3 - ايدىڭ 17 - كۇنگى «شينجياڭ گازەتىنىڭ» حابارىنا قاراعاندا، جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ ءۇشىن، ءۇرىمجى قالاسىنداعى ءبىر اسحانا مىناداي وزگەرىس جاساعان: ءاربىر اس ۇستەلىنە تۇگەلدەي قىسقىش، ورتاق قاسىق جانە ءبىر جۇپ الەۋمەتتىك ساقپى قويىپ، قاريدارلارعا ورتاق قاسىق - شومىشپەن اس سالۋدى ەسكەرتەدى. اسحانا ورتاق ساقپى - قاسىقتارمەن قامدايدى، قاريدارلار سانالى تۇردە سونى ىستەتەدى، مۇنداي تۇرمىس ءتاسىلى ىندەت كەزىندە بولسىن، الدە ىندەتتەن كەيىن بولسىن، تۇگەلدەي كۇش سالا دارىپتەۋگە تاتيدى.
ورتاق ساقپى - قاسىقتاردى ىستەتۋ - ىستەتپەۋ قاراماققا كىشكەنتاي ىستەي كورىنگەنىمەن، سالاماتتى، وركەنيەتتى تۇرمىس ۇستانىمىن ايگىلەيدى. كوپشىلىككە ايان، جەكە ادامنىڭ ساقپىسىمەن ورتاق ىدىستاعى استى الۋ، تۋىس - تۋعان، دوس - جارانداردىڭ ءبىر - بىرىنە ءوز ساقپىسىمەن اس الىپ بەرۋى تازالىققا جات ءبىر ءتۇرلى ادەت. تەكسەرۋدە بايقالۋىنشا، وسى رەتكى جاڭا تيپتى ايدارشا ۆيرۋس وكپە قابىنۋ ىندەتى كەزىندە، كوپتەگەن جۇعىمدالۋشىلار قوناعاسىنان نەمەسە تىعىز جاناسۋدان جۇعىمدالعان.
ورتاق ساقپى - قاسىق ىستەتۋ ءاربىرىمىزدىڭ دەنساۋلىعىمىزعا سايىپ قالماستان، قوعامدىق وركەنيەتتىڭ دامۋىن، العا باسۋىن دا ايگىلەيدى. قوعامنىڭ، ەكونوميكانىڭ جوعارى جىلدامدىقتا دامۋىنا ىلەسە، ءبىزدىڭ قىزمەتتەستەرمەن، دوستارمەن، قاريدارلارمەن، اۋەلى، تۇڭعىش جۇزدەسكەندەرمەن ءبىر داستارقاندا باس قوسىپ تاماقتانۋ ورايىمىز بارعان سايىن كوبەيۋدە، كوپ جاعدايدا ادامدار ءبىر - ءبىرىنىڭ دەنساۋلىق جاعدايىن بىلە بەرمەيدى، ورتاق ساقپىنى سانالى تۇردە ىستەتۋ ءبىرىن - ءبىرى الاڭسىز ەتۋ، سونداي - اق بىرگە وتىرعان بارلىق ادامعا كورسەتىلگەن قۇرمەت بولماق.
مادەنيەت ساقپىدان، قاسىقتان - اق ايگىلەنەدى. قازىردەن باستاپ، ءاربىرىمىز ءوز ءىس - ارەكەتىمىزبەن ۇلگى كورسەتىپ، ورتاق ساقپى ىستەتۋ ارقىلى داستارقان مادەنيەتىن قالىپتاستىرايىق.
(”لەپتى لەبىز“ ايدارشاسىنا ماقالا قابىلداۋ حات ساندىعى:xjrbplb@126.com)
