اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن اشتى
ەكونوميكانىڭ، قوعامنىڭ قالىپتى ارنامەن اناعۇرلىم جوعارى دەڭگەيدە اينالىم جاساۋىن بار كۇشپەن ىلگەرىلەتەيىك
3 - ايدىڭ 20 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ ءماجىلىسىن باسقارىپ اشىپ، باس شۋجي شي جينپيڭنىڭ ماڭىزدى ءسوزى مەن ماڭىزدى نۇسقاۋىنىڭ رۋحىن ۇيرەنىپ، دايەكتىلەندىرىپ، ۇكىمەت جۇيەسىنىڭ قاتىستى قىزمەتتەرىنە ورنالاستىرۋ جاسادى.
ءماجىلىس مىنالاردى باسا دارىپتەدى: يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ جانە ماڭىزدى نۇسقاۋىنىڭ رۋحىمەن باتىل بىرلىككە كەلتىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تاباندىلىقپەن دايەكتىلەندىرىپ، اۆتونوميالى رايوندىق پارتكومنىڭ قىزمەت تالاپتارى بويىنشا ۋاقىتتى ۇتىپ، قامال الىپ، قيىنشىلىقتاردى جەڭىپ، قاجىرلىلىقپەن ناقتى ىستەر تىندىرىپ، سىرتتان كىرۋدەن ساقتانۋدى ءتۇيىن ەتە وتىرىپ ساقتانۋ - تىزگىندەۋ شارالارىن تياناقتاندىرۋمەن بىرگە، ەكونوميكانىڭ، قوعامنىڭ قالىپتى ارنامەن اناعۇرلىم جوعارى ورەدە اينالىم جاساۋىن بار كۇشپەن ىلگەرىلەتىپ، تۇتاس جىلدىق ەكونوميكالىق، قوعامدىق دامۋ نىسانالارى مەن مىندەتتەرىن جاپپاي ورىنداۋعا شىنايى كەپىلدىك ەتۋ، كەدەيلىكتەن ارىلتۋدان قامال الۋ مىندەتىن جوعارى ساپادا ورىنداۋعا، جاپپاي دوڭگەلەك داۋلەتتى قوعامدى ۋاعىندا ورناتۋعا شىنايى كەپىلدىك ەتۋ، بۇكىل رايوننىڭ قوعامدىق كەلەلى جاعدايىنىڭ جاراسىمدىلىعىنا، ورنىقتىلىعىنا شىنايى كەپىلدىك ەتۋ كەرەك.
ءماجىلىس مىنالاردى تالاپ ەتتى: ورايدى مىقتاپ يگەرىپ، بار كۇشتى سالىپ، قالىپتى ءوندىرىس، تۇرمىس ءتارتىبىن جوعارى ورەدە قالپىنا كەلتىرىپ، تۇتاس جىلدىق ەكونوميكالىق، قوعامدىق دامۋ نىسانالارى مەن مىندەتتەرىن جاپپاي ورىنداۋعا شىنايى كەپىلدىك ەتۋ كەرەك. تۇتاس كاسىپ تىزبەگىنىڭ ءاربىر بۋىندارىنداعى جۇمىستى، ءوندىرىستى قالپىنا كەلتىرۋدى جەدەل جەبەپ، ”بوگەلىستەردى“ اشىپ، ”ۇزىلىستەردى“ جالعاپ، كاسىپورىنداردىڭ تەزىرەك ءوندىرىس قۋاتىنا جەتۋىن، تولىق وندىرىسكە ءتۇسۋىن ىلگەرىلەتۋ؛ جىبەك جولى ەكونوميكالىق بەلدەۋى وزەكتى رايون قۇرىلىسىن جەدەلدەتىپ، اۋىل - قىستاقتى گۇلدەندىرۋ، شينجياڭدى ساياحات ارقىلى گۇلدەندىرۋ ستراتەگياسىن تىڭعىلىقتى ىلگەرىلەتۋ؛ نىسان قۇرىلىسىن بار كۇشپەن ىلگەرىلەتىپ، ءونىمدى قارجى قوسۋدى كوپ ارنامەن جەبەپ جانە كەڭەيتىپ، دامۋ تەبىنىن كۇشەيتۋ؛ ءونىمدى تۇتىنۋ قاجەتىن كەڭەيتىپ، 3 - كاسىپتىڭ دامۋىن جەدەلدەتۋ؛ مەكتەپتەردىڭ ىندەت جاعدايىن يكەمدى باقىلاۋ - ولشەۋىن كۇشەيتىپ، وقىتۋشى - وقۋشىلاردىڭ باس اماندىعىن باتىل قورعاۋ؛ قاتىناس - تاسىمالدى ۇيىمداستىرۋدى، قامتاماسىز ەتۋدى جاقسى ىستەپ، ادامداردىڭ ءجۇرىس - تۇرىسىن، زات اينالىمىن تارتىپپەن اينالىسقا سالۋ، ىركىلىسسىزدەندىرۋ؛ قوعامنىڭ كەلەلى جاعدايىنىڭ جاراسىمدىلىعىن، ورنىقتىلىعىن ويداعىداي يگەرۋدەن جازباي، ىندەتتەن ساقتانۋ - تىزگىندەۋدى، ەكونوميكالىق، قوعامدىق دامۋدى، كەدەيلىكتەن ارىلتۋدان قامال الۋدى ءبىر تۇتاس جوسپارلاۋعا تاماشا ورتا جاراتۋ كەرەك.
