جىلداعى ەكونوميكالىق، قوعامدىق دامۋ نىسانالارى مەن مىندەتتەرىنىڭ ورىندالۋىنا شىنايى كەپىلدىك ەتۋگە نەگىز قالاۋ كەرەك.

ءماجىلىس مىنالاردى باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، اۆتونوميالى رايوندىق پارتكومنىڭ قىزمەت تالاپتارىن تياناقتاندىرىپ، قۇرىلىسى جالعاساتىن، تىڭنان سالىناتىن نىساندار قىزمەتىن تىڭعىلىقتى ىلگەرىلەتۋمەن بىرگە، ءىرى ينجەنەريا نىساندارىنىڭ الدىڭعى مەرزىمدىك قىزمەتتەرىن بار كۇشپەن ويداعىداي يگەرۋ كەرەك. نىسانداردى ويداعىداي ءبىر تۇتاس جوسپارلاپ، اۆتونوميالى رايوننىڭ ءىرى ينجەنەريا نىساندارىنىڭ تەكسەرىلىپ بەكتىلۋىنە جاسىل ارنا اشىپ، جوبانى بەكىتتىرۋ، ەنەرگيا جۇمسالۋى، قورشاعان ورتا سيىمدىلىعى، حاۋىپسىزدىكتى باعالاۋ سياقتى راسمياتتاردى تەزدەن ءبىتىرىپ، نىسانداردىڭ تەز ارادا جۇمىس باستاۋىن، تەز ارادا قۇرىلىس جۇرگىزۋىن، تەز ارادا وندىرىسكە قوسىلۋىن ىلگەرىلەتۋ كەرەك. نىسان ەسەپ داپتەرىن جاساپ، ءار دارەجەلى ورىنداردىڭ، كاسىپ سالالارىنىڭ، تاراۋلاردىڭ، ورىنداردىڭ ىرىقتىلىعىن، بەلسەندىلىگىن تولىق جۇمىلدىرىپ، قۇرىلىس باستاۋ شارت - جاعدايىن ازىرلەگەن اناعۇرلىم كوپ نىسانداردى سالالاپ، نىسانداردىڭ الدىڭعى مەرزىمدىك قىزمەت تىزىمدىگىن، ىلگەرىلەتۋ نىساناسىن جاساپ، نىسانداردىڭ اتقارىلۋ جول كارتاسىن بەلگىلەپ، شايقاستى باسى - قاسىندا قاداعالاپ، كەستەگە الىپ ىلگەرىلەتىپ، جاۋاپكەرشىلىكتى ادامعا تياناقتاندىرىپ، جۇمىس ۋاقىتىن قاۋىرت ورنالاستىرىپ، نىساندى ەرتەرەك جوسپارعا ەنگىزىپ، ەرتەرەك جۇمىس باستاۋعا شىنايى كەپىلدىك ەتۋ كەرەك.

كاسىپ سالاسىنىڭ دامۋ زاڭدىلىعىن جانە مەملەكەتتىڭ قارجى قوسۋ جەتەكشى باعدارىن ىرىقتىلىقپەن زەرتتەپ، ءداستۇرلى كاسىپ سالاسىن دامىتۋدى جوسپارلاۋمەن ءبىر ۋاقىتتا، ستراتەگيالىق سيپاتتى جاڭادان گۇلدەنگەن كاسىپتەردى، بولاشاقتىق كاسىپتەردى ورنالاستىرۋدى مىقتى يگەرىپ، جاڭاشا نەگىزدىك قۇرىلعى قۇرىلىسىن تەزدەتىپ، جاڭا ارتۋ ءتۇيىنىن كۇش سالا زورايتىپ، دامۋدىڭ جاڭا قوزعاۋشى قۋاتىن قالىپتاستىرۋ كەرەك. نىسانداردى تانىستىرۋ جىينىن، ساۋداگەر شاقىرىپ، قارجى ەنگىزۋ جيىنىن وتكىزۋ سياقتىلار ارقىلى قارجىنىڭ كەلۋ ارناسىن كەڭەيتىپ، حالىقتىق قارجى قوسۋدىڭ بەلسەندىلىگىن قوزعاۋ كەرەك. اۆتونوميالى رايوندىق دامۋ جانە رەفورما، جاراتىلىستىق بايلىق، قورشاعان ورتا، ورمان، جايلىم سياقتى تاراۋلار ساياساتتىق باۋلۋدى جانە كاسىپتىك جەتەكشىلىكتى مىقتى يگەرىپ، كادرلاردىڭ نىسانداردى جوبالاۋ، نىساندارعا ساۋداگەر شاقىرۋ، نىساندارعا قول جەتكىزۋ، نىسانداردىڭ الدىڭعى مەرزىمدىك قىزمەتىن ىستەۋ جانە نىسانداردى جۇرگىزۋ قابىلەتى مەن ورەسىن جوعارىلاتىپ، ءىرى ينجەنەريا نىساندارىنىڭ تەز ارادا تياناقتانۋىنا، قۇرىلىس جۇرگىزۋىنە جەبەۋشىلىك ىستەۋ كەرەك.

اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى، قاتىناس - تاسىمال مەڭگەرمەسى، سۋ يگىلىگى مەڭگەرمەسى، اۋىل شارۋاشىلىعى، اۋىل - قىستاق مەڭگەرمەسى، مەملەكەت مەنشىگىندەگى مال - مۇلىكتى باقىلاۋ، باسقارۋ كوميتەتى، ورمان جانە جايلىم مەكەمەسى، مال شارۋاشىلىعى، ماڭ شيپاگەرلىگى مەكەمەسى، شينجياڭ اۋەجاي توبى جانە شينجياڭ حابار - بايلانىس باسقارۋ مەكەمەسى، مەملەكەتتىك ەلەكتر تورابى شينجياڭ ەلەكتر قۋاتى سەرىكتەستىگى، جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى قاتارلى تاراۋلاردىڭ جاۋاپتىلارى ءىرى ينجەنەريا نىساندارىنىڭ الدىڭعى مەرزىمدىك قىزمەتىن ىلگەرىلەتۋ جاعدايىنان مالىمەت بەردى. اۆتونوميالى رايوندىق دامۋ جانە رەفورما كوميتەتىنىڭ، قازىنا مەڭگەرمەسىنىڭ، جاراتىلىستىق بايلىق مەڭگەرمەسىنىڭ، ەكولوگيالىق ورتانى قورعاۋ مەڭگەرمەسىنىڭ جاۋاپتى جولداستارى سوزگە شىقتى.

اۆتونوميالى رايون باسشىلارىنان جاڭ چۇنلين، ۋان حايچۋان ماجىلىسكە قاتىناستى.