3 - ايدىڭ 21 - كۇنى ساعات 10نان 30مينۋت وتكەندە، چارقىلىق اۋدانىنا ورنالاسقان گولمۋت - كورلا تەمىر جولى تۇيەبۇلاق 2 - ءنومىرلى ەرەكشە ۇلكەن كوپىرى جۇمىس باسىندا كوپىر ءماتشاسى كوپىر تۇعىرىنا ورنىقتى، ءدال ورناتىلدى، بۇل مەملەكەتتىك ءتۇيىندى تەمىر جول قۇرىلىسى نىسانى گولمۋت - كورلا تەمىر جولى شينجياڭ بولەگىنىڭ جۇمىسى جالپى بەتتىك قالپىنا كەلگەندىگىن كورسەتتى.
”ءبىز بايلانىس جاساپ سايكەستىرۋدى كۇشەيتىپ، جۇمىس ورنىنا ورالاتىن ادامداردى جەتكىزۋ، سول جەردە تۇرىپ ىندەتتەن ساقتانۋ جوباسى جانە جۇمىس ورنىنا ورالاتىن ادامداردىڭ تىزىمدىگى جونىندە الدىن الا جەرگىلىكتى ۇكىمەتپەن بايلانىس جاسادىق ءارى قۇرىلىسقا قاتىناساتىن ءارقايسى ورىنداردى ساقتانۋ - تىزگىندەۋ زاتتىق ماتەريالدارىن بەلسەنە دايىنداۋعا قۋزاپ، ىندەتتەن ساقتانۋ شارالارىنىڭ ناقتى تياناقتانۋىنا، جۇمىستى، ءوندىرىستى حاۋىپسىز، ءتارتىپتى قالپىنا كەلتىرۋگە شىنايى كەپىلدىك ەتتىك“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى كورلا تەمىر جول قۇرىلىسى قولباسشىلىق شتابى پارتكومىنىڭ ورىنباسار شۋجيى يۇڭ شياۋلۇڭ.
گولمۋت - كورلا تەمىر جولى − مەملەكەتتىڭ ءتۇيىندى تەمىر جول قۇرىلىس نىسانى، جالپى ۇزىندىعى 1215 كيلومەتر (مۇنىڭ ىشىندە شينجياڭداعى بولەگى 708 كيلومەتر)، تەمىر جول چيڭحاي ولكەسىنىڭ گولمۋتىنان باستالىپ، باتىسقا قاراي ۇتۇمەيرىن، گانسىن، حۋاتۋگوۋ سياقتى بەكەتتەردى باسىپ ءوتىپ، التىنتاۋدان اسقاننان كەيىن، تاعى دا شينجياڭداعى مىرەن، چارقىلىق، لوپنۇر سياقتى بەكەتتەردەن ءوتىپ كورلاعا جەتەدى، تۇتاس جەلىنى بيىل جىل اياعىندا اشىپ ىسكە قوسۋ جوسپارلانىپ وتىر. كەزەكتە شينجياڭداعى بولىگى رەليس جاتقىزۋ باسقىشىنا ءوتتى.
”ءبىز جىلدام جينالىپ، تەزدەتىپ جۇمىس ورنىنا بارىپ، ءتۇرلى جۇمىستاردى جۇرگىزۋ ءتارتىبىن جىلدام ورىستەتتىك. بيىل ءبىز جۇمىس جۇرگىزۋ جوسپارىن ۇزدىكسىز ساپالىلاندىرىپ، زاتتىق ماتەريالداردى كىرگىزۋدى عىلمي ۇيىمداستىرىپ، سەپتەۋ جۇيەسىنەن تولىق پايدالانىپ، ’ادام توقتاسا دا ماشينا توقتاماۋ‘ سىندى ەكى كەزەك جۇمىس تاسىلىنەن پايدالانىپ، گولمۋت - كورلا تەمىر جولىنىڭ ۋاعىندا اشىلىپ ىسكە قوسىلۋىنا شىنايى كەپىلدىك ەتەمىز“، - دەدى جۇڭگو تەمىر جولى 1 - مەكەمەسى گولمۋت - كورلا تەمىر جولى شينجياڭ بولىگى نىسانىنىڭ جاۋاپتىسى حۋاڭ كىجۇن.
ۇعىسۋعا قاراعاندا، شينجياڭعا كىرىپ - شىعاتىن 3 - تەمىر جول جەلىسى رەتىندە، گولمۋت - كورلا تەمىر جولى سالىنىپ بولعاننان كەيىن، چيڭحاي، شينجياڭ 2 ولكە، رايوننىڭ تەمىر جول تورابى قۇرىلىمىن كەمەلدەندىرۋدە، جەلى بويىنداعى وڭىرلەردىڭ ەكونوميكا - ساۋدا بارىس - كەلىسىن ىلگەرىلەتۋدە جانە بايلىقتاردى اشۋدا كەلەلى ءمان الادى.
