اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنەن ۇعىسۋعا قاراعاندا، 3 - ايدىڭ 18 - كۇنىنە دەيىن جوسپار بويىنشا قاربالاس ۋاقىتتان اۋاشالانىپ ءوندىرىستى توقتاتقان سەمەنت كاسىپورنى، بەتون، جاساۋلى تاقتايشا، بولات قۇرىلىمدار سياقتى قۇرىلىس كاسىپورىندارىن، سونداي - اق ءار جىلى 3 -، 4 - توقساندا عانا جۇمىس باستايتىن قىزاناق قويمالجىڭى، ورىك قويمالجىڭى، قانت قىزىلشاسىنان شەكەر مانەرلەۋ كاسىپورىندارىن قوسپاعاندا، بۇكىل رايونىمىزدا كولەمدەنگەن ونەركاسىپ كاسىپورىندارىنىڭ جۇمىستى قالپىنا كەلتىرۋ مولشەرى ％99.3كە جەتىپ، جۇمىستى قالپىنا كەلتىرگەن قىزمەتكەرلەر قالىپتى وندىرىسكە قاجەتتى ادام سانىنىڭ ％91.2ىن يەلەگەن.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى سىرايىل سىمايىلدىڭ تانىستىرۋىنا قاراعاندا، تاياۋدا اۆتونوميالى رايون ىندەت جانە ەكونوميكالىق، قوعامدىق دامۋ جاعدايىن ءدال يگەرىپ، كاسىپورىنداردىڭ جۇمىستى، ءوندىرىستى قالپىنا كەلتىرۋىن قولدايتىن ءتۇرلى ءتيىمدى ساياساتتاردى بەلگىلەپ، كاسىپورىنداردىڭ ءوندىرىس، تاسىمال بارىسىندا ساقتالعان كورنەكتى ماسەلەلەرىن سايكەستىرىپ شەشىپ، كوپ ءتۇرلى شارانى قاتار قولدانىپ كاسىپورىنداردىڭ جۇمىستى، ءوندىرىستى قالپىنا كەلتىرۋىن ىلگەرىلەتكەن.
سىرايىل سىمايىل بىلاي دەدى: اۆتونوميالى رايونىمىزدا قازىر كولەمدەنگەن 2246 ونەركاسىپ كاسىپورنى بار. جۇمىستى، ءوندىرىستى قالپىنا كەلتىرۋ جانە قاتىناس - تاسىمال گرۋپپاسىنداعى باستاماشى ورىن رەتىندە، ونەركاسىپ جانە ينفورماتسيالاندىرۋ مەڭگەرمەسى ءبىر جاعىنان، ىندەتتەن ساقتانۋ زاتتىق ماتەريالدارىن وندىرەتىن كاسىپورىن، ەنەرگيا جانە استىق، ماي، ازىقتىق مانەرلەۋ سياقتى حالىق تۇرمىسى كاسىپورىندارىن قالىپتى وندىرىسكە دەر كەزىندە ۇيىمداستىرىپ، بار كۇشپەن قامتاماسىز ەتتى؛ ەندى ءبىر جاعىنان، قاتىناس - تاسىمالدى ىركىلىسسىزدەندىرىپ، قىزمەتكەرلەردىڭ شينجياڭعا قايتىپ، جۇمىس ورنىنا ورالۋىن جەدەلدەتىپ، كاسىپورىنداردىڭ جۇمىستى، ءوندىرىستى قالپىنا كەلتىرۋىن ىلگەرىلەتتى. سونىمەن بىرگە، مۇناي، كومىر، ەلەكتر سياقتى ءتۇيىندى سالالارداعى كاسىپورىنداردىڭ جۇمىستى، ءوندىرىستى قالپىنا كەلتىرۋىن كۇش سالا ويداعىداي يگەرىپ، حيميالىق تىڭايتقىش، اۋىل شارۋاشىلىعىنا ىستەتىلەتىن سۋلياۋ جارعاق، تامشىلاتىپ سۋارۋ تاسپاسى سياقتى اۋىل شارۋاشىلىق ماتەريالدارىن وندىرەتىن كاسىپورىنداردىڭ ءوندىرىستى قالپىنا كەلتىرۋىن جەدەلدەتىپ، كوكتەمگى ەگىس دايىندىعىن جەتكىلىكتى زاتتىق ماتەريالمەن قامتاماسىز ەتتى. شينجياڭداعى 6 ۇلكەن مۇناي الابى مەن 4 ۇلكەن قورىتۋ زاۆودى ىندەت كەزىندە ۇزدىكسىز قالىپتى ءوندىرىستى ساقتادى. قازىر حيميالىق تىڭايتقىش وندىرەتىن كاسىپورىنداردىڭ ءبارى جۇمىس باستاپ، وندىرىسكە كىرىستى.
