قۇرىلىس ۋاقىتىن قاۋىرت ورنالاستىرىپ، جوبا بەلگىلەپ شايقاس جۇرگىزۋ
رايونىمىزدا ءتۇيىندى تۇردە قۇرىلىسى جالعاساتىن نىساندار 3 - ايدىڭ سوڭىنان بۇرىن تۇگەلدەي قايتا جۇمىس باستايدى
اۆتونوميالى رايوننىڭ جالپى تۇلعالىق ورنالاستىرۋىنا ساي، رايونىمىزدا ءتۇيىندى تۇردە قۇرىلىسى جالعاساتىن نىساندار 3 - ايدىڭ سوڭىنان بۇرىن تۇگەلدەي قايتا جۇمىس باستايدى.
شينجياڭنىڭ ەكونوميكاسىنىڭ جوعارى ساپالى دامۋىن ىلگەرىلەتۋ ءۇشىن، نىسانداردى مىقتى يگەرۋ مەن قارجى قوسۋدى جەبەۋدەن، ءسوز جوق، بۇلجىماۋ كەرەك. ءۇرىمجى قالاسى ءونىمدى قارجى قوسۋدى ارتتىرۋدى ەكونوميكانىڭ ومىرشەڭدىك كۇشىن قوزعاۋداعى ەڭ ماڭىزدى ءتۇيىن ساناپ، نىسانداردى عىلمي جوبالاپ، نىساندارعا دەن قويا دايىندالىپ، نىسانداردى بار كۇشپەن ىلگەرىلەتتى، بيىل قۇرىلىسى جالعاساتىن 191 نىسان قالا ىستەرى، قورا - جاي جانە لاشىقتى اۋماقتاردى وزگەرتۋ، قوعامدىق ىستەر، ونەركاسىپ جانە ينفورماتسيالاندىرۋ، ساۋدا، زات اينالىمى سياقتى 8 سالاعا سايادى، اۋەجايدى جاڭالاپ كەڭەيتىپ سالۋ، شينجياڭ داشۋەسى جاڭا مەكتەپ رايونى قۇرىلىسى، حىماچۋان جاڭا رايونى قالا جول قۇرىلىسى، ءۇرىمجى وليمپيادا سپورت ورتالىعى سياقتى كەلەلى نىسانداردى قامتيدى.
سانجى حۇيزۋ اۆتونوميالى وبلىسىندا بيىل قۇرىلىسى جالعاساتىن 167 نىسان بار، ىندەتتەن ساقتانۋ - تىزگىندەۋ جۇمىسىن تىڭعىلىقتى ورىنداۋعا شىنايى كەپىلدىك ەتۋ العى شارتىندا، جۇندۇڭ 6 ەلەكتر ستانسياسى، فۋكاڭ سۋ تارتىپ ەلەكتر ەنەرگياسىن جيناۋ پۋنكتى، شىحىزى - ماناس كوپىرى جانە تۇتاستىرۋ جەلىسى، توۋتۇنحى وزەنى جاعالاۋىن جونگە سالۋ سياقتى ءتۇيىندى نىسانداردىڭ جۇمىستارىن قايتا باستاۋدى تىڭعىلىقتى يگەرەدى.
قاشقار ايماعى بيىل ءتۇيىندى تۇردە قۇرىلىسى جالعاساتىن 20 نىساننىڭ جۇمىسىن 3 - ايدىڭ 20 - كۇنىنەن بۇرىن جاپپاي قايتا باستاۋدى ورنالاستىردى. مۇنىڭ ىشىندە ءپايزاۋات اۋدانىنىڭ قالا، اۋىل اۋىز سۋ حاۋىپسىزدىگى ينجەنەرياسى 3 - ايدىڭ باسىندا قايتا جۇمىس باستادى، 5 - ايدىڭ سوڭىنا دەيىن سالىنىپ ءبىتىپ، پايدالانۋعا بەرۋ جوسپارعا الىندى؛ قاشقار دۇڭچىڭ 2 - ورتا مەكتەبى، قاشقار قالاسى يپارحان باقشاسى، قاشقار بەيحۋ 1 - ءنومىرلى تۇرعىندار شاعىن رايونى، يۋانمىڭ شىداي الاڭى سىندى 4 نىساننىڭ جۇمىسى 3 - ايدىڭ 10 - كۇنىنەن بۇرىن ىركەس - تىركەس قايتا باستالدى. 3 - ايدىڭ باس شەنىنە دەيىن قاشقار ايماعىندا قۇرىلىسى جالعاساتىن 114 نىسان جۇمىس باستادى، جاڭادان سالىناتىن 47 نىسان جۇمىس باستادى، 3 - ايدىڭ ورتاسىنان اياق شەنىنە دەيىن 524 نىساننىڭ جۇمىسىن باستاۋ، قايتا باستاۋ جوسپارعا الىندى.
