شوكىرات زاكىر ءۇرىمجى قالاسىندا تەكسەرۋ - زەرتتەۋ جۇرگىزىپ، ىندەتتەن ساقتانۋ - تىزگىندەۋ قىزمەتىن تەكسەردى
زاڭ بويىنشا ساقتانۋ - تىزگىندەۋگە تاباندى بولىپ، ىندەتتەن بۇقارالىق ساقتانۋ، بۇقارالىق جونگە سالۋدىڭ بەرىك قورعانىس شەبىن قۇرايىق
2 - ايدىڭ 6 - كۇنى اۆتونوميالى رايوننىڭ ءتوراعاسى، اۆتونوميالى رايوننىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى شوكىرات زاكىر ءۇرىمجى قالاسى وڭتۇستىك شينحۋا كوشەسى 777 - ءنومىرلى اۋلادا، بيشۇيۋان شاعىن اۋماعىندا، فۋكاڭ كوشەسى جيشۇنبەي قوقىر - قوقسىقتى وتكەرمەلەپ تاسىمالداۋ پۋنكتىندە تەكسەرۋ - زەرتتەۋ جۇرگىزىپ، الەۋمەتتىك اۋماقتى توركوزدەندىرىپ باسقارۋ، قوقىر - قوقستىقتى تۇرگە ايىرىپ ءبىر جايلى ەتۋ، تۇرمىستىق قاجەتتى بۇيىمدارمەن قامداۋ سياقتى ىندەتتەن ساقتانۋ - تىزگىندەۋ قىزمەتتەرىن ورىستەتۋ جاعدايىن تەكسەردى.
”ءار كۇنى زارارسىزداندىراسىزدار ما؟“، ”قانشا ۋاقىتتا ءبىر رەت؟“. وڭتۇستىك شينحۋا كوشەسى 777 - ءنومىرلى اۋلاداعى تۇرمىستىق قوقىر - قوقسىقتاردى بەلگىلەنگەن ۋاقىتتا، بەلگىلەنگەن ورىندا تۇرگە ايىرىپ تاستاۋ ورنىندا، شوكىرات زاكىر ورتانى زارارسىزداندىرۋ، تازالاۋ، سونداي - اق ورتا تازالىقشىلارىنىڭ جەكەلىك ساقتانۋ - قورعانۋ جاعدايىن جان - جاقتى سۇراستىرىپ، ادامداردى ءبىر - بىرلەپ تەكسەرۋ، باسقارۋ، تۇرمىستىق قىزمەت وتەۋ، قامتاماسىز ەتۋ سياقتى قىزمەتتەردى ەگجەي - تەگجەيلى ۇعىستى. شوكىرات زاكىر بىلاي دەپ باسا دارىپتەدى: تۇرعىندارعا قىزمەت وتەۋ، باسقارۋ قىزمەتىن ويداعىداي ىستەۋ، اسىرەسە، ءوز ۇيىندە اۋاشالانىپ جاتقان ادامداردىڭ دەنساۋلىعىنا جانە پسيحيكالىق جاعدايىنا قاداعالاي نازار اۋدارۋ، ويداعىداي، تىڭعىلىقتى قامتاماسىز ەتۋ كەرەك. سونىمەن بىرگە قوعامدىق پىكىرگە جەتەكشىلىك ەتۋدى كۇشەيتىپ، ىندەتتەن ساقتانۋ - تىزگىندەۋ ۇگىت - تاربيەسىن وتباسىلارعا، ادامدارعا دەيىن جەتكىزىپ، ءار ۇلت بۇقاراسىنىڭ وركەنيەت ساپاسى مەن ءوزىن قورعاۋ قابىلەتىن ءوسىرىپ، بۇقارانىڭ توپتاسپاۋىنا، شوعىرلانباۋىنا شىنايى كەپىلدىك ەتىپ، ىندەتتىڭ ءوربۋىن باتىل تۇردە ءونىمدى شاۋجايلاۋ كەرەك.
بيشۇيۋان شاعىن اۋماعىنىڭ ماڭىنداعى كوكونىستەردى تىكەلەي ساتۋ ورنىندا قيار، قىزاناق، ءبايساي، كارتوپ سياقتى كوكونىستەر رەتتى تىزىلگەن، قامداۋ جەتكىلىكتى؛ الما، المۇرت، بانان سياقتى جەمىستەردىڭ ءتۇرى دە مول؛ استىق، ماي اۋماعىندا ۇن، كۇرىش، وسىمدىك مايى سياقتىلاردىڭ سانى تولىق بولىپ قانا قالماستان، تاڭدايتىن ماركالاردىڭ ءتۇرى دە كوپ ەكەن. شوكىرات زاكىر كوكونىس باعاسىنىڭ بەتالىسىنا ايرىقشا نازار اۋداردى، ول كوكونىس باعاسىنىڭ جالپى جاقتان تۇراقتى ەكەندىگىن ۇعىسقاننان كەيىن كوڭىل بولە بىلاي دەدى: كوكونىس سياقتى اۋىل شارۋاشىلىق قوسىمشا ونىمدەرىن زاپاس ساقتاۋ جانە قامداۋ سەرپىنىن ۇزدىكسىز كۇشەيتىپ، ”كوجە - قاتىق“تىڭ زاتى تولىق، باعاسى ورنىقتى بولۋىن قامتاماسىز ەتىپ، سۇرانىس كوپ زاتتاردى دەر كەزىندە تولىقتاپ، بازاردىڭ سۇرانىسىن قاناعاتتاندىرۋ كەرەك.
