باس شۋجي شي جينپيڭنىڭ حۋبەيدا قىزمەت تەكسەرگەن كەزدە سويلەگەن ماڭىزدى ءسوزى رايونىمىزداعى قالىڭ كادرلار مەن بۇقارانى ايرىقشا شابىتتاندىردى −
پارتيا ورتالىق كوميتەتىنىڭ شەشىمدەرىن، ورنالاستىرۋلارىن اناعۇرلىم قاتاڭ، اناعۇرلىم ناقتى ويداعىداي تياناقتاندىرامىز
باس شۋجي شي جينپيڭنىڭ حۋبەيدىڭ ۋحان قالاسىنا بارىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن تەكسەرگەندە سويلەگەن ماڭىزدى ءسوزى رايونىمىزداعى قالىڭ پارتيا مۇشەلەرى مەن كادرلاردىڭ كۇرەس جۇرگىزۋ قايراتىن ۇشتاپ، ءسوزسىز، جەڭىسكە جەتۋ سەنىمىن تاسقىنداتتى. كوپشىلىك مىنالاردى ءبىلدىردى: اۋەلگى ماقساتتى ۇمىتپاي، بورىشتى ەستە بەرىك ساقتاپ، جاۋاپكەرشىلىكتى ارقالاپ، سىننان ءوتىپ، كوكتەمگى ەگىس ءوندىرىسى، شارۋالاردى جۇمىستاندىرىپ كىرىسىن ارتتىرۋ سياقتى قىزمەتتەردى ءبىر تۇتاس جوسپارلاپ ويداعىداي يگەرىپ، كەدەيلىكتەن ارىلتۋدان قامال الۋ مىندەتتەرىن باتىل تۇردە ويداعىداي يگەرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن اناعۇرلىم قاتاڭ ستيلمەن، اناعۇرلىم ناقتى شارامەن ويداعىداي تياناقتاندىرامىز.
باستان - اياق بايسالدى بولىپ، كۇش ۇستىنە كۇش قوسىپ ىستەيمىز
”سىزدەر ارايلى شۇعىلانىڭ ەلشىسىسىزدەر، ءۇمىتتىڭ ەلشىسىسىزدەر، ەڭ كورىكتى پەرىشتەسىزدەر، ناعىز قاھارمانسىزدار!“ باس شۋجي شي جينپيڭنىڭ ءسوزى قالىڭ ەمدەۋ قىزمەتكەرلەرىن توتەنشە جىگەرلەندىردى.
”ىندەتتىڭ سىنىن باستان وتكىزگەننەن كەيىن، باس شۋجيدىڭ ءسوزىنىڭ سالماعىن اناعۇرلىم تەرەڭ سەزىندىم“. شينجياڭنان ءبىرىنشى توپتا حۋبەيعا كومەككە بارعان ەمدەۋ اترەتىنىڭ مۇشەسى، شينجياڭ مەديتسينا داشۋەسىنە قاراستى وسپە اۋرۋلارى شيپاحاناسى جۇرەك - بۇيرەك - ىشكى سەكراتسيا ءبولىمىنىڭ سەستراسى جوۋ يان بىلاي دەدى: ”ۋحانداعى ’الدىڭعى شەپتە پارتياعا كىرگەن‘ ەمدەۋ قىزمەتكەرى رەتىندە، مەن اۆانگارد ۇلگىلىك رولىمدى ساۋلەلەندىرىپ، تاپسىرمانى ەستە بەرىك ساقتاپ، باستان - اياق بايسالدى بولىپ، كۇش ۇستىنە كۇش قوسىپ ىستەيمىن، ەرلىكپەن، قايسارلىقپەن ۋحاندى قورعاۋ شايقاسىندا جەڭىسكە جەتۋگە ءوز ۇلەسىمدى قوسامىن!“.
”باس شۋجيدىڭ الەۋمەتتىك اۋماقتىڭ ساقتانۋ - تىزگىندەۋدەگى ماڭىزدىلىعىن باسا دارىپتەۋى ءبىزدى ايرىقشا شابىتتاندىردى“. كونەشار اۋدانى يىڭبينلۋ الەۋمەتتىك اۋماعى پارتيا باس ياچەيكاسىنىڭ شۋجيى لي سۇيشيا بىلاي دەدى: ”الەۋمەتتىك اۋماعىمىزداعى بارلىق پارتيا مۇشەلەرى مەن كادرلار، ءسوز جوق، باس شۋجيدىڭ تالابى بويىنشا، بۇقارالىق قىزمەتتى ىشكەرىلەي، ەگجەي - تەگجەيلى ويداعىداي ىستەپ، ءتۇرلى ساقتانۋ - تىزگىندەۋ شارالارىن دالمە - ءدال تياناقتاندىرىپ، تۇرعىندارعا ىندەتتەن ساقتانۋ بىلىمدەرىن جالپىلاستىرىپ، ورتا تازالىعىن رەتتەۋ - وڭاۋدى ورىستەتىپ، تۇرعىنداردى تاماشا تۇرمىس ادەتى مەن تازالىق ادەتىن قالىپتاستىرۋعا جەتەكتەپ، كوكتەمدى تازا، اقاۋسىز كۇتىپ الادى“.
