تاياۋدا اۆتونوميالى رايوندىق وقۋ - اعارتۋ مەڭگەرمەسى حابارلاندىرۋ جاريالاپ، بۇكىل رايونىمىزداعى باستاۋىش مەكتەپتەردىڭ، ورتالاۋ مەكتەپتەردىڭ، ورتا مەكتەپتەردىڭ جانە ورتا دارەجەلى كاسىپتىك مەكتەپتەردىڭ 3 - ايدىڭ 23 - كۇنى وقۋ باستاپ، ساباقتى جالپى بەتتىك قالپىنا كەلتىرۋىن ورنالاستىردى.
حابارلاندىرۋدا مىنالار تالاپ ەتىلدى: بۇكىل رايونىمىزدىڭ جەر - جەرىندەگى مەكتەپتەر اۆتونوميالى رايوننىڭ ىندەتتەن ساقتانۋ - تىزگىندەۋ قىزمەتى جونىندەگى ورنالاستىرۋى بويىنشا، ورتا مەكتەپ 3 - جىلدىعىنىڭ، ورتالاۋ مەكتەپ 3 - جىلدىعىنىڭ، ورتا دارەجەلى كاسىپتىك مەكتەپتەردەن وقۋ تاۋىساتىن جىلدىقتاردىڭ وقۋىن 3 - ايدىڭ 16 - كۇنى باستاۋ قىزمەتىن ويداعىداي ىستەۋ نەگىزىندە، مەكتەپتەردىڭ جالپى بەتتىك وقۋ باستاپ، ساباقتى قالپىنا كەلتىرۋ جانە ىندەتتەن ساقتانۋ - تىزگىندەۋ قىزمەتىن ىشكەرىلەي تىڭعىلىقتى تۇردە ويداعىداي ىستەۋ كەرەك. قاراستىلىق بويىنشا باسقارۋ پرينسيبىنە ساي، جاۋاپكەرشىلىكتى ايقىنداپ، ءبىر مەكتەپتە ءبىر شارا قولدانىپ، جوبانى ناقتىلاندىرىپ، دايىندىق جوسپاردى كەمەلدەندىرىپ، وقىتۋدى باسقارۋ جانە ىندەتتەن ساقتانۋ - تىزگىندەۋدى عىلمي ۇيىمداستىرىپ، مەكتەپتەردىڭ ساباقتى جالپى بەتتىك باستاعاننان كەيىنگى مەكتەپ اۋلاسىنىڭ حاۋىپسىزدىگىنە، وقىتۋ تارتىبىنە، ىندەتتەن ساقتانۋدىڭ تياناقتانۋىنا شىنايى كەپىلدىك ەتۋ كەرەك.