ساندى مالىمەت مىنالاردى ايگىلەدى: بيىل 1 -، 2 - ايدا بۇكىل رايونىمىزداعى سۇرىپتاۋسىز كومىردىڭ ءوندىرىس مولشەرى 37 ميلليون 510 مىڭ توننا بولىپ، سايكەس مەزگىلدەگىدەن ％17.7 ارتقان. بۇكىل رايونىمىزدا ەلەكتر شىعارۋعا، جىلۋ شىعارۋعا ىستەتىلەتىن كومىرمەن قامداۋ ورنىقتى دا ءتارتىپتى بولعان؛ 800±، 1100± كيلوۆولتتىق شينجياڭنىڭ ەلەكترىن سىرتقا جەتكىزۋدە ەلەكتر قالىپتى جەتكىزىلىپ، 1 -، 2 - ايدا سىرتقا جيىنى 12 ميلليارد 363 ميلليون كيلوۆات - ساعات ەلەكتر جەتكىزگەن، بۇل سايكەس مەزگىلدەگىدەن ％31.2 ارتقان. 1 -، 2 - ايدا بۇكىل رايونىمىزدا جيىنى ءبىر ميلليون 49 مىڭ 200 توننا حيميالىق تىڭايتقىش وندىرىلگەن، بۇل سايكەس مەزگىلدەگىدەن ％27 ارتقان. حيميالىق تىڭايتقىش، اۋىل شارۋاشىلىعىنا پايدالانىلاتىن سۋلياۋ جارعاق، تامشىلاتىپ سۋارۋ تاسپاسى سياقتى اۋىل شارۋاشىلىق ماتەريالدارى بۇكىل رايونىمىزدىڭ كوكتەمگى ەگىسىنىڭ قاجەتىن قاناعاتتاندىرا الادى.
تاياۋدا اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى 2020 - جىلعى 108 ءتۇيىندى ونەركاسىپ قۇرىلىسى نىسانىن جانە 11 ءتۇرلى ءتۇيىندى باقشا رايونى نەگىزدىك قۇرىلعىلار قۇرىلىسى نىسانىن سالالادى، بۇل نىساندار مۇناي - حيميا ونەركاسىبى، كومىر - حيميا ونەركاسىبى، جاڭا ماتەريال، وزىق جابدىقتاردى جاساۋ، جەڭىل ونەركاسىپ توقىماشىلىعى، بيولوگيالىق ءدارى - دارمەك سياقتى رايونىمىزداعى باستى ونەركاسىپ سالالارىن قامتيدى، بيىل 135 ميلليارد يۋاننان ارتىق قارجى قوسۋ جوسپارلاندى.
”اۆتونوميالى رايوندىق پارتكومنىڭ باسشىلىعىندا ونەركاسىپ جانە ينفورماتسيالاندىرۋ مەڭگەرمەسى مىندەت - جاۋاپكەرشىلىگىن شىنايى اتقارىپ، ىندەتتەن ساقتانۋ - تىزگىندەۋدىڭ جانە ونەركاسىپتى جوعارى ساپالى دامىتۋدىڭ ءتۇرلى قىزمەتتەرىن ءبىر تۇتاس جوسپارلاپ ىلگەرىلەتۋدى اناعۇرلىم ويداعىداي ىستەپ، كاسىپورىنداردىڭ جۇمىستى، ءوندىرىستى قالپىنا كەلتىرۋىن، ءوندىرۋ مولشەرىنە جەتكىزىپ، ونىمدىلىكتى ارتتىرۋىن تىڭعىلىقتى ىلگەرىلەتەدى“، - دەدى سىرايىل سىمايىل.