جاۋاپكەرشىلىكتى ارقالاپ، حالىق تۇرمىسىن قامتاماسىز ەتەمىز
باس شۋجي شي جينپيڭ حالىق تۇرمىسى ورنىقتى بولسا، جۇرت كوڭىلىنىڭ ورنىقتى بولاتىندىعىن، قوعامنىڭ ورنىقتى بولاتىندىعىن باسا دارىپتەدى.
اۆتونوميالى رايوندىق ساۋدا ىستەرى مەڭگەرمەسى ءتۇيىندى ساۋدا سارايلارىنداعى، ەرەن بازارلارىنداعى، تولايىم ساتۋ بازارلارىنداعى ماڭىزدى تۇرمىستىق قاجەتتى بۇيىمدارمەن قامداۋ جاعدايىن ۇزدىكسىز باقىلاپ - تەكسەرىپ، ءوندىرۋ مەن ساتۋدى توعىستىرۋ سياقتى قىزمەتتەردى ويداعىداي ىستەپ، قامداۋدى بار كۇشپەن قامتاماسىز ەتتى. ”قازىر بۇكىل رايونىمىزدا ءتۇيىندى تۇردە باقىلاپ - تەكسەرىلەتىن ءتۇرلى اۋىل شارۋاشىلىق ونىمدەرىن تولايىم ساتۋ بازارلارىنىڭ تيجاراتى قالىپقا ءتۇستى، كۇرىش، ۇن، استىق، ماي، ەت، قۇس ەتى، جۇمىرتقا، ءسۇت، كوكونىس سياقتى تۇرمىستىق قاجەتتى بۇيىمدارمەن قامداۋ جەتكىلىكتى، باعاسى تۇراقتى. ءبىز قاتىستى مەحانيزمدەردى ورناتۋدى، كەمەلدەندىرۋدى ىلگەرىلەتىپ، بازاردىڭ شۇعىل جاعدايعا توتەپ بەرۋ، رەتتەۋ - مەڭگەرۋ قابىلەتىن ۇزدىكسىز وسىرەمىز“، - دەدى اۆتونوميالى رايوندىق ساۋدا ىستەرى مەڭگەرمەسى بازار اينالىمى باسقارماسىنىڭ باستىعى باھارگۇل ابلا.
ىندەت تۋىلعاننان بەرى، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى مەملەكەت ەلەكتر تورى تيانشان قارعالداق پارتيا مۇشەلەرى قىزمەت وتەۋ اترەتىنىڭ 140 نەشە مۇشەسىن ۇيىمداستىرىپ، تۇتاس شينجياڭدى ەلەكترمەن قامداۋدى قامتاماسىز ەتۋ جاعىندا بەلسەندى رول اتقاردى. ”ءبىز باس شۋجيدىڭ ماڭىزدى ءسوزىنىڭ رۋحىن ويداعىداي تياناقتاندىرىپ، جاۋاپكەرشىلىكتى ارقالاپ، كەلەلى ينجەنەريالىق نىساندارىن، كەدەيلەردى سۇيەمەلدەۋ نىساندارى قۇرىلىسىن جانە ءار ۇلت بۇقاراسىنىڭ تىنىش ءومىر، شات - شادىمان تىرشىلىك كەشۋىن پارمەندى ەلەكتر قۋاتىمەن قامتاماسىز ەتەمىز“. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ القا باستىعى، پارتكوم شۋجيى شيە يۇڭشىڭ بىلاي دەدى: بيىل سەرىكتەستىگىمىز شەكارا بويىنداعى 23 قىستاقتىڭ ەلەكتر تورى نىسانى قۇرىلىسى مىندەتىن ورىنداپ، 36 مىڭ ەگىنشى - مالشىنىڭ ءوندىرىسىن، تۇرمىسىن جاقسارتۋدى، كەدەيلىكتەن ارىلىپ بايۋىن جەبەيدى.