ءماجىلىس مىنالاردى اتاپ كورسەتتى: بيىلعى جىل − جاپپاي دوڭگەلەك داۋلەتتى قوعام ورناتۋدىڭ اياقتالار جىلى، باس شۋجي شي جينپيڭنىڭ كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، نىسانادان كوز جازباي، ولشەمگە تاباندى بولىپ، مىعىم قايراتقا كەلىپ، ۇرىمتال ساتتە قيمىلداپ، كۇشتى شوعىرلاندىرىپ اۋىر كەدەيلىكتى جويۋ شايقاسىن ويداعىداي جۇرگىزۋ كەرەك. شايقاستى اشىق - اشكەرە قاداعالاۋدى كۇشەيتۋگە تاباندى بولىپ، كورنەكتى ماسەلەلەر مەن ءالسىز بۋىنداردى ءدال كوزدەي وتىرىپ ساياساتتاردىڭ تياناقتانۋىن مىقتاپ يگەرىپ، ماسەلەلەردى رەتتەۋ - تۇزەتۋدى جاقسى ۇستاپ، شايقاستى قاداعالاۋ ارقىلى قىزمەتتى پارمەندى ىلگەرىلەتۋگە، مىندەتتەردى تياناقتاندىرۋدى قۋزاۋعا، ماسەلەنى شەشۋگە كومەكتەسۋگە شىنايى كەپىلدىك ەتىپ، ەڭ سوڭعى ماشاقاتتى تۇيىندەردى باتىل شەشۋ كەرەك. نىسانا مەن ولشەمنەن كوز جازباۋعا تاباندى بولىپ، دالمە - ءدال شارالاردى جاپپاي تياناقتاندىرىپ، كاسىپتى دامىتۋ ارقىلى جۇمىستاندىرۋدى جەبەۋدى كورنەكتىلەندىرىپ، ەرەن شەبەرلىكتى تولىق ىسكە قوسىپ، كەدەيلىكتەن ارىلماعان حالىقتىڭ كەدەيلىكتەن ارىلۋىنا شىنايى كەپىلدىك ەتۋ كەرەك. نازاردى ”ەكىدەن تارىقتىرماۋعا، ءۇشتى قامتاماسىز ەتۋگە“ شوعىرلاندىرىپ، شالاعايلىقتاردى جاپپاي تەكسەرىپ، ولقىلىقتاردى تولىقتاپ، ءالسىز تۇستاردى كۇشەيتىپ، ەندى قالعان كەدەي حالىقتىڭ بارلىعىنىڭ اۋىز سۋدى الاڭسىز ءىشۋىن جۇزەگە اسىرىپ، كەدەي وتباسى بالالارىنىڭ وقۋعا تۇسە الماۋىنان، وقۋدان قول ۇزۋىنەن باتىل ساقتانىپ، كەدەيلىك سەبەبىنەن كەدەيلەسۋدەن، قايتا كەدەيلەسۋدەن كوپ ءتۇرلى شارانى تەڭ قولدانا وتىرىپ ساقتانۋ كەرەك. قايتا كەدەيلەسۋدەن ساقتانۋدىڭ باقىلاۋ - ساراپتاۋ، ساقتاندىرۋ جانە يكەمدى كومەكتەسۋ - سۇيەمەلدەۋ مەحانيزمىن اقاۋسىزداندىرىپ، كەمەلدەندىرىپ، كەدەيلىكتەن ارىلتۋدان قامال الۋ ساياساتىنىڭ ورنىقتىلىعىن ساقتاپ، تەكسەرىپ وتكىزىپ الۋدى، جالپى بەتتىك تەكسەرۋدى جاقسى يگەرىپ، جاۋاپكەرشىلىكتى قاتايتىپ، ناقتىلاندىرىپ، كەدەيلىكتەن ارىلتۋدان قامال الۋ مىندەتىن جوعارى ساپادا ورىنداۋعا شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ كەرەك.