جيشۇنبەي قوقىر - قوقسىقتاردى وتكەرمەلەپ تاسىمالداۋ پۋنكتىندە، شوكىرات زاكىر بۇكىل قالانىڭ قوقىر - قوقسىقتارىن زارارسىزداندىرىپ ءبىر جايلى ەتۋ جاعدايىن ەگجەي - تەگجەيلى ۇعىستى، ىندەتتەن ساقتانۋ - تىزگىندەۋدىڭ ءبىرىنشى شەبىندە كۇرەس جاساپ جاتقان ورتا تازالىقشىلارىنا امانداستى، ولاردان حال سۇرادى. ول بىلاي دەپ اتاپ كورسەتتى: قوقىر - قوقسىقتى ءبىر جايلى ەتۋدە، ءسوزسىز، قوقىر - قوقسىقتاردى تازالاپ جانە تاسىپ ىندەتتەن ساقتانۋدىڭ ولشەمدى تالابى بويىنشا ىستەپ، قوقىر - قوقسىقتى ءبىر جايلى ەتۋدىڭ، قوقىر - قوقسىقتى وتكەرمەلەپ تاسىمالداۋدىڭ ىندەتتىڭ جاڭا تارالۋ ءتۇيىنى بولۋىنان ساقتانۋ كەرەك. ۇكىمەت قىزمەت وتەۋ، قامتاماسىز ەتۋ قىزمەتىن ويداعىداي ىستەپ، ورتا تازالىقشىلارىنىڭ دەنساۋلىعىنا شىنايى كەپىلدىك ەتۋ كەرەك.
شوكىرات زاكىر بىلاي دەپ باسا دارىپتەدى: شينجياڭدا ىندەتتەن ساقتانۋ - تىزگىندەۋ جاعدايى ءالى دە قيىن، ىندەتتەن ساقتانۋ - تىزگىندەۋدى ويداعىداي ىستەۋدىڭ ماڭىزدىلىعى مەن كوكەي تەستىلىگىن جەتە تانىپ، بۇكىل ەل ءبىر تۇتاس جۇيە يدەياسىن بەرىك ورناتىپ، پارتيا ورتالىق كوميتەتىنىڭ ءبىر تۇتاس قولباسشىلىعىنا، ءبىر تۇتاس سايكەستىرۋىنە، ءبىر تۇتاس ورنالاستىرۋىنا باتىل تۇردە بويسۇنىپ، بۇيرىقتى ەستي سالا ارەكەتكە كەلىپ، بۇيرىقتى بۇلجىتپاي اتقارىپ، اۆتونوميالى رايوندىق پارتكومنىڭ ورنالاستىرۋى بويىنشا، ىندەتتەن ساقتانۋ - تىزگىندەۋ قىزمەتىن تىڭعىلىقتى تۇردە ويداعىداي ىستەۋ كەرەك. ىندەتتەن ساقتانۋ - تىزگىندەۋدى زاڭمەن جونگە سالۋ ۇگىتىن كۇشەيتىپ، قالىڭ بۇقارانى ىندەتتەن ساقتانۋ - تىزگىندەۋ قىزمەتىن زاڭ بويىنشا قولداۋعا، سايكەسۋگە جەتەكتەپ، بۇقارالىق ساقتانۋ، بۇقارالىق ەمدەۋدىڭ بەرىك قورعانىس شەبىن قۇرۋ كەرەك. ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن بىرگە، قىس ماۋسىمىنداعى جىلىنۋ، سۋ، ەلەكتر، گاز، سونداي - اق سۋ ىعىستىرۋ جۇيەسىنىڭ حاۋىپسىزدىگىنە شىنايى كەپىلدىك ەتۋ كەرەك. قوعام ورنىقتىلىعىن ويداعىداي قورعاپ، ىندەتتەن ساقتانۋ - تىزگىندەۋگە تاماشا قوعامدىق ورتا ازىرلەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل تۇردە قول جەتكىزۋ كەرەك.
اۆتونوميالى رايوننىڭ ورىنباسار ءتوراعاسى جاروللا يسامدين تەكسەرۋ - زەرتتەۋدە بىرگە بولدى.
