بۇكىل اۆتونوميالى رايوننىڭ ءتۇيىندى نىسانداردى ىلگەرىلەتۋ ءماجىلىسى اشىلدى
كوپ ءتۇرلى شارانى قاتار قولدانىپ، ورايدى مىقتى ۇستاپ، نىساندى يگەرىپ، قارجى قوسۋدى جەبەپ، ارتۋدى ورنىقتىرايىق
3 - ايدىڭ 12 - كۇنىنەن 13 - كۇنىنە دەيىن، تۇتاس رايونداعى ءتۇيىندى نىسانداردى ىلگەرىلەتۋ ءماجىلىسى ۇرىمجىدە اشىلدى. ءماجىلىس باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋلارىن، تالاپتارىن دايەكتىلەندىرىپ، تياناقتاندىرىپ، نىسان قۇرىلىسىن جەدەل ىلگەرىلەتۋگە تاعى دا ورنالاستىرۋ، تاعى دا جايعاستىرۋ جاساپ، ءبىر توبىنىڭ قۇرىلىسىن باستاۋدى، ءبىر توبىن دايىنداۋدى، ءبىر توبىن جوسپارلاۋدى شىن مانىندە ورىنداپ، بيىلعى ەكونوميكالىق، قوعامدىق دامۋ مىندەتىن ورىنداۋعا، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋگە بەرىك تىرەك جانە پارمەندى قامتاماسىزدىق ازىرلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى لي پىڭشين ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: نەگىزدىك قۇرىلعى، كاسىپ سالاسىن دامىتۋ − شينجياڭ ەكونوميكاسىنىڭ دامۋىنداعى كورنەكتى ولقىلىق ءارى ەڭ زور كومەسكى كۇش، قارجى قوسۋ ارقىلى جەتەكتەۋدىڭ ءمانى زور. جەر - جەر، تاراۋلار ساياسي دەڭگەيدى جوعارىلاتىپ، قارجى قوسۋدى جەبەۋدىڭ، ارتۋدى ورنىقتىرۋدىڭ كوكەي تەستىلىك سەزىمى مەن جاۋاپكەرشىلىك سەزىمىن شىن مانىندە كۇشەيتىپ، مەملەكەتتىڭ قارجى قوسۋدى جەبەۋ، ارتۋدى ورنىقتىرۋ ساياساتىنان تولىق، ويداعىداي پايدالانىپ، نىسان قۇرىلىسىنىڭ ”تەرەزەلىك مەزگىلىن“ مىقتاپ يگەرىپ، نىسانداردىڭ قايتا جۇمىس باستاۋ تەبىنىن تەزدەتىپ، جاڭادان قارجى قوسىلعان نىسانداردىڭ جۇمىسىن باستاۋدى بار كۇشپەن ىلگەرىلەتىپ، ءبىر توپ جوعارى ساپالى نىسانداردى زەر سالا جوسپارلاپ، دايىنداپ، شينجياڭنىڭ ەكونوميكاسىنىڭ جوعارى ساپالى دامۋىنىڭ نەگىزىن بەكەمدەۋ، سەرپىنىن ارتتىرۋ كەرەك.
