جالپىعا ءتيىمدى فينانستىڭ امانات زاپاس قورىن باعىتتامالى تومەندەتۋ ساياساتىنان يگىلىكتەندى
رايونىمىزداعى 5 جەرگىلىكتى زاڭدىق يە بانكەءبىر ميلليارد 400 ميلليون يۋان قارجى بوساتتى
جۇڭگو حالىق بانكەسى ءۇرىمجى ورتالىق تارماق بانكەسىنەن ۇعىسۋعا قاراعاندا، جۇڭگو حالىق بانكەسى 3 - ايدىڭ 16 - كۇنى جالپىعا ءتيىمدى فينانستىڭ امانات زاپاس قورىن باعىتتامالى تومەندەتۋدى ۇيعاردى، باعالاۋ ولشەمىنە جەتكەن بانكەلەرگە امانات زاپاس قورىن 0.5 تە ءبىر پايىزعا دەيىن باعىتتامالى تومەندەتىپ، جالپىعا ءتيىمدى فينانس سالاسىنىڭ قارىز اقشا تاراتۋىنا قولداۋ كورسەتتى. مەجەگە قاراعاندا، تۇتاس شينجياڭدا 5 جەرگىلىكتى زاڭدىق يە بانكە باعالاۋ ولشەمىنە جەتكەن، ءبىر ميلليارد 400 ميلليون يۋان شاماسىندا تىكەلەي قارجى بوساتۋىنا بولادى دەپ مەجەلەنگەن.
ىندەت تۋىلعاننان بەرى، جۇڭگو حالىق بانكەسى كەرى پەريودتى رەتتەۋ تەبىنىن ۇزدىكسىز ارتتىرىپ، قايتالاي قارىز اقشا بەرۋ، ءوسىمىن قايتالاي قازىنادان كوتەرۋ، ارناۋلى ءتۇر بويىنشا قايتالاي قارىز اقشا بەرۋ سياقتى كوپ ءتۇرلى اقشا ساياساتى قۇرالدارىن ىسكە قوسىپ، يكەمدىلىك كورسەتىپ، ءارقايسى بانكەنىڭ امانات قارىز بەرۋىن ارتتىرىپ، قالىپتى ءوندىرىس، تۇرمىس ءتارتىبىن جاپپاي قالپىنا كەلتىرۋىنە دەم بەرەدى. بۇل رەتكى جالپىعا ءتيىمدى فينانستىڭ امانات زاپاس قورىن باعىتتامالى تومەندەتۋ − جۇڭگو حالىق بانكەسىنىڭ اقشا ساياساتى قۇرالىن تاعى ءبىر رەت ىسكە قوسىپ، بانكەنىڭ امانات قارىز بەرۋىن ارتتىرۋىنا قولداۋ كورسەتۋدەگى ءونىمدى شاراسى سانالادى.
جالپىعا ءتيىمدى فينانس سالاسىنىڭ قارىز اقشاسى ەگىنشى وتباسىلارىنىڭ ءوندىرىس - تيجارات قارىز اقشاسىن، ارحيۆ تۇرعىزىلىپ، كارتچكالاندىرىلعان كەدەي حالىقتىڭ تۇتىنۋ قارىز اقشاسىن، وقۋعا كومەكتەسۋ قارىز اقشاسىن، شارۋاشىلىق قۇرۋ كەپىلدىك قارىز اقشاسىن، جەكەشە ساۋدا - ونەركاسىپشىلەردىڭ تيجاراتتىق قارىز اقشاسىن، شاعىن، ۇساق كاسىپورىن قوجايىندارىنىڭ تيجاراتتىق قارىز اقشاسىن، بىرلىك سەنىمدىلىگى 10 ميلليون يۋاننان تومەن شاعىن كاسىپورىندار قارىز اقشاسىن، بىرلىك سەنىمدىلىگى 10 ميلليون يۋاننان تومەن ۇساق كاسىپورىندار قارىز اقشاسىن قامتيدى. جۇڭگو حالىق بانكەسى 2018 - جىلدان باستاپ، جالپىعا ءتيىمدى فينانستىڭ امانات زاپاس قورىن باعىتتامالى تومەندەتۋدە جىلدىق باعالاۋ ءتۇزىمىن ورناتىپ، جالپىعا ءتيىمدى فينانس سالاسى قارىز اقشاسىنىڭ ۇستايتىن سالىستىرماسى بەلگىلى سالىستىرماعا جەتكەن ءىرى، ورتاشا ساۋدا بانكەلەرىنە0.5 پايىزدىق نەمەسە 1.5 پايىزدىق زاپاس قور مولشەرى تيىمدىلىگىن جاسادى، باعالاۋ وبيەكتىلەرى ءىرى بانكەلەردى، جارنا تۇزىمىندەگى بانكەلەردى، قالاداعى ساۋدا بانكەلەرىن، ءبىرشاما ۇلكەن اۋىل - قىستاق ساۋدا بانكەلەرىن جانە شەتەل قارجىلاندىرعان بانكەلەردى قامتيدى.
تاياۋدا جۇڭگو حالىق بانكەسى 2019 - جىلدىق باعالاۋدى تامامدادى، رايونىمىزدا شينجياڭ بانكەسى، ءۇرىمجى بانكەسى، قۇمىل قالالىق ساۋدا بانكەسى، تيانشان اۋىل - قىستاق ساۋدا بانكەسى، اقسۋ اۋىل - قىستاق ساۋدا بانكەسى سياقتى 5 جەرگىلىكتى زاڭدىق يە بانكە باعالاۋ ولشەمىنە جەتىپ، جالپىعا ءتيىمدى فينانستىڭ امانات زاپاس قورىن باعىتتامالى تومەندەتۋ ءتيىمدى ساياساتىنان يگىلىكتەندى.
وسى رەتكى جالپىعا ءتيىمدى فينانستىڭ امانات زاپاس قورىن باعىتتامالى تومەندەتۋ جالپىعا ءتيىمدى فينانس سالاسىنداعى سەرپىنى ءبىرشاما زور جەرگىلىكتى زاڭدىق يە فينانس ورگاندارىنا قولداۋ كورسەتىپ، ۇزاق ۋاقىتتىق ورنىقتى قارجى قاينارىن ارتتىردى، فينانس ورگاندارىنىڭ جالپىعا ءتيىمدى فينانستىق قىزمەت وتەۋ قابىلەتىن جوعارىلاتتى، بۇل وڭ باعىتتا ىنتالاندىرۋ رولىن قالىپتاستىرۋعا پايدالى، شاعىن، ۇساق كاسىپورىندارعا جانە حالىقتىق كاسىپورىندارعا امانات قارىز اقشا بەرۋدى اناعۇرلىم كەڭەيتىپ، شاعىن، ۇساق كاسىپورىنداردىڭ جانە حالىقتىق كاسىپورىنداردىڭ قازىز اقشا ءوسىمىن تومەندەتەدى.