”قىزمەت وتەۋدى يگەرىپ، حالىق تۇرمىسىنا تيىمدىلىك جاساپ، ءبىز 20 نەشە پارتيالى كادردى جىبەرىپ، باقشا رايونىنداعى كاسىپورىندارعا، اسىرەسە، اۋىل شارۋاشىلىق قۇرال - جابدىقتارى وندىرىسىمەن شۇعىلداناتىن كاسىپورىندارعا ”بىرگە ءبىر“ قىزمەت وتەپ، ءوندىرىس بارىسىندا كەزىككەن قيىن ماسەلەلەردى شەشۋگە كومەكتەسىپ، اۋىل شارۋاشىلىق قۇرال - جابدىقتارى بازارىن قامداۋدى قامتاماسىز ەتتىك“، - دەدى شاپشال سىبە اۆتونوميالى اۋدانى ينان ونەركاسىپ باقشا رايونى ەكونوميكالىق دامۋ مەكەمەسىنىڭ باستىعى ياڭ چۇنمەي.
شىنايى يگەرىپ، ناقتى ىستەپ، ناقتى، ەگجەي - تەگجەيلى تياناقتاندىرامىز
باس شۋجي شي جينپيڭ قالىڭ پارتيا مۇشەلەرىن، كادرلاردى ۇلكەن شايقاستا اۋەلگى ماقساتتى، بورىشتى امالياتتا ايگىلەپ، ۇلكەن سىناقتا تولىمدى جاۋاپ بەرۋگە شابىتتاندىردى.
قىزىلسۋ قىرعىز اۆتونوميالى وبلستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ شۋجيى حۋ جيڭجى بىلاي دەدى: ”ءبىز ادام كۇشى بايلىعى جانە قوعامدىق قامتاماسىزداندىرۋ سالاسىنداعى كەدەيلەردى سۇيەمەلدەۋ شارالارىن ەگجەي - تەگجەيلى، ناقتى تياناقتاندىرىپ، كەدەي بۇقارانى باسقا كاسىپ سالاسىنا ويىستىرىپ جۇمىستاندىرۋدى اناعۇرلىم كورنەكتى ورىنعا قويىپ، بۇكىل وبلىستاعى كەدەيلەسۋگە تاياپ تۇرعان وتباسىلاردىڭ، كەدەيلىكتەن ارىلعان ارحيۆ تۇرعىزىلىپ، كارتچكالاندىرىلعان كەدەي وتباسىلارىنىڭ اراسىنداعى ەڭبەك قۋاتى بار وتباسىلارىندا ءبىر ۇيدە ءبىر ادامدى ورنىقتى تۇردە جۇمىستاندىرۋدى جۇزەگە اسىرامىز. ارحيۆ تۇرعىزىلىپ، كارتچكالاندىرىلعان كەدەي حالىقتىڭ زەينەتكەرلىك قامسىزداندىرۋى اقىسىن وكىلەتتى تارتۋ، وكىلەتتى تاپسىرۋ قىزمەتىن ويداعىداي ىستەپ، الەۋمەتتىك يگىلىك سيپاتتى جۇمىس ورىندارىن دايىنداپ، جۇمىستانۋى قيىن ادامداردى ورنىقتى ورنالاستىرىپ، كەدەيلىكتەن ارىلتۋدان قامال الۋ شايقاسىندا جەڭىسكە جەتۋدى دەمەيمىز“.
اقسۋ ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى نياز اشىم بىلاي دەدى: ”ءبىز باس شۋجيدىڭ ماڭىزدى ءسوزىن باتىل دايەكتىلەندىرىپ، تياناقتاندىرىپ، كەدەيلىكتەن ارىلتۋدان قامال الۋدىڭ تابىستارىن بەكەمدەپ، قايتا كەدەيلەسۋدەن ساقتانۋدى ماڭداي الدى ورىنعا قويۋعا تاباندى بولىپ،’ەكىدەن تارىقتىرماۋ، ءۇشتى قامتاماسىز ەتۋدى‘ ورنىقتى جۇزەگە اسىرۋ، كەدەيلەردى سۇيەمەلدەۋ مەن اقىل - پاراسات جاعىنان سۇيەمەلدەۋدى ءوزارا ۇشتاستىرۋعا تاباندى بولۋ، جۇمىستاندىرۋ، كاسىپ سالاسى ارقىلى سۇيەمەلدەۋ شارالارىن تياناقتاندىرۋ سياقتى جاقتارعا ۇزدىكسىز كۇش سالامىز. كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەسىن ارناۋلى جونگە سالۋدى ۇزدىكسىز ورىستەتىپ، فورماشىلدىقتى، تورەشىلدىكتى باتىل جەڭىپ، قالىڭ پارتيا مۇشەلەرى مەن كادرلاردى اناعۇرلىم قاتاڭ ستيلمەن شىنايى يگەرىپ، ناقتى ىستەۋگە شابىتتاندىرىپ، تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرىن قۇلشىنا ورىندايمىز“.
