باقىلاۋدى، تەكسەرۋدى كۇشەيتىپ، جوعارى ساپالى دامۋدى ىلگەرىلەتەيىك

اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ءتارتىپ تەكسەرۋ، باقىلاۋ - تەكسەرۋ كاسىپتىك قىزمەتى بەينەجازبا ءماجىلىسىن اشتى

باقىلاۋدى، تەكسەرۋدى كۇشەيتىپ، جوعارى ساپالى دامۋدى ىلگەرىلەتەيىك

 3 - ايدىڭ 16 - كۇنى اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى بۇكىل رايوننىڭ ءتارتىپ تەكسەرۋ، باقىلاۋ - تەكسەرۋ كاسىپتىك قىزمەتى بەينەجازبا ءماجىلىسىن اشىپ، قىزمەتتەردى قورىتىندىلاپ، جاعدايعا تالداۋ جاساپ، 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ءماجىلىسىنىڭ جانە اۆتونوميالى رايوندىق 9 - كەزەكتى ءتارتىپ تەكسەرۋ كوميتەتى بەسىنشى جالپى ءماجىلىسىنىڭ رۋحىن ىشكەرىلەي دايەكتىلەندىرۋ جونىندە قايتالاي ورنالاستىرۋ جاسادى. اۆتونوميالى رايوندىق پارتكومنىڭ تۇراقتى مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كوميتەتىنىڭ مەڭگەرۋشىسى ياڭ شين ماجىلىسكە قاتىناستى ءارى ءسوز سويلەدى.

ءماجىلىس مىنالاردى اتاپ كورسەتتى: بۇكىل رايونداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى شىن مانىندە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي باقىلاۋدى كۇندەلىكتى يگەرىپ، ۇنەمى قاتايتىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، پارتيا ورتالىق كوميتەتى ورنالاستىرعان ارناۋلى قىزمەتتەردى، پارتيانى جاپپاي قاتاڭ جونگە سالۋ جاۋاپكەرشىلىگىن تياناقتاندىرۋ سياقتى جاعدايلاردى باقىلاۋدى، تەكسەرۋدى كۇشەيتىپ، ىندەتتەن ساقتانۋ - تىزگىندەۋدى باقىلاۋدى باستان - اياق تىڭعىلىقتى جۇرگىزىپ، ءتۇيىندى مىندەتتەردى تياناقتاندىرۋدى جوعارى ونىممەن ىلگەرىلەتۋ كەرەك.

ءماجىلىس مىنالاردى باسا دارىپتەدى: كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە كەپىلدىك ەتۋدى مىقتاپ ارقاۋ ەتىپ، كەدەيلەردى سۇيەمەلدەۋ سالاسىنداعى شىرىكتەسۋدى جانە ستيل ماسەلەسىن ارناۋلى جونگە سالۋدى ۇزدىكسىز جاقسى يگەرۋ؛ باسشى كادرلاردى، اسىرەسە، ”ءبىرىنشى باسشى“ سىندى شەشۋشى ازشىلىقتى جىتى قاداعالاپ، نازاردى بيلىك شوعىرلانعان، قارجى توپتالعان، بايلىق مول شوعىرلانعان ءتۇيىندى سالالارعا شوعىرلاندىرىپ، شىرىكتەسۋدى جازالاۋدىڭ تەگەۋرىندى كۇيىن ساقتاۋ؛ ءتۇيىندى ماسەلەلەردى زەرتتەپ ىزدەستىرۋدى كۇشەيتىپ، ءتارتىپ تەكسەرۋ، باقىلاۋ - تەكسەرۋ ءتۇزىلىس رەفورماسىن ۇزدىكسىز تەرەڭدەتۋ كەرەك.

ءماجىلىس مىنالاردى تالاپ ەتتى: بۇكىل رايونداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى مەن قالىڭ ءتارتىپ تەكسەرۋ، باقىلاۋ - تەكسەرۋ كادرلارى جاۋاپكەرشىلىك سەزىمدى شىنايى كۇشەيتىپ، قايراتتانىپ، قىسىمدى ارتتىرىپ، كۇش ۇستەپ، جىلدامداتىپ، قىزمەتتى تياناقتاندىرۋدى مىقتاپ يگەرىپ، جالپى ماجىلىستە ورنالاستىرىلعان ءتۇرلى مىندەتتەردى كۇش سالا ويداعىداي ورىنداپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىلگەرىلەتۋ كەرەك.