اۆتونوميالى رايوندىق ادام كۇشى بايلىعى بازارىنان ۇعىسۋعا قاراعاندا، جۇمىستاندىرۋدى ورنىقتىرۋ قىزمەتىن ءتىپتى دە ويداعىداي ىستەۋ ءۇشىن، 3 - ايدىڭ 20 - كۇنىنەن 6 - ايدىڭ 30 - كۇنىنە دەيىن، رايونىمىز ”100 كۇندىك قىزمەت وتەۋدەن قامال الىپ، 10 ميلليون جۇمىس ورنىمەن قامداۋ“ كولەمدى الەۋمەتتىك يگىلىك ينتەرنەتتە قىزمەتكەر قابىلداۋ ارناۋلى قيمىلىن ورىستەتىپ (ينتەرنەتتە 10 ميلليون قىزمەتكەر قابىلداۋ 100 كۇندىك ارناۋلى قيمىلى)، ءار الۋان قىزمەتكەر قابىلداۋشى ورىندارعا جانە قىزمەت ىزدەۋشىلەرگە اۋىس - كۇيىس جاسايتىن تۇعىر ورناتىپ، جەلىدە جۇمىستاندىرۋ جونىندە قىزمەت وتەۋمەن قامدايدى ەكەن.
10 ميلليون قىزمەتكەر قابىلداۋ 100 كۇندىك ارناۋلى قيمىلىنىڭ تاقىرىبى ”جۇمىس ءسىزدى كۇتىپ تۇر، جۇمىستانۋدا ساپارلاس بولىڭىز“، قىزمەت وتەۋ وبيەكتىلەرى جوعارى مەكتەپتەردەن وقۋ تاۋىسقان وقۋشىلار، حالىق جۇمىسكەرلەرى، قالا - قالاشىقتارداعى جۇمىسسىزدار، قيىنشىلىعى بار ەڭبەككۇشتەر سياقتى ءار ءتۇرلى ەڭبەككۇشتەر، سونداي - اق قىزمەتكەر قابىلداۋعا قاجەتى تۇسكەن ءار ءتۇرلى ادام ىستەتۋشى ورىندار. ارناۋلى قيمىلدى مەملەكەتتىك ادام كۇشى بايلىعى جانە قوعامدىق قامتاماسىزداندىرۋ مينيسترلىگى العا قويىپ، بۇكىل ەلدىڭ جەر - جەرىندەگى الەۋمەتتىك جۇمىسقا ورنالاستىرۋعا قىزمەت وتەۋ قۇرىلىمدارىمەن بىرلەسىپ، 100 كۇن ۋاقىتتان پايدالانىپ، 10 ميلليون قىزمەت ورىننىڭ ينفورماتسياسىمەن شوعىرلى قامداپ، جۇمىستاندىرۋدى ورنىقتىرۋعا جانە قىزمەتتى، ءوندىرىستى قالپىنا كەلتىرۋدى ىلگەرىلەتۋگە كومەكتەسەدى.
ينتەرنەتتە 10 ميلليون قىزمەتكەر قابىلداۋ 100 كۇندىك ارناۋلى قيمىلى بۇكىل ەلدە ءبىر تۇتاس، كوپ جاق قوسىلا ارەكەتتەنەتىن توراپ جەلىسىندە قىزمەتكەر قابىلداۋ تۇعىرىن ورناتتى ءارى كاسىپتىك، وڭىرلىك، بۇقارالىق سيپاتتى ارناۋلى ورىستە قىزمەتكەر قابىلدايدى. اۆتونوميالى رايوندىق ادام كۇشى بايلىعى بازارىنىڭ قاتىستى جاۋاپتىسى تانىستىرىپ بىلاي دەدى: جۇڭگو شينجياڭ دارىندىلار سايتى (www. xjrc365.com) وسى رەتكى ارناۋلى قيمىلدىڭ شينجياڭ بولىمشە جينالىس ورنى رەتىندە، تۇتاس شينجياڭداعى ءارقايسى ايماق، وبلىس، قالالارداعى قىزمەتكەر قابىلدايتىن ورىندارعا جانە ءار ءتۇرلى قىزمەت ىزدەۋشىلەرگە الەۋمەتتىك يگىلىك ينتەرنەتتە قىزمەتكەر قابىلداۋ قىزمەت وتەۋىن ازىرلەيدى. قىزمەتكەر قابىلدايتىن ءارقايسى مەكەمەلەر مەن قىزمەت ىزدەۋشىلەر جۇڭگو شينجياڭ دارىندىلار سايتىنا كىرىپ نەمەسە اۆتونوميالى رايوندىق ادام كۇشى بايلىعى بازارى ۋيچات الەۋمەتتىك تۇعىرىنا (شينجياڭ 365 دارىندىلار سايتى) تىركەلىپ تىزىمگە الىنىپ، قىزمەتكەر قابىلداۋعا نەمەسە قىزمەت ىزدەۋگە قاتىناسادى.
”ينتەرنەتتە ءبىز 10 ميلليون قىزمەتكەر قابىلداۋ 100 كۇندىك ارناۋلى قيمىلىن ورىستەتۋدى جۇمىستاندىرۋدى ورنىقتىرۋدى كۇشەيتۋ شارالارىنىڭ ماڭىزدىسى رەتىندە مىقتى يگەرىپ، ءتۇرلى ارنالار ارقىلى جۇمىس ورىن ينفورماتسياسىنىڭ كەلۋ قاينارىن كەڭەيتىپ، قىزمەتكەر قابىلداۋشى ورىن ينفورماتسياسىن شوعىرلى جاريالاپ، دەر كەزىندە جاڭالاپ، اناعۇرلىم مول قىزمەت ىزدەۋشىلەردىڭ ينتەرنەتتە قىزمەتكەر قابىلداۋ ارقىلى جۇمىسقا ورنالاستىرۋىن جۇزەگە اسىرامىز“، - دەدى اۆتونوميالى رايوندىق ادام كۇشى بايلىعى بازارىنىڭ قاتىستى جاۋاپتىسى.
