اۆتونوميالى رايون قازىناسى تاعى دا 108 ميلليون يۋان ارناۋلى قاراجات ۇستەمەلەپ
بۇكىل رايوننىڭ ىندەتتەن ساقتانۋ - تىزگىندەۋ قىزمەتىن اناعۇرلىم قامتاماسىز ەتتى
پارتيا ورتالىق كوميتەتىنىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا ساقتانۋ - تىزگىندەۋدى ويداعىداي ىستەۋ جونىندەگى شەشىمىن ىشكەرىلەي دايەكتىلەندىرۋ ءۇشىن، اۆتونوميالى رايوندىق پارتكومنىڭ ىندەتتەن ساقتانۋ، قۇتقارۋ - ەمدەۋ قىزمەت ورنالاستىرۋىنا ساي، 2 - ايدىڭ 8 - كۇنى اۆتونوميالى رايون قازىناسى تاعى دا 108 ميلليون يۋان ارناۋلى قاراجات ۇستەمەلەپ، ىندەتتەن ساقتانۋ قىزمەتىنىڭ ءساتتى ورىستەتىلۋىنە شىنايى كەپىلدىك ەتتى.
ۇعىسۋعا قاراعاندا، 2 - ايدىڭ 9 - كۇنىنە دەيىن اۆتونوميالى رايوننىڭ ءار دارەجەلى قازىناسى جالپى ءبىر ميلليارد 331 ميلليون يۋان قارجى شىعارىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە قازىنا كۇشى جاعىنان پارمەندى كەپىلدىك ازىرلەگەن.