حوتان ايماعىندا ءتۇيىندى تۇردە قۇرىلىسى جالعاساتىن 47 نىساننىڭ جۇمىسى 3 - ايدىڭ 15 - كۇنىنەن بۇرىن جاپپاي قايتا باستالادى، بۇل ەگىن، ورمان، سۋ يگىلىگى، قامتاماسىزداندىرۋ سيپاتتى تۇرعىن ءۇي قۇرىلىسى، قاتىناس، ەنەرگيا قۇرىلىسى، قالا نەگىزدىك قۇرىلعىلارى، قوعامدىق دامۋ، ونەركاسىپ، ساۋدا، زات اينالىمى سياقتى جاقتارعا سايادى، حوتان يۇرۇڭقاش سۋ يگىلىگى توراپ ينجەنەرياسى، نيە اۋدانى نيا سۋ يگىلىگى توراپ ينجەنەرياسى، كەريا اۋەجايى، حوتان - چارقىلىق تەمىر جول قۇرىلىسى سياقتى نىسانداردى قامتيدى.
3 - ايدىڭ 12 - كۇنىنە دەيىن اقسۋ ايماعىندا ءتۇيىندى تۇردە قۇرىلىسى جالعاساتىن 10 نىسان قايتا جۇمىس باستادى، 3 - ايدىڭ سوڭىنان بۇرىن قالعان 47 نىساننىڭ جۇمىسى جاپپاي قايتا باستالادى.
قارامايلى قالاسى ءتۇيىندى تۇردە قۇرىلىسى جالعاساتىن 47 نىسان جۇمىسىنىڭ بارلىعىن 3 - ايدىڭ 20 - كۇنىنەن بۇرىن قايتا باستاۋدى ورنالاستىردى؛ ىلە قازاق اۆتونوميالى وبلىسىندا بيىل ءتۇيىندى تۇردە قۇرىلىسى جالعاساتىن نىسان 129، 3 - ايدىڭ 10 - كۇنىنە دەيىن التاۋىنىڭ جۇمىسى باستالدى؛ قۇمىل قالاسى ءتۇيىندى تۇردە قۇرىلىسى جالعاساتىن 13 نىسان قۇرىلىسىنا 7 ميلليارد 400 ميلليون يۋان قارجى قوسۋدى جىلدىق جوسپارعا الدى؛ بايىنعولين موڭعۇل اۆتونوميالى وبلىسىندا قۇرىلىسى جالعاساتىن نىسان 53، مۇنىڭ ىشىندە ءبىر ميلليارد يۋاننان جوعارى قارجى قوسىلعان نىسان 10؛ تۇرپان قالاسىندا ءتۇيىندى تۇردە قۇرىلىسى جالعاساتىن نىسان 19؛ بۇراتالا موڭعۇل اۆتونوميالى وبلىسىندا ءتۇيىندى تۇردە قۇرىلىسى جالعاساتىن نىسان 28؛ تارباعاتاي ايماعىندا قۇرىلىسى جالعاساتىن نىسان 130، مۇندا قۇلىستاي ەكولوگياسىن قالپىنا كەلتىرۋ سياقتى ءبىرسىپىرا ءتۇيىندى نىساندار قامتىلعان؛ التاي ايماعىندا ءتۇيىندى تۇردە قۇرىلىسى جالعاساتىن نىسان 29...
جەر - جەر ءتۇيىندى نىساندارعا قولباسشىلىق ەتۋ، سايكەستىرۋ مەحانيزمىنىڭ رولىن ساۋلەلەندىرىپ، ءتۇيىندى نىسان جۇمىستارىن قايتا باستاۋ جوسپارىن جاساپ، جۇمىستى قايتا باستاۋ ۋاقىتىنىڭ اپتاسىنا دەيىن ايقىنداپ، كۇنىنە دەيىن تياناقتاندىرىپ، جوبا بەلگىلەپ شايقاس جۇرگىزىپ، قۇرىلىس ۋاقىتىن قاۋىرت ورنالاستىرىپ، كەستە بويىنشا ىلگەرىلەتەدى. نىسان جۇمىسىن قايتا باستاۋدا ءدوپ كەلگەن قيىنشىلىقتار مەن ماسەلەلەردى جاپپاي جونگە سالىپ جانە سايكەستى شەشىپ، جۇمىسشىلاردىڭ شينجياڭعا، جۇمىس ورىندارىنا ورالۋىن جەدەل ىلگەرىلەتىپ، زات اينالىمى تاسىمالىن، ماتەريالدىق جابدىقتارمەن قامداۋدى ىركىلىسسىزدەندىرىپ، نىسان قۇرىلىسى فاكتورلارىمەن قامتاماسىزداندىرۋدى كۇشەيتىپ، قۇرىلىسى جالعاساتىن نىساندارعا جەدەل قارجى قوسۋدى، جەدەل سالۋدى، جەدەل وندىرىسكە قوسۋدى جەبەيدى.