ءماجىلىس مىنالاردى تالاپ ەتتى: قۇرىلىسى جالعاساتىن نىسانداردىڭ تەزىرەك قايتا جۇمىس باستاۋىن ىلگەرىلەتىپ، ءتۇيىندى تۇردە قۇرىلىسى جالعاساتىن نىسانداردىڭ جاعدايىن جاپپاي اداقتاپ، نىسانداردىڭ قايتا جۇمىس باستاۋىندا ءدوپ كەلگەن قيىن ماسەلەلەرىن جاپپاي سالالاپ جانە سايكەستىرىپ شەشىپ، ايماقتىق، وبلىستىق، قالالىق پارتكوم شۋجيلەرى جاۋاپتى بولعان ءتۇيىندى نىساندارعا قولباسشىلىق ەتۋ، سايكەستىرۋ مەحانيزمىن ورناتىپ جانە كەمەلدەندىرىپ، قۇرىلىس ۋاقىتىن قاۋىرت ورنالاستىرىپ، جوبا بەلگىلەپ شايقاس جۇرگىزىپ، 3 - ايدىڭ سوڭىنان بۇرىن قۇرىلىسى جالعاساتىن نىسانداردىڭ جۇمىستى ％100 قايتا باستاۋىنا شىنايى كەپىلدىك ەتىپ، ناقتى قىزمەت شاماسىن جەدەل قالىپتاستىرۋ كەرەك. جاڭادان جۇمىس باستايتىن نىسانداردىڭ تەزىرەك تياناقتانۋىن ىلگەرىلەتىپ، قۇرىلىس باستاۋعا ىقپال ەتەتىن ماسەلەلەرگە ۋنيۆەرسال باعالاۋ، تالداۋ جاساپ، نە كەم بولسا سونى تولىقتاپ، قايسى ماسەلە كورنەكتى بولسا سول ماسەلەنى شەشىپ، نىسانداردىڭ جۇمىس باستاۋ شارت - جاعدايىن امالدىڭ بارىنشا تياناقتاندىرىپ، نىسانداردى تەكسەرىپ بەكىتۋدى جانە ساۋداگەر شاقىرۋدى، مەردىگەر بولۋدى جەدەلدەتىپ، ءبىر تۇتاس سايكەستىرۋدى كۇشەيتىپ، جەڭىل - اۋىر، شۇعىل جانە شۇعىل ەمەس جۇمىستاردى ايقىن اجىراتىپ، جۇمىس باستاۋ ۋاقىتىن ايقىنداپ، 3 - ايدان باستاپ ءار ايدا نىسان جۇمىسىن باستاۋعا شىنايى كەپىلدىك ەتۋ كەرەك. نىسانداردى دايىنداۋدى سالالاپ، جوسپارلاپ، مەملەكەت ستراتەگياسىن جانە اۆتونوميالى رايوننىڭ كەلەلى ورنالاستىرۋىن، ءتۇيىندى قىزمەتتەرىن، ماڭىزدى شارالارىن مىقتاپ ارقاۋ ەتىپ، تەمىر جول، تاس جول، حالىقتىق اۆياتسيا، سۋ يگىلىگى، ەگىن، ورمان، مال شارۋاشىلىعى، ەلەكتر قۋاتى، حابارلاسۋ، دەنساۋلىق ساقتاۋ، وقۋ - اعارتۋ، قالالاردىڭ الەۋمەتتىك قىزمەت وتەۋى سياقتى سالالارداعى ولقىلىقتار مەن ءالسىز تۇستاردان كوز جازباي، ىرىقتىلىقپەن ىسكەرلىك كورسەتىپ، بەلسەندىلىكپەن جوسپارلاپ، ”ءبىر توبى قۇرىلىس جۇرگىزەتىن، ءبىر توبى جۇمىس باستايتىن، ءبىر توبىن دايىندايتىن“ تاماشا اينالىم قالىپتاستىرۋ كەرەك.
ءماجىلىس مىنالاردى باسا دارىپتەدى: جەر - جەر، تاراۋلار جاعدايدى ءداپ باسىپ مەڭگەرىپ، وي - سانانى سەرگەك ۇستاپ، باسشىلىق جاۋاپكەرشىلىكتى تياناقتاندىرىپ، ماسەلەلەردى سايكەستىرىپ شەشىپ، ىندەتتەن ساقتانۋ - تىزگىندەۋدى جانە نىسان قۇرىلىسىن ءبىر تۇتاس جوسپارلاپ ىلگەرىلەتۋ كەرەك. ساياساتتى زەرتتەۋدى كۇشەيتىپ، قىزمەت قابىلەتىن كۇشەيتىپ، قىزمەت ستيلىن جاقسارتىپ، تيجارات - ساۋدا ورتاسىن ساپالىلاندىرىپ، نىسان قۇرىلىسىن شىن مانىندە اناعۇرلىم ناقتى يگەرىپ، شارالاردى اناعۇرلىم ەگجەي - تەگجەيلى تياناقتاندىرۋ كەرەك.
اۆتونوميالى رايون باسشىلارىنان جاڭ چۇنلين، جاۋ چيڭ، رىن حۋا، ليۋ جيانشين، ۋان حايچۋان ماجىلىسكە قاتىناستى.
